KIBIYAR AJALI 13

 

                _13//KASBTSTW_

 

 

*BRITISH ENG LEARNING CENTRE*

 

Idanuwa na shiga zarewa a lokacin da driver yai parking mota a harabar wajen. Fitowa nayi dakyar ina harhade tafiya ta, Koda wasa bantaba hasashen kasancewa ta acikin jajayen kunnuwa ba. Gyara zaman rigar abayar jiki na nayi na shiga ciki. Tamkar a k’asar waje haka wajen yake, Sai hada hada akeyi,

classes ne sosai tamkar makaranta. Kowa kagani awajen nan kasan dan wani ne. Wai yau ni Dije ni ce acikin manyan mutane? Alhamdulillah Yaa Rabbi. Zuwa nayi na karb’o ID card dina da sauran abubuwan da Za’a buk’ata na handouts da books.

 

Ajinmu aka kai ni, Kowa da computer a gaban sa da earpiece saqale a jikin kunnen sa, Wurin zama na aka nuna min na zauna nima nayi duk abunda naga sauran daliban nayi, Sosai ake koyar damu ilimin turanci da yadda zamu dinga magana irin na British English. Both oral and written. Sosai nake enjoying lectures din da Mr Charles yake koya mana, Gashi yan ajin kowa kansa a waye, Gaskia birni tayi ba irin karkarar mu ba masu duhun kai, Lalle Ilimi na kai ka inda baka tab’a Zata ba.

 

 Haka dai malaman sukai ta koyar damu duk sati banda ranakun hutu (weekend days). Kafin kace me? Mun kammala koyan turanci kasar ingila, Hakika Idan nayi maka magana na juye baki da turanci ba lalle kace ni ce Dije Oganniya ba. Saboda gaba d’aya yadda nake magana a hankali cikin turanci da iyawa Kai ka dauka wallahi baturiya ce. Cikin haka aka fara lectures na university. Sai na mayar da zuwa koyan turanci Ranar asabar da lahadi kawai..

 

    Yau ni Dije ce a jamia? Sosai muka fara lectures babu wasa, Kullum driver ne ke kai ni ya dakko ni, Kawu Ismail ya tsayamin tamkar uba na. Matsala d’aya nake fuskanta a gidan nan bangaren Mami da yaranta.

 

Bantaba sanin ana tsantsar Kishi da hassada tsakanin matar kawun ka da ya’yan ta akan ka ba, Meyasa? Oho! Na bawa kai na amsa. Wallahi dik iya tsawon shekaru na da duhun kai na alokacin da ina k’auye, Na dauka Gajiyalle abinda yasa takemin haka saboda nazo a yar kishiya ne. Na dauka lokacin da na dawo dangin mahaifiya ta zanji sassauci. Yanzu a gidan nan gaba d’aya Mami da su Ya Shukra da Ya Hameeda basa shiga shirgi na, Tsakani na dasu sai hantara da kyara. Kawu ne kawai baya min komai, Yana ko’karin ganin ya yaye min kuncin rayuwa, Kai ko siyan kati shike turomin bana siya, Ga bani kudi da yake akai akai. Jin sa nake tamkar mahaifiya ta wallahi, Kuma suna kama sosai da mahaifiya ta, Ya nunamin hotunan su sanda suna k’anana..

 

Na fara zuwa lectures a jami’a, Sannan ina zuwa tahfiz a islamiyar dake bayan gidan mu. Ga British Eng learning centre da nake zuwa ranar weekends da yamma. Na kara wayewa, Kala ta tafito, Na murmure, Kai idan kasan Dijen Durbun a baya ba zaka tab’a cewa ni ce Nana Khadija a yanzu ba. Saboda yawan fad’an da su Ya Hameeda ke takala na dashi yasa Kawu ya raba mana dakin Kwana. Akwai wani k’aramin da’ki da ake zuba shirgi, Rannan yasa aka debe komai aka saka madedecin gado mai cin mutum d’aya, Yace na kwashi kaya na na koma can. Hakan kuwa akayi, Na tattara na koma can.

 

<<<<<>>>>>>      <<<<<<<>>>>>>   <<<<<>>>>>>

 

Haj Abeeda ce ta shiga zagaye a dakin ta, Tunda Alhaji Ismael yake wa Dije hidima tafara jin haushin hakan, Ta kuma dora yaranta akan network din tsanar Dijen. Wayar ta ta janyo dake chaji akan dressing mirror ta kira Haj Lubna bugu biyu ta dauka ta kara a kunnen ta,

 

 “Hello Hajjaju..!”

 

 “Na’am Haj Abeeda! Ya gida? Ina yarana?”

 

 “Sunanan qalau Haj.. Kina gida ne?”

 

 “Ina gida dawowa ta a office kenan..”

 

 “Toh gani nan zuwa.”

 

 “Lapia dai ko Hajia?”

 

 “Hmm’ Kede bari labari ba zeyi a waya ba.”

 

  Shiryawa Haj Abeeda tayi ta fuce, Dama already ta gayawa Alhaji Ismael Zata fita yau. Driver na sauke ta ta shige ciki ranta a bace, Bayan sun gaysa ne, Haj Abeeda ta sake jan tsaki a karo na ba adadi,

 

 “Hajia.. Subhan’Allah! Meya faru?”

 

“Ki bari kawai.. Ashe yarinyar nan munafuka ce? Shigo shigo ba zurfi tai mana? Ai Alhaji ya rufe ni Haj, Ke kinga hidindimu. Hmm!”

 

“Kin sani a dubu! Wacece haka?”

 

 “Yarinyar nan mana Dije. Wadda kika dauka yar aiki ce? Kinga uban barin kudin da Alhajin yake mata?.”

 

 “Hm kibar dangin miji! Basu da farin cikin daya wuce shiga tsakanin ka da mijin ka, Ai nagaya miki nace Kiyi taka tsantsan baki ji ba.”

 

 “Wallahy Na dauka tunda yar kauye ce, Irin makarantun nan haka na yakubayi za’a sata, Har nace su shukra su hada kuncen kayan su na babbata, Ashe ashe.”

 

 “Yanzu wai meya faru..?”

 

 “Ina centre dinnan ta British Eng? Me shegen tsada?”

 

 “Sabuwar nan da akai shekarun baya ko?”

 

 “Ita dai.. wadda har yar Hajian Badawa ma ta kasa shiga, Nima da kyar da jibun goshi da magiya Wallahi ya yadda ya saka su Hameeda lokacin. Yace tayi tsada, Yanzu kuwa kudin ta yayi doubling.”

 

 “Nagane Haj. Nima nan ba Sameer bane kadai yayi?”

 

 “Toh wallahi ina kai ki dai ya yanko mata form ta fara  zuwa, Ga Buk nan ma ya samo mata admission, Yace Hameeda ga MasterCard dinsa ta kaita shopping malls ta siyo mata komai, Ta bawa Senegalese tailor dinmu ya mata dinkuna..”

 

 “Kai... katarar ubancan! Alhajin?”

 

 “Hmm Wallahi Hajia! Nace masa sede driver amma Hameeda ba zata ba.”

 

 “Shine ya harzuka Yace shi zai kaita, In k’ark’are miki zance dai,  Ya lafto mata uban kaya, Ga latest waya datafi tasu Hameeda, Ga kayan gyaran jiki, ke Kinga yadda ya dawo da ita a rana d’aya kacal? Komai designers wallahi Hajia. Hmm ai ya kawomin alaka’kai gida..”

 

 “Kuma Hajia yar kanwar sace?”

 

 “Wallahi yar kanwar sa ce mai rasuwa, Ke da ba haka ba Ai sai muce auren ta zai yi. Toh Allah yasa ba aure a tsakani.”

 

 “Toh Hajia ki tashi tsaye.. Zahiri yarinyar nan tazo da dan asiri daga kauyen su, Ke yan kauyen nan fa wasu ba Allah a ransu.”

 

 “Nima nayi tunamin hakan, Domin Jummai ma tafara gayamin haka. Toh ai kuwa bata isa ba, Bazata sab’uba Wallahi..”

 

“Ina bayan ki Hajia. Ki kuma nunawa Alhajin bacin ran ki kawai akan haka.”

 

 “Ai wani irin murdadden hali ne dashi,  Wannan botsattsen idan ya tsaida ra’ayin abu wallahi baya canza shi. .”

 

“Gaskia Alhaji yabani mamaki”

 

“Ya baki koya bani? Duk cikin yan uwan nasa ba wanda yace zai karbeta sai shi uban tausayi, Saboda anga yanada abun duniya. Yazo sai fiffita bare akan ‘ya’yan sa. Wallahi ban taba kawo abubuwan da zai yi mata sun kai haka ba. Shegiyar yarinya yar iska.”

 

 “Simi simi da ita, zubin munafukai.”

 

 “Wallahi na dauka ta Allah ce yarinyar nan, Zata dauki maraicin ta ta iya talaucinta, Shegiya wai masscom zatai. Hm!”

 

 “Allah ya shiga tsakanin nagari da mugu Hajia. Amma dai yarinyar nan sai kinyi dagaske, Kar ta raba uba da ‘y’ay’an sa..”

 

Haka dai Hajia Abeeda da kawarta su kaita aibata Dije, Haj ta jima a gidan k’awarta na sake mata famfo, Ta dawo gidan ranta a bace,

 

Muryar Mami na jiyo alamun ta dawo, Ina tsaye agaban Ya Shukra ina rokonta data temaka ta gayamin ma’anar wasu kalmomi. Mami ta bugo kofa tashigo, Ta dube ni a harzuke tana ajiye mayafi,

 

“Meya haka.?”

 

“Mami aiki zata koyamin..”

 

Na bata amsa ina nuna Littafin hannu na, Ya Shukra ta ajiye biron hannun ta tana kallon Mamin a tsora ce,

 

 “meaning din wasu words ne tace dan Allah na gaya mata.”

 

“Toh idan kin gama kizo daki Ina neman ki.”

 

Kada kai Ya shukra tayi , A dubibice ta gama koyamin ta shige dakin Mami, Ina jiyo sanda Mami tasa key ni kuma nai saurin hayewa sama gudun kar ma na jiyo Abun da zai hanani bacci. Toh haka zaman namu ya kasance, Yau dadi gobe babu. Ni dai zaman nan din yafu min sau million dari akan na Durbin. Domin nan ba duka, Ba zagi, Ba hana abinci. Sai dai mita da bakar magana da Mami kan yab’amin. Wani lokacin har fada take janyowa tsakanin mu da su Ya Hameeda.

 

B<><><><

 

Hutun first semester da aka fara yi mana mai dogon zango, Kawu yasa na shirya driver ya fara kai ni gidajen yan uwan mahaifiya ta da suke nesa, Jos muka fara zuwa nayi sati biyu a gidan kawu Kabiru, Sunji dadin zuwa na, Suka min shatara ta arziki, Daga nan kawu ya yankamin ticket na garin lagos inda kawu Hashim yake. Tab Dije a jirgi, Na danyi kauyanci kadan inata kalle kallen cikin jirgi, Dak’yar na sai ta kai na muka karasa birnin ikko. Sati na biyu acan nan ma kafin na dawo gida da d’imbin kayan alkhairi. Duk inda naje sun mini kyauta ta mutuntawa, Daga nan Kawu da kansa ya zazzaga ya da ni gidajen yan uwa na cikin kano na gaggayshe su, Lalle dangi rahama ne.

 

Dake hutun wata biyu ne, Kawu ya sanya ni a computer school inda nayi certificate na tsawon sati uku ne. Hakika dik wani gata Kawu yana yimin shi. Gashi yanada temakon al’umma mabukata da masu shi, Yana temakawa marayu, Ga foundation da yake da ita na tallafi. Gaskia Kawu mutum ne. Saboda temakon da yake yi ne ashe yan kasuwar manya da masu kana'oin sana'oi suka kada 'kuri'u suka tsai dashi, ‘Shugaban kasuwar Singa. Saboda temako da yake yiwa masu karamin karfi a kasuwar. Kuma Doctorate degree din sa ma honorary doctorate ne da university of east london ta bashi.

 

 

*BAYAN WASU SHEKARU*

 

Alhamdulillah Ya Rabbi! A yau ne sunana ya fito a call-up letter na Nysc. A kano nayi orientation camp dina na sati uku, Kawu ya samomin wani gidan rediyo da talabijin na kasa mai suna Dokinkarfe24 wanda keda sashe anan kano. Anan na fara service dina na shekara d’aya. Har Allah yasa na kammala lafiya.

 

*DOKIN ‘KARFE24 TV/ NEWSPAPER AND RADIO STATION*

 

Alhamdulillah! Na shiga jujjuya offer dina a hannu na aiki, Da gaske ba mafarki nake sun karb’e ni a matsayin ma’aikaciyar su? Lokacin da nazo service (place of primary assignment/Nysc) Koda wasa bantaba kawowa zasu dauke ni a gurbin ma’aikaciyar su ba, Wai yau ni Ni Nana Khadijaa na zama cikakkiyar yar jarida kuma ma’aikaciyar gidan tv na Dokin Karfe24? Kaf kano babu gidan talabijin din daya ko kamo k’afar sa. Sune na d’aya dake tashe ance tun shekarun baya. (Television/ Radio station/ Newspaper) Duk Dokin karfe24 na kammale dasu. Kamar sabuwar tabi haka na tsaya ina kallon offer ina murmushi. Cikin haka Mas’oud saurayi na yazo ya same ni hannunsa rike da kwalbar maltina sanyayyiya. Yana zuwa yaja kujerar kusa dani ya mikomin yana murmushi,

 

 “Maman Waleeda da Waleeda..”

 

 “Na’am Baban Waleeda da waleed”

 

Domin mun rigada mun tanada sunan da zamu sanyawa yayan mu na farko idan munyi aure, Saboda tsabar yadda mukeson junan mu.  Mas’oud ya dakko jaridar gefen sa ya shiga min fiffita a fuska,

 

 “Sannu tawan.. Congratulations! Ai na gaya miki you wud surely made it, Kuma wallahi ko kadan banwa boss zancen ki ba, Su suka ga cancantar ki.”

 

 “Hakane Nawan! Alhamdulillah! Nagodewa Allah. Kai ma na gode maka yadda kake encouraging dina. Thank you so much.”

 

 “Anything for you, My love!”

 

Rufa fuska ta nayi da tafin hannu na, Saboda yaja kalaman ‘My love’ din. Kai Mas’oud karshe ne a iya soyayya! Anya akwai na biyun sa kuwa a tsarin iya tattalin mace?

 

 “Tunanin me kike yi ne tawan?”

 

 “Tunanin ka mana Habiby..”

 

Na karasa fada ina kanne mai ido d’aya, Murmushi yai yana gyara zaman hular kansa,

 

 “I’m all yours My love.. Sai yadda ki kai da ni. So ya zaki fara aiki ne yau ko sai nextweek din kamar yadda boss yace?”

 

 “No sai nextweek ko? Saboda na dan kara shisshiryawa.”

 

 “Banda dai heavy makeup, cuz I wont tolerate that my love, Banso sauran maza su rika kallemin ke. Ni nafuso ma ki rika saka hijabs da safar hannu data kafa.”

 

Cuno baki nayi gaba domin wasu dabi’una na rigima ban dai naba, Na fari da idanuwa na kafin na narke su akan sa,

 

 “Ni ni ni gaskia a’ah! A wannan zafin Habiby? Ayi hak’uri dai.”

 

 “Oh rigimatu na.. Na hak’ura! Idan kin zama Mrs Mas’oud ai dole kisa. Muje nai dropping dinki a gida.”

 

Handbag dina ya dauka da sauran kayayyaya ki na, Muka jera muna tafiya gwanin sha’awa, Motar sa muka shiga ya kai ni har kofar gida. Kawu ya dawo domin ga motar sa nan da direba a waje,

 

 “Zaka shiga ku gaysa da Kawu?”

 

“Afuwan My Love! Zan dai yi fixing lokaci, Kinga yanzu ba’a shirye nake ba. Zanzo zuwa na musanman.”

 

“Kullum haka kake cewa Habiby..”

 

 “Worry not My love! Ina nan tafe. Kinsan zuwa gaida manyan nan sai ka shrya tukun, Kuma so nake idan nazo gaisuwar ya kasance da yan kwanaki a kawo komai na aure.”

 

“Hakane! To Allah ya kai mu. Ya tabbatar mana da alkhairi Aamin.”

 

 “Aamin”

 

Sallama mukai irin ta masoyan da suka reni kansu da soyayya! Domin har gaban abadan zuciya ta bazata taba son wani Da namiji ba face Mas’oud. Saboda shine saurayi na na farko wadda zucia ta ta amsa sak’on soyayyar sa. Na riga na gina sonsa a zucia ta, Babban buri na yanzu a duniya bai wuce na zama mata agare shi ba. Da wannan tunanin na shige cikin gida, Fuska ta dauke da farin cikin abubuwa biyu. Zamana cikakkiyar yar jarida da kuma neman aure na da Mas’oud zai zo. Alhamdulillah Yaa Rabbi!

 

<<<<>>>>>  <<<<<>>>>>

 

Fitowa ta daga wanka kenan ina tsane jikina da towel kasancewar har kai na sai da na wanke, shigowar Ya Shukrah tana faman danna waya sanye cikin riga da wando kanta babu dankwali sai faman taunar chewing gum take yi, na dan saki murmushi duk da cewa ba kulani suke yi yanzu ba sai wulakanci da rashin mutunci da suke yi min ganin daddyn su yana min komai irin nasu baya ko banbantawa, shine dalilin da yasa suke tsangwama ta. Na ajiye small towel din akan stool ina shirin janyo man shafawa nace.

 

“Ya Shukrah tsifa kika zo nayi miki ne?”

 

Ta sakar min harara tare da yi min kallon sama da kasa kafin tace.

 

“Ban sani ba, da yake in zaki yi min tsifa tasowa zanyi nazo kiyi min ko? Wai me yasa duk abinda ya danganci yar kauye sai ta nuna a wajen? Mtseww village girl, Mami zaki je ki gyarawa daki mai bin maza kawai.”

 

Kalaman ta na karshe ce tasa kirjina bugawa, nayi saurin dafewa ina fito da idanuwa. Ban taba tunanin duk irin wulakancin da zasu yi min zai kai ga yi min sharri irin wannan ba, tabbas wannan mugun sharri ne dan ko a school bani da abokai maza bare yanzu da nake da wanda zuciya ta ke so.

 

“Ya Shukrah ni nake bin maza?”

 

“Oh! Zan miki sharri ne? Har driver daddy ya baki amman kika hana shi zuwa daukar ki sai wani Kato ne ya dawo dake.”

 

Jiki na ya yi mugun sanyi hankali na ya tashi, yanzu kallon da zasu yi min kenan? Sufa duk suna da motocinsu, kuma babu kalar mutanan da basa dauka a ciki, sai ni daga yi sau daya shine zasu ce ina bin maza saboda kawai basa ganin mutunci da daraja ta. Hawaye suka fara kokarin zubo min nayi saurin mayar dasu ina kakalo murmushi wanda aka ce yafi kukan cewo nace mata.

 

“Wallahi ban taba bin wani namiji ba, idan kika dauke driver na gidan nan. Sannan bana muku fatan irin wannan abun bare ni kai na Ya Shukrah, dan Allah ku dinga yi min kyakkyawar fahimta da kuma hangen alkairi a tattare dani. Wannan da kika ga ya kawo ni gida, shine wanda muka kulla alkawarin aure a tsakanin mu, kuma insha Allahu zamu mallaki junan mu kamar yadda muke mafarki kullum.”

 

Sai kawai ta waigo tare da sakin wata banzar dariya, irin wadda kana ji kansan ta mugunta ce kawai.

 

“Kice ku a yan iskan ma lamba d'aya ne? Wato har mafarki kuke yi gaku akan jun.....”

 

Ban bari ta karasa ba saboda jin kalar sharrin da zata kuma yi mana, rai na yana zafi zuciya ta tana kuna nace da ita.

 

“Nagode nasan me zaki fada Ya Shukrah, bari naje na gyara mata dakin.”

 

Nasa hijabi naje zan wuce ta gefenta, tasa hannu ta janyo ni nayi baya har na kusa faduwa Allah ya taimakeni na dafe madubi.

 

“Ni zaki nunawa ba ki damu da abinda nake fada ba? Kin yi kadan yarinya, wallahi sai nayi miki shegen duka a cikin gidan nan, sakarai kawai.”

 

Duk da ina jin zuciya ta na zugi tana tunzura ni akan cewa na yi mata abinda zai sa ba zata kara koda gigin yi min magana ba, sai dai na daure taci albarkacin mahaifinta da wallahi sai na nuna mata wacece Dije Oganniya yar Baffan ta. Na kuma tashi na yi ficewa ta sai ta biyo ni tana ta min masifa har na shiga cikin bedroom din Mami. Ita kuma ta juya ta wuce dakin su, na kalli madubi ina hawaye, wai yau ni Khadija ake yiwa sharrin bin maza. Koda ina karama ina cikin duhun kai da jahilci ban bi maza ba bare yanzu da nasan mutuncin kai na. Cigaba nayi da gyara gadon na share nayi mopping tare da kunna turaran wuta duk lokacin Mami ba ta shigo ba har na kammala na koma daki na a lokacin ne Mas'oud ya kira wayata, soyayyar da nake yi masa bata hanani duk yanayin da nake ciki sai na dauka.

 

“Oum Waleed wa waleeda, masoyiyata abar kaunata ya kike?”

 

Naja numfashi da kyar sannan na janyo dauriya dan kar ga gane yanayin da nake ciki na ce.

 

“Na'am abu Waleed da waleeda, uhmm wai kai kallo ma kake yi na jiyo karar tv?”

 

Yayi murmushi wanda idan naji ya yi sa yana kara min shaukin soyayyar shi.

 

“Uhmmm toh, tv d'in dai a kunne take, amman zuciya ta gabaki d'aya tana gareki mai sona kuma zabi na.”

 

“Nima haka wallahi, to wai yaushe zaka fara zuwa tadi ne gidan nan? Nifa na gaji da hirarar waya bana ganin fuskar ka.”

 

“Zan zo Oum Waleed, jira nake yi sai na fara yiwa mahaifina magana ya bani fili idan yaso sai nazo da ƙwari na gidan naku. Fata na kawai idan nazo Allah yasa Daddyn ku ya bani auranki, ina tsoran kar nazo ace ni ba tsarinki bane my love.”

 

Tamkar a gabansa nake haka na zaro idanuwa hannuwana dafe a saman kirjina, kafin nayi magana naji muryar Mami tana kira na. Cikin sauri na kallo bakin kofar tare da cewa Mas'oud ya kashe zanje na dawo. Doguwar riga na dauka na zura tare da fitowa ina yafa mayanfin rigar na tsaya a kusa da Mamin ina cewa.

 

“Gani Mami.”

 

“Ina system d'in da Alhaji ya siyo miki?”

 

“Tana gurin Mas'oud Mami zai saita min ita.”

 

“Ohhh! Har kinje kin bayar da ita ko? Ni zaki rainawa hankali Dije? Wato kinje kin siyar da ita baki san cewa za'a iya tuntubar ki inda take ba ko?”

 

Baki na yana ta rawa nake magana cike da tashin hankali.

 

“Wallahi Allah Mami ban siyar da ita ba, bari na dakko wayana kiji daga bakin Mas'oud d'in.”

 

“Rufe min baki, ni zaki yiwa Wayo? Kin dauka ban san irin dabarun nan naku na yan kauye ba? Duk irin abubuwan da kuke yi na san shi wallahi. Wato kin waye ko? Zaki ci duniyarki da tsinke a gidan arziki. Kizo kije ki dora abincin dare, su Jummai basa nan na basu hutu na kwanaki uku, duk aikin da suke yi kece zaki yi shi a gidan nan kinji na gaya miki ko?”

 

Zafafan hawaye suka zubo min, nasa bayan hannuna tare da gogewa. Ina ta daga kai alamun naji sannan ta juya ta koma parlor ta dauki remote ta kunna tv tare da zama ta dora kafa daya akan daya tana karkadawa. Ni kuma na juya na shiga kitchen ina kuka wanda na rasa ko na menene....