DUK NISAN JIFA 7

                      7

Ta zauna a tare da sirikanta har ta yi takabarta ta gama

Ta samu ta yi takabar cikin nutsuwa da kiyayewa Bayan ta gama ne ta shiga tunanin sana'a, da kuma wajen zama domin ba zata iya zuwa gidan mahaifanta ba ta zauna ita daya sai dan yaronta mai shekara uku, 

Haka kuma idan ta zaune a gidan sirikanta zata dora masu wani nauyi ne, su kansu sunna fama da kansu a gabannan zasu tsaya kan kafafuwansu ne domin dama mijinta shine komai na gidan, sai dai a lokacin da sarakuwarta ta ji bayaninta sai ta nuna mata sam ba inda zata je, ai su y'a take a wajensu zasu iya rike iyalin d'ansu ko bayan ransa, idan ta samu miji sai ta yi aurenta

Shawara kan shawara take tana kwoncewa kan sana'ar da ta dace da ita

A hankali ta fara yin awara tana siyo waken a pancas (wata yar kasuwa ce dake bakin hanya a garin damagaram) 

A kafarta take zuwa da goyon yaronta ta siyo ta kai nikan abinta sannan ta koma kanya ta dafa ta matse ta fita waje ta shiga soyawa tana siyarwa

Ta iya gyaran awararta hakan ya sa ake siya ta ko'ina dan kuwa harda kwai take sakawa mai son da kwai

A hankali ta ringa fuskantar rayuwa, kafin yaronta ya kai lokacin shiga makaranta ta samu zawarawa uku sai dai kowa maganarsa a kan yaronta ne, wanda takan yi murmushi ta ce da mutun" Allah ya hadaka da wace bata da yaro, aman idan na yi aure yanzun ina zan barshi? Maraya ne"

Shakuwar dake tsakanin Asma'u da HISHAM shakuwa ce ta uwa da d'a, ta sadaukar da farin cikinta bila adadin dominsa, Nema take ido rufe dan shi, yaron idan ka ganshi ba zaka ce rayuwar kauye yake ba dan kuwa suturunsa masha Allah, jikinsa a tsaftace

Yana kai shekarun shiga makaranta ta je da kanta dan tana son saka shi

Sai dai damuwar da ta fara fuskanta shine ba zasu dauke shi a shekarunsa ba a kauyen sai ya kara girma

Ta ci burin karatun HISHAM, ta rayu da wannan buri a zuciyarta, domin kuwa karatun islamiya da na boko ta yiwa kanta alkawarin sai inda karfinta ya kare a kan yaron nan wanda take kallo ta ji sanyi a zuciyarta, dan shi kadai ne da ita gaba da baya, mahaifiyarsa tun da ta tafi bai fi a irga ba wayar da suka yi da junna har mamaki take bata 

A haka ta zauna da mahaifiyar marigayin mijinta sukai magana, ta zo mata da maganar yaronta da kudirinta, duda ba a hakan ta fara aikata abinda bata taba aikatawa ba watau a kan rayuwar yaronta ta inganta ta koyi shiga kasuwa, ta koyi zama kofar gida ta toya awara, ta koyi kutsawa cikin mutane, ta koyi abubuwa da yawa a dalilin yaronta, sai kuma ga baban abin, a kan karatun yaronta zata koma birni da zama

Sun jima sunna tatauna maganar, har mahaifin mijinta ya zo ya saka baki

Gannin burinta kennan, kuma su, suke zaune da ita sun san wacece ita ya saka suka saka albarka da faran alkhairi

Mafarin kaurowarsu kennan birni, ta tare a gidan nan da makotanta 

Ko a birni sana'a take ka'in da na'in

Bata shiga sabgar da ba tata ba, tana mutunci da mutan anguwa , tana shiga ta kamala

Bata wasa da adininta, bata wasa da shiga sabgar mazan anguwa haka kuma bata baiwa kowa fuskar da zai iya kawo mata lalata ba

Yaronta na karatu, yana da ilimi , domin Hisham ya kasance irin yaran nan da ake kira surdoué, tun yana kananun shekarunsa ake tsalake masa aji kafin kace me ya yi fice a harkar karatunsa yana zama zakara a dukan abinda ya saka gaba

Tun a kannanun shekarunsa ya yi sauka, ya ringa shiga litatafan adinni, sannan ya ajiye buri na zama soja

Yana kawo shekara goma sha shida a duniya mamansa ta yi aure, ta auri wani bafulatin mutun dan kasuwa mai mutunci

Dagewa ya yi kan su tare a gidansa da matarsa da y'ayansa biyu

Sai dai mama ta dage kan maganar  yaronta fa? Idan ta je gidansa da d'anta shin za'ai zaman lafia da iyalinsa?

 Ga Hisham wani irin yaro ne mai kafa kafa da mutuncin mamansa, a duniya zaka zauna kalau da shi idan zaka mutunta masa uwa, daga bakin lokacin da zaka nemi raina masa uwa zai daina gannin girmanka, sannan zai datse du wata alaka tsakaninka da shi, idan kuwa ka nace zai kirta maka rashin mutuncin da zaka manta hanyar garinku

Wannan tunannika suka saka mama kasa bin wannan mutun, sai dai ya zo ya kawo masu ziyara ya tafi 

A haka kamar da wasa mama ta wayi gari da ciki, abin ya daketa ya bata mamaki, tana fahimtar hakan ne sai ta yi shiru bata fadawa kowa ba ta ci gaba da harkokin gabanta duda irin wahalar da yake bata a cikin gidanta 

Mijinta ya yi murnar haka, ya kuma tado maganar komawa gidansa dan ba zai taba son gannin ya raba kawunnan y'ayansa ba

A wannan lokacin ne kuma wata rigimar ta kara barkewa, dan kuwa mama ta so komawar sai kuma matarsa ta yi yaji ta tafiarta gida

Abubuwa dai sun faru mararsa dadi , karshe sai kulawa ta ragu, a hankali ya rage yawan zuwa inda suke har Mama ta haihu yarinya ta ci sunnan *BILKISSU* 

Tun yana waiwayarsu sau biyu a sati, ya koma sau daya

Karshe abin ya dawo wata, har ya koma idan ya tunna

A hankali dai bawan Allahn nan ya yi watsi da su ya bar mama da rainon yar jaririyarta da kuma yaronta

Daga wannan lokacin ne HISHAM ya kara zage dantse wajen taimakawa mamansa

Idan ba kira Zeinab ta yi ba, ko mama ta yi kiranta ta zaunar da shi cewar ga mahaifiyarsa su gaisa shi ba wani sanninta ya yi ba, sannan yana kara gannin girma da darajar mama a idannuwansa na irin yanda take sadaukarwa a gareshi a wannan zamani da zumunci ya yi karanci

Karatunsa na kara zafi tafe da shekarunsa, kwazonsa ya saka ya yi ta cin nasarar shiga manyan makarantu ba da ko sisinsu ba

A shekarar da ya zama zakaran zama na farko a kaf niger wanda ya fi kowani dalibi maki a matsayinsa na wanda ya karanci Serie C mai matukar wahala ya saka manyanmu zama na musaman a kansa

Daga wannan rana ne komai ya cenza masa domin kuwa gwamnati ce ta dauki nauyin fitar da shi waje, nauyin abincinsa, nauyin suturarsa, da wajen bacinsa, da litatafansa, komai nasa tare da albashi irin na mai burse mai tsokar gaske

Cike da farin ciki Mama ta zauna ta dannawa Zeinab kira dan ta sanar mata, cikin nutsuwa ta ce da ita" Dama albishir zan baki a kan HISHAM"

ZEINAB dake rubuce rubuce ta dan dakata ta lumshe idannuwanta ta ce" Asma'u, ni kam gaskiya sai na ce kamar baki gane yarena ba? HISHAM D'ANKI NE,  dan Allah cen ku karata ni kam ku barni na yi abubuwan dake gabana dan idan har kudi ne zai fito daga wajena a irin wannan lokacin bani da shi, nima ta kaina nake"

Bata tsaya ta ji sauran zancen ba ta kashe ta ci gaba da rubutunta dan tana ta ajiye takardunta ne na neman aiki

Jiki a sanyaye ta dago ta kai dubanta kansa, yana gyarawa BILKISSU rigarta da ya cenza mata 

Miskili ne na bugawa a jarida aman idan yanaiwa Bilkissu hira kai ka ce da wata katuwar budurwa yake

Mama ta dan gyara murya ta ce" Mahaifiyarka ce na yi kira Hisham , zata kiraye mu ta ce" 

Irin yanda ya kurawa fuskarta ido sai ta samu kanta da kawar da kai tana dan dama bata ce haka ba,

Murmushi ya yi a fili ya ce" Mamana, likita zan karanta aman kuma na sojoji, ina da buri a cikin zuciyata sai dai ina tunanin barinki a nan, da kuma BILKISSUNA, ina tunanin wa zai kula min da ku? Wa zai ringa kai min ita makarantar islamiya? Wa zai ringa kaita na boko? Wa zai ringa hannata fada? Kar fa a dakar min ita mama, kar ki ringa hasala a kanta mamana, zaki rike min ita da irin rikon da kikai min kuwa? "

A hankali ta ringa jin kewarsa tun kafin ya tafi, a hankali ta sada kanta sosai tana jin yaron a kasan zuciyarta

Murmushi ta dago ta sakar masa dan kar ta sage masa gwuiwa

A haka ta rarashe shi da alkawarin yin iya yinta a kan amanar da Allah ya bata na tarbiyarsu baki daya

Daga bakin lokacin da ya daga ta fara azumin litinin da alhamis

Idan ta kai kanta kasa sujada bayan adu'ar gamawa da duniya lafia takan yiwa yar uwarta adu'ar shiriya, sai kuma ta bige da zanen adu'o'in yaronta sannan ta yiwa yarinyarta

Wannan gudunmuwa da ta ringa tura masa ta adu'o'i su suka kara taimaka masa ya yi fice

Tun kafin ya gama karatunsa ya ringa sauya rayuwar Mama da ta kanwarsa

Du idan ya ga sutura ta masu daidai shekarunta zai saka kudi ya siya ya tura ta jirgi, takalma ne, Riguna ne, harta da pant siya yake abinsa ya tura

A kadan sai da ya dauki shekara takwas yana karatu , sannan ya kara shekara uku yana karantar fannin mata dan wani kudiri dake cikin zuciyarsa

A cikin shekarun nan sau goma sha daya cif ya koma gida shima karshen shekara yake samu ya je ya yiwa mamansa sati daya cif sunna tare da kanwarsa da mamansa sunna gannin gari sunna raba lokacinsu tare cike da kaunar junna

Tun a shekararsa ta bakwai ya biyawa mama makkah tare da Bilkissu suka hade suka tafi tare, a dawowa suka biya ta wajen da yake karatunsa nan suka ga tamkar wani dan sarki irin yanda yake cikin alfarma, karatunsa ya janyo masa alkhairi

Tun daga lokacin mama ke hankalce da su, hakan ya sa take taka tsantsan a tsakaninsu dan kuwa su din sun san cewa su ba muharaman junna bane, babar shakuwar dake tsakaninsu, irin yanda HISHAM ke kafa kafa da lamuran Bilkissu , yanda ya mayar da ita tamkar princsss sai abinda take so, yakan kashe kudi masu yawa ya kawata mata jin dadinta, duda daga bakin lokacin da ta kai shekaru goma sha hudu sai ya zame mata wani tsadade , hirar na hada su aman ba irin ta da ba, domin bata hayewa kansa ta yi ta murginarsa, bata gagawar taba jikinsa du ya yi mata iyaka da hakan

Bai tashi dawowa garin Damagaram kwata kwata ba sai da aka sha rigima da shi, domin kuwa karara gwamnati ta nuna ya zauna a baban Birnin Niger ya yi aiki, sai dai ya nuna masu aikinsa zai yi shi a Damagaram, zai koma ne ya kula da jama'ar Damagaram, aman du inda yake idan ana da bukatar aikinsa za'a iya tarda shi

Gagarumin biki aka yi masa na dawowa wanda mama ba yanda bata yi ba dan ta samu gannin Zeinab ta fada mata irin alkhairin da yaronta ya zama sai abin ya gagara, wayarta dake shiga da sai ta daina shiga, hakan ya sa ta ajiye cewar Zeinab dai ba mahaukaciya bace ko ba dade ko ba jima zata waiwayi gida ko dan yaronta, sannan ta san a irin shaharar yaronta tabas labari zai kai mata, idan kuwa ya kai mata zata fito ta neme shi ne! Hakan ya sa ta cire komai a ranta ta ci gaba da rayuwarta

Ba shi ya baro garin niamey ba sai da tsarabobi

Yana zamewa a damagaram a baban offishin sojojin garin, a nan aka sha rigimar yan tsaro domin shugaban kasa ya bada umarnin a hada shi da mutun hudu

Sai da kyar ya shawo kansu kan kwaya daya ya ishe shi, kuma shima shi ya zabi abinsa watau dan uwansa abokinsa *COLONEL KADER*

Sati biyu suka kara a gidan mama na asali, wanda ke daukan baki ta ko'ina ana ta kawo gaisuwa da barka 

Satitikan na cikawa ya kwashe su ya nufi sabon gidan da ya kyakyara masu bayan mama ta bar sanarwar cewa a ko wani lokaci ana iya yin bakuwa kanwarta ce mai sunna Zeinab sai a kaita sabon gidan

Daga wannan rana suka ci gaba da shinfida rayuwa mai tsafta a cikin gidan nan

Wani irin lamari ke faruwa a tsakanin bayin Allahn nan biyu

Irin yanda HISHAM yake kafa kafa da du abinda ya shafi kanwarsa, daidai da zuwa anguwa shi ke tuka ta, makaranta haka, mota ce da ita mama ta hanna ta tuka, suturunta mama na kyautarwa kowani lokaci domin bashi da lokacin siyan mata kaya, daidai da bra da pant yakan siya duda pant din da yake siyo mata sun jima da yi mata kadan aman bata taba fada masa ba sai dai ta ringa kwashewa tana baiwa kawarta Laila

Kudin makarantarta, kudin gyaran gashinta, sabulanta, turarukanta kai komai na gidan duniya kafin mama ta ce zata kai dubanta ya siya ya ajiye har tanadawa yake a dakinsa 

Kalar turaranta na ruwa da na hamata princss ne mai gida pink, computernta aple pink, wayarta Iphine X Max du ta saka mata abin barbie jiki, du kashe kudinta ba shine damuwarsa ba domin a duniya damuwarsa yau a wayi gari wani saurayi ya yi tunanin zai iya yiwa kanwarsa wani abu bayan yana raye!

Bangaren Bilkissu kuwa, ta kasance a kan lamarin da ya shafi yayanta jiki na bari take komai, bata wasa, bata son a yi mata wasa da maganar da ta shafi yayanta, kama daga wankin bayi, gyaran daki, kilace kayansa takalmansa, takardunsa , amsa kiransa, komai tana yi ne kamar irin aikin da zaka yi a biyaka

Bata saka munafurci a abinda ya shafe shi, dalilinsa ta kasance mai kutse kutsen koyon girki dan kuwa burinta ya ci sabo mai dadi ya yaba duda ba yabawar yake ba aman idan ya cinye ta tabatar dan ya yi masa dadi ne

A kulun so take ta yi sabon girkin da zai birge shi a bakinsa, takan jirga dakinsa ta gyara ta yadda a kulun zai kara jin sha'awar kwonciya a cikinsa, tana kiyaye harkar samari du rashin jinta, dan kuwa Bilkissu bata jin magana ko kadan saima idan ta fito daga gida, aman fa ba ruwanta da harkar maza tana kiyayewa

Mama kuwa na taka tsantsan a kan kusancinsu a gida ko a waje, tana jan hankalinsu tana yi masu nasiha sannan tana adu'ar Allah ya kori shedan a tsakaninsu

Har zuwa wannan rana rayuwar ke tafe cikin salama

                         *Labari*

A yau ranar litinin ta kama ranar da ya tashi da tiyata har kwaya biyu, hakan ya sa tun da duhu duhu ya shigar da dayan marar lafian  Namiji ne mahaifin Hajia Aisata

A kadan sun kwashe awa hudu a ciki dan tiyatar ba mai zafi bace aka fitar da shi cike da farin cikin hangen nasara a aikin

Sai babarbarar matar da zai saka zuwa karfe goman safe

Ba wani abinci mai nauyi ya jimga ba dan salak ne akai masa sasauka sai lipton da dan jus na Xmen dan ya kara samun karfin jikinsa da nutsuwar aiwatar da aikinsa

Yana gama sha ya zauna ya ci gaba da bincikar takardunta daya bayan daya yana kinkimtsa komai

Karfe tara doctors din da zasu yi aikin tare suka bayana a office dinsa

Nan ya kara bude masu takardun ya yi masu bayanin komai dala dala ta yanda zasu fahimta da kuma irin aikin dake jiransu wanda a kadan ya tabata zasu kwashe awanni shida domin wani karri ne za'a cire mata a kanta daga gaban goshinta

Secretariarsa ce ta shigo a karro na uku ta shaida masa ya yi baki, matar ta ce a ce masa *ZEINAB CE MAHAIFIYARSA*

Da mamaki ya kalli matar ya maimaita 'ZEINAB mahaifiyata?' A kasan zuciyarsa sai kuma ya basar ,

da hannunsa ya nuna mata yana zuwa 

Bai kuma bi ta kanta ba sai Kader da ya yi kira cike da miskilanci ya ce" Karfe goma sha daya da rabi Bilkissu ke sauka , sha daya ta maka a cen Kader" 

Kader ya amsa shi sannan suka kashe wayoyinsu baki daya goma na cika suka shige dakin tiyatar da Nurse suka gama shiryata da komai sai fatan nasara

Du ta daburce a wajen a tsaye cikin rantsatsen lesh dinta, ga wace bata da lafiar tana cikin watsetsiyar motar DG dinsu tare da matarsa da yarsu daya mai sunna *AISHATU* 

Gannin abin na neman jan daga sai kawai ta ce da su tana zuwa

Tsohon gidan ta je, nan aka samu yaro ya kaita gidan HISHAM

Tun daga kofa take sakin baki da hanci, harda masu tsaro da mai gadi , irin tsarin  gidan ya sakata a fili ta furta" Yaushe ka zama mai kudi haka? nake cen duniya ina faduwa a kasa ina shan wahala HISHAM? , *YAYA AKA YI AUNTY BATA FADA MIN BA?* 

Tsaye take tana faman son masu tsaron kofar su barta ta shiga sai dai sun tatare hanya da komai sun ki bata wannan dama

Motar dake dauke da BILKISSU ce ta danno kai, watsetsiyar yellow din Hamer sai nishi take ta ja ta tsaya a kusa da Zeinab

Zeinab na gannin hakan ta kara bin motar da kallo

Kader da mamaki ya bude motar yana kallon matar dake kama da Mama sai dai ta fi mama yarinta da sa kaya kananu domin lesh din dinkin sket ne jikinta tamkar bata kai shekara arba'in da takwas ba

 "Sannu fa?" Ya fada yana kallonta da yannayin mamaki

Itama su take kallo, da budurwar dake lekowa tana kallonta

Kyan Bilkissu, da yannayin fuskarsu da ta dauko ya saka Zeinab zagayawa tana son bude motar

Da sauri Kader ya fito ya zagaya ya dakatar da ita yana fadin" Malama lafia dai? "

Zeinab ta yi murmushi ta kara nuno Bilkissu da yar yatsarta ta ce" Babyna? Baki gane Tati ta waya ba? Ni ce fa tati ZEINAB ko ba Bilkissu bace?"

Ido Bilkissu ta zarro cike da mamaki sai kuma ta tuntsere da daria tana cire hijab din kanta ta bude motar ta ce" Lah, yaya kader maman Hama ne fa, wallahi Tati Zeinab ce a gidanmu yau bara na kirawo mama...."

Da gudu gudu ta shige tana ihun kiran mama da murna da farin cikin yau ga tatinta, yau ga mahaifiyar Yayanta, yau ga kanwar mamanta da kulun take cewa har yanzu shiru Zeinab bata neme mu ba? Ko tana raye? Ko lafia? """"""""