MATAN HAFIZ 9

9.

Haka dai rayuwa ya cigaba da tafiya a gidan Hafiz, yau dadi gobe akasin Haka tun bayan tafiyarshi da Fateema. Zainab ta karo wani iskanci sai ta yi zaune a falo ta yi ta zage zage, Raheema bata biye mata saboda ita ta kanta take jikin Nata ya kara nauyi sosai watanin cikinta takwas, zaune take a dakinta abin duniya duk ya bi ya isheta zafi ake a garin ba na Wasa ba, ta kunna fanka duk a banza tunawa tayi da rayuwarsu na baya ita da Hafiz a lokacin da bai auro Zainab ba, Yana bata kulawa yana nan nan da ita kamar kwai amma gashi yanzu duk ya rage. tun da suka yi tafiyar nan yana kiranta a Kai a Kai watansu uku a can bata taba fada mishi abubuwan da Zainab take mata a gidan, ta fi so ya zo ya gani da idonshi falo take zama ta rike rimot a hannunta ta ce,

 "babu shegiyar da ta isa ta kalli wani wajen". 

to dama ita kallo bai dameta ba a tambayeta dai karance karancen littafi na Hausa su ma yanzu ta rage kadan ba kamar da ba.

"Assalamu alaikum, wai ko babu kowa a gidan ne?"

 Wata kyakkyawar  matashiyar budurwa ce  mai kama da Hafiz sak ba za ta wuce shekaru 25 year ba doguwa ce marar jiki hannunta rike da wata yarinya yar shekara hudu, Zainab ta na zaune a falo ta yi banza da ita, shegowa matar ta yi ta rike baki ta na kare ma Zainab kallo ta ce,

"Amma dai Zainab wuyanki ya isa yanka, dan tsabar jakanci irin naki na shigo gidan dan uwana na yi sallama ba za ki amsa mini ba? Ai ko dan saboda ladar kin amsa ko?.."

Hannu Zainab ta daga mata ta ce,

"Ba zan amsa d'in ba, na ce ba zan amsa ba da kike maganar wuyana ya isa yanka sai  yanzu kika sani? Sai ki yankata ki kaima waccen munafukar uwar tak..."

Marin da Mufeeda ta zabga mata shi ne yayi sanadiyar hadewar sauran maganartata nan da nan fada ya kaure sakaninsu, har Mufeeda tayi nasarar kadata ta na ta dukanta ta ko ina, bby Ayman sai kuka take. Ihun Zainab da zagin da take shi ne ya falkar da Raheema daga barci a hankali ta sauko daga gadon ta nufi falon turus ta yi ta na kallon ikon Allah idan ta ce ta rabasu ciwo za su ji mata shi ya sa ta nufi hanyar waje cikin tashin hankali domin duk Sun jima juna ciwuka a jiki musamman Zainab da take kasa Mufeeda na ruwan cikinta, 

"Mai gadi! mai gadi! Mai gadi!! "

Heema sai kwala masa Kira take ya fito a gigice Yana tambayarta lafiya, ta kasa magana sai nuna masa kofar falon su take da hannunta da gudu ya shiga falon yayi kansu gadan gadan da kyar ya rabasu numfashin Zainab na kokarin daukewa. 

Rigar Mufeeda ya yage har ana ganin gefan nonuwanta kawar da fuskarsa maigadin yayi ya shiga tambayarsu abinda ya hadasu. 

Mufeeda ta ce

 "da ka kyaleni na halakata shegiya yar iska har kin isa ki zagi uwarmu ko kina tunanin duk wani iskancin da kike tantawa bamu San da shiba??!, bayaga zagin da kike wa hajiyarmu yana dawowa kunnuwanmu to wlh iskanci ya ishemu nice dai dai kowace shegiya a gidan nan dan haka zamu cigaba da kwasar 'yan kallo nidake muddin baki canza ba kika dawo hankalinki to nima bazan canza ba banza ballagaza juya kawai sai dai aci kawai a cika ma yaya na gida da qattan kashi ba ribar aure,

banda kaddara ma me yaya Hafiz zai yi dake? Yau shekara  hud'u da aurenku har yanzu baki taba koda 6ari ba garama waccen kazamar Raheematu ita ta haihu"

aiko cikin tsananin takaicin rashin kunyar mufeeda garesu uwa ba matan yayan ta ba zainab ta rarimi kwalbar lemun  data gama sha a gefan  ta  ta shammaci  Mufeeda ta buga mata ita a ka, jikake fasssss!!!!!

 nan da nan jini ya wankewa  mufeeda fuska gamida jiri daya kwasheta ta  zube a kasa a sume jini na ta cigaba da zuba...

" Innalillahi wa inna ilaihin raji'un aifa

 shi kenan, shi kenan shi ne kawai"!!!!

 abinda mai gadin yake ta fada, da sauri heema ta yi kan Mufeeda ta na girgiza ta amma ina ko motsi bata yi...

*😍By 4 writer's Fasaha*