MIN QALB 39

 

MQ 39_*

 

 

Direct wani kebantaccen guri suka nufa daga bayan joint din inda aka tanada domin VIPs itadai komai na gurin bai burgeta ba ko dogon kallo bai ishetaba sbd damuwar dasuke Wanda sukazo gurin tare,

Sam ta rasa walwalar rayuwarta tun jiyan data samu sanin shine mijin da aka daura mata aure dashi.

 

Da sauri Jan baturen yataso Yana Masa sannu da zuwa tareda miqa Masa hannu sukai shaking Yana kallon fuskar Amatu dake daure ba alamar fara'a ko wata walwala ya maida kallonsa Kan MD din Yana sake washe baki zaiyi Magana MD din ya katsesa a gajarce Yana zama yace"

 

My wife.

 

Da sauri Mr Jeremy yasake kallonta Yana sake sakin fuska da murmushi yace"

 

Nice to meet you Mrs ZABEERA.

 

Kallonsa tayi ta Dan daga gira daya kadan alamar amsawa ta zauna nesa dasu tana kallon gurin ba cikin dadin raiba sukuma suka zauna tareda fiddo laptop ya kunna yafara nunawa MD din aikin dayakeson nuna Masa.

 

Sauraron Mr Jeremy yakeyi Yana Kuma fahimtar Abinda yake Masa bayani daidai hankalin nasa ya rabu Kashi biyu ne,

 

Waiter""ya furta ahankali cikin nutsuwa daidai lokacinda wani Waiter ya nufo VIP din.

 

Yes sir""Waiter din yafada cikin Yar rusunawa.

 

Amatu ya nunawa waiter din Yana cewa abata menu ta zaba Abinda take buqata.

 

Koda aka miqa Mata menu girgiza Kai kawai tayi batareda ta juyo ta kalli gefensu ba.

 

As you wish"yafada Yana dauke hankalinsa gabaki daya daga kanta ya maida Kan aikin gabansu.

 

Awa daya,awa biyu har uku taga aikin bana qarewa bane ga uwar yunwa kamar zata illatata ta waiwayo ta kallesa akaro na kusan hudu Amma ko inda take baya kallo kamar ma ya manta da ita gabaki daya..

 

Cikowa idanuwanta sukai kamar zatayi kuka sbd baqin ciki da takaicin yimasa magana takeji Amma haka ta miqe jiki a mace ta nufesu tana sassauta damuwarta sbd kada takaici yasa ta zuzzuduma Masa zagi ayi Mara kyau.

 

Jin mutum tsaye akansu yasa Mr Jeremy dagowa Yana ganinta ya washe baki Yana bata hakurin riqe Mata Miji da yayi itadai ko kallo bai ishetaba ba MAHMOUD din take kallo Wanda ko motsawa baiyiba bare ya juyo ya nuna yasan da mutum agurin

A hasale tace"

 

Ka maidani gida sbd Banga amfanin zamana anan dinba.

 

Juyowa yayi ya zuba Mata fararen idanuwansa dasuka sanyata saurin dauke Kai zuciyarta na bugawa da sauri.

 

Fuskarta ya kalla dakyau batareda yace qala ba Jin shiru yasata juyowa zata Kuma mgn idanuwansu suka sake hadewa sbd rikicewa batasan lokacin datace Dan Allah ka maidani gida wallahi yunwa nakeji kaman Zan mutu ana wlh.....

 

Dan bude idanuwansa yayi irin da gaske kike bayan anbaki damar cin abincin kince AA.

 

Dauke Kai tayi zuciyarta na qara Dan daukar zafi saidai Bata sake cewa komaiba ta juya ta nufi hanyar mota.

 

Juyowa yayi ya kalli Mr Jeremy daya Gama washe baki Yana kallonsu cikin burgewa yayi gyaran murya Yana cewa abar sauran aikin sai zuwa gobe zai kirasa.

 

Miqewa yayi tareda karban copies na takardun aikin tareda wucewa yana kunna wayarsa daya kashe tun dazu.

 

Jikin mota ya tarar da ita fuskarta amatuqar tamke tun Kan ya qaraso ya bude motar ta shige ta rufe.

 

Yana shiga ya Dan rage sanyin ACn motar sbd sanyin daya Dan Fara saukowa kafin yaja motar suka bar gurin Yana amsa wayar Modibbo data shigo Masa.

 

Suna Isa gida ta fice motar dayake zata gane tuni tayi gaba Koda ya shigo tana tsaye gurin dining tana kwankwadar grape juice ko sanyi baida Amma Bata damuba sbd gigitar da yunwa tai Mata.

 

Gaisawa da Anty salamatu kawai yayi ya wuce hanyar dainsa bayan ya ajiye odar abincin dayayi tun suna hanya ya hade da delivery man din a qasa ya karba.

 

Tana ganin alamar abinci ne ya ajiye ko daki bai qarasa shigewaba ta nufi ledocin to hau budewa jiki na rawa ta dauki box daya tafara ci duk da abincin kamar zataiwa kanta kuka sbd rashin ma'anarsa Amma hakanan ta tuttura Tasha lemu ta saki qyasa tareda sauke ajiyar zuciya ta kalli anty salamatu dake kallonta cikin mamaki da 'yar dariyar sai alokacin tace"

 

Anty salamatu wlh bandauka Zan iya shigowa da qafafu naba sbd yunwa.

 

Murmushi antyn tayi tareda Fara gyara gurin tana cewa''

 

Amatu kenan.yanxu Wanda yafita da miji kundawo da yunwa maimakon kifara cire Masa ki Kai Masa Amma kin zauna kin qoshi abinki.

 

Anty salamatu kenan

Wane miji Kuma?

Ina umme ko bacci takeyi?

 

Dining anty salamatu ta nufa da abincin tana cewa''

 

Umme ta tafi gidan yarta tace da Dan nisa daga Nan acan zata zauna sai ankwana biyu zata Zo.

 

Kallon tsoro takebin anty salamatun tana cewa''

 

Meyasa zata tafi to?

Da Ina Nan wlh can zanbita nayi zamana acan Nima.

 

Abincin anty salamatu ta jere Masa a dining din bayan ta diba ta wuce daki batareda tacewa Amatun komaiba sbd takaicin zancenta na cewar zatabi ummen.

 

Itama miqewa tayi jiki a sanyaye ta nufi dakin saita tararda anty salamatu ta maida Mata kayanta dayan dakin da umme tabari sbd yafi girma ta jere Mata kayanta tsaf a wardrobe ta sake gyare dakin.

 

Tubewa tayi tayo wanka tazo tayi sallah Tasha maganin ciwon Kai ta kwanta take bacci yayi gaba da ita.

 

Wanka yayi shima ya fito Bayan yayi sallah ya zauna dining ya dauki box din chips daya yaci da Burger yasha energy drink ya dawo Palo ya zauna ya kunna news Yana kallo sama sama Yan amsa wayayo har tsawon lokaci kafin yakoma bedroom dinsa.

 

Washe gari Babu Wanda yagansa acikinsu sbd bai fitoba kwata kwata sai yamma lis yafito ya fice bayan fitarsa ya aiko da mota aka kaisu asibiti Basu jimaba aka dawo dasu.

 

Washe garima hakan ne yafaru ankaisu asibiti Kuma Basu sakashi a Ido ba,

Kwanaki suka Fara tafiya Amma Babu wani sabon alamari a rayuwar zaman gidan,gabaki daya Basu cika ganinsa ba sai jefi jefi sbd baya zama idan Kuma Yana Nan bai cika fitowaba,

Kullum ana kawo musu abinci so uku a yini har Anty salamatu tagaji dacin na wajen tafara Dan yimusu dubarun abinci dayake ta iya girki sai suka koma cin nata ganin sunfi son na gidan sai yasa akazo aka dauki anty salamatun aka kaita shopping din komai na abincin dazata iya girkawa.

 

Yanayin zaman yafara gundurar anty salamatu sbd Sam ko gaisuwa Bata Shiga tsakanin Amatun da MAHMOUD din saitaji duk ta tsargu da zaman gidan ta sanarda Amatu tafiyarta zatayi yabi umme inda take idan har Bata sauya ba ta ringa gaida MAHMOUD din har dakinsa Koda bai fitoba.

 

Da farko share zancen antyn tayi Amma dataga alamar da gaske antyn tafiya zatayi Dan harta Kira umme saita Fara zaman Palo tana kallo ko wayoyi idan yadawo kokuma idan yafito zai fita takan gaishesa batareda ta kallesa.

Ta bangaren Muhammad kuwa suna ganin cigaba sosai sbd sauki yafara samuwa Dan yanzu Yana kuka sosai kamar sauran babies wani lokacin idan taje asibitin sukan batashi tabasa nono da kanta basai ta tatsa Masa a roba kamar yanda ake Masa ada Kuma Yana 'dan kamawa yanzu ba laifi.

 

Yau zaune take a Palo ita kadai tana kallon wayarta data gama waya da USI tanason Kiran anty zarah Amma kamar koyaushe tanajin kunya da nauyinta takasa Kira sbd batasan ta inda zata Fara yiwa anty zarah din bayani ba.

 

Bude qofa taji ahankali cikin nutsuwa  sbd baya komai cikin hayaniya yasa tagane shine yafito daga dakinsa

batai niyar juyawa Amma ta daure ta 'dan juyo a sace ta 'dan kalli qofar.

 

Sanye yake cikin qananun kayan Shan iska sky blue me haske sosai sai slippers farare dake qafarsa da keys din mota da waya a hannunsa da alamu gurin Shan iska zaije.

 

Anty salamatu ce ta fito sanye da riga da skirt na atampa ganinsa da yanayin shigarsa yasa tadanji kunya tana dauke Kai tareda yaba kyau da kwarjini irin na MAHMOUD,

Har zata koma daki cikin Jin nauyi data Zo ta darshe tsakanin amare Kuma qanne saita Dan tsaya batareda tajuyo gaba daya ba tace"

 

Inason zuwa gurin umme nai Mata kwana biyu shine nace ko za'a kaini?

 

Zulum Amatu ta miqe tana kallon anty salamatun cikin mamaki da firgici tace"

 

Nima zanje Bari nashiryo.

 

Ko kallonta Babu Wanda yayi acikinsu ya nufi qofar ficewa Yana cewa''

 

Muje na ajeki da kaina.

 

Ko Kaya anty salamatu Bata tsaya daukowaba sbd kada Amatu tafito Basu tafiyarsu ba tabu bayansa da sauri.

 

Aikuwa kodata fito cikin Shiri tana gyara zaman gyalen jallabiyar dake jikinta taga ba kowa a palon ta nufi qofa da sauri ta fito ta hau lift zuwa qasa tana Isa suna  barin harabar building din ta tsaya tana bin hanyar gate din futa da Ido tanajin wani Abu aranta na baqin ciki Amma hakanan ta hkr ta juya Takoma ko daki Bata shigaba a Palo ta zauna baqin ciki da damuwa na cinta ta Yaya zasu tafi su barta ita kadai a gidan daga ita sai shi.

 

Har kusan qarfe goma sha biyun dare baidawoba tana daki duk da kwance take hankalinta na qofa taji shigowarsa sbd Sam takasa samun sukuni ita kadai cikin gidan aqalla dai taji motsin mutum cikin gidan zai rage tsoronta.

 

Sai qarfe daya saura taji shigowarsa ta sauke ajiyar zuciya daga kwancen tareda juyawa ta gyara kwanciyarta tana rufe Ido.

 

Washe ma haka ta wuni ita kadai gidan bataga dawowarsa ba sai cikin dare ahaka sukai kwana uku take hankalinta yafara tashi sbd tun tashinta Bata Saba rayuwa gurinda Babu hayaniyar jamaa ba Sam Bata taba ma zama ita kadaiba sai abin yake Bata tsoro shiyasa ranar kwana ta biyar tana kwance cikin damuwa tunda safe taji fitowarsa ba Shiri ta wuntsulo daga Kan gadon ta fito ko wula da suturar arziki Babu ajikinta tana futowa shikuma Yana zama Kan Kan dining da cup din ruwan tea a hannunsa sai jinta yayi kwasam akansa ya dago idanuwansa ahankali ya zuba mata ganin suturar dake jikinta take ruwan tea din dake cikin  bakinsa suka Dan sarqesa ya dauke Kai Yana Dan tari ahankali batareda ya juyo yakuma kallontaba ya miqe zai bar gurin takuma saurin Shan gabansa tana cewa''

 

Bazan iya zama anan ba inason zuwa gurinsu umme.

 

Tsayawa yayi cak tareda juyowa ya kalleta da idanuwansa dasukai 'dan ja sbd tarin da yayi Yana kallon fuskarta yace"

 

Su umme nada damar barin Nan ke Kuma akan dalilin me Zaki bar Nan?

 

Sakin baki tayi tana kallonsa Kai tsaye tace"

 

Akan dalilin ni kadai nake rayuwa kamar Mara galihu,

Inason zama tareda mutanen dasukan darajata sukasan su......

 

Idon daya watsa Mata yasa maganarta yankewa tana Dan sauke Kai daga kallon idanuwansa qasa qasa tace"

 

Nagaji.

 

Ringing din wayarsa yasashi dauke idanuwansa akanta ya dauka Yana cewa''

 

I will be there in 10min and the ticket make it 2.

 

Wuceta yayi Yana cewa''

 

Kije ki shirya.

 

Juyawa tayi ta koma daki tana cewa''

 

Dadai yafi sbd nagaji da wannan zaman rashin yancin gwara ka kaini gurinsu Kona farfado rayuwata.

 

Tsayawa tayi gaban madubi zata tube tayi saurin kallon jikinta tana Dan fiddo idanuwa sbd ganin kayan jikinta tana furta taslimah...

 

Rigar bacci ce ajikinta gajera sosai wadda ko cinya Bata Gama hawaba Kuma irin me gidan nonuwan nan ce agabana yadin me sulbi sosai gashi rigar baqace saita fiddo kyan farar fatarta.

 

Dafe goshi tayi tana sakejin damuwar abin tareda kunya me tsanani kafin dai ta tuben ta nufi toilet.

 

Wanka tayo ta Dan shafa man jaggins kadan sai spray da body mist data shafa ya sanya doguwar Turkish gown royal blue tayi rolling gyalen tafito da handbag dinta qarama sai wayarta.

 

Qoqarin zama takeyi saigashi yafito sanye cikin qananan Kaya blue black shima sai qamshinsa ya doke nata ko kallonta baiyiba ya nufi kofa Yana duba agogon hannunsa.

 

Mr Jeremy ne yazo daukarsu atunaninta gidansu ummen zasu Amma taga sunzo asibiti suka Gama Abinda zasuyi kafin suka nufi gurin shiga train Wanda yasata bude idanu tana kallon tsarin gurin suka shige first-class tun kafin su zauna aka Fara gabatar musu da jaridar karatu da abin sha,

 

Wayarsa ce tayi ringing Yana dubawa yaga video call ne zarah ke kiransa Abinda Bata taba ba

Da farko yaso qin dauka Amma ya dauka daidai lokacinda Amatu ta juyo zatai Masa Magana saigashi idanunsu sun gane musu juna itada anty zarah baro baro jikin waya take kowaccensu gabanta yayi mummunan faduwa sbd ganin Yar uwarta musamman ganin irin adon dake jikin kowaccensu

Amatu ce tayi saurin sauke Kai zuciyarta na harbawa da qarfi adon anty zarah din na cika Mata Ido sbd kwalliya ta musamman anty zarah tayi cikin wasu qananun Kaya ba komai akanta sai gashinta data zubo sbd kawai ta burge mijinta.

 

Itama Kuma anty zarah idanuwanta Basu sauka akan komaiba sai akan fuskar Amatun data canza sosai tayi fresh kamar tana cikin kwanciyar hankali da amarci.

 

Shikuwa ganin yanayin shigar zarah din tun kafin tayi Magana ya datse Kiran Yana kashe wayarsa gabaki daya sbd kada aganar Masa iyali.

 

Take Amatu taji tafiyar tafita ranta jikinta yayi matuqar sanyi batasan lokacinda ta juyo ta quresa da kallo ba tanason karantar yanayin dayake ciki da Abinda yafaru yanzu din ba.

 

Jin idanuwanta akansa yasashi Dan kallonta yaga batada niyar barin kallonsa

 ahankali cikin cool muryarsa me taushi yayi gyaran murya

Ta dauke kanta ahankali har lokacin zuciyarta Bata daina bugawa da qarfi ba.

 

Tafiyar awa daya da rabi sukayi saigasu awani gari dayake da tarin sanyi da qarancin mutane Wanda daga gani garin shaqatawar Yan honey moon ne sbd yanayin tsare tsarensa.

 

Wani boyayyan hotel suka sauka Wanda ya tsarinsa yasa take tunanin shine babba agarin sbd komai nasa farine.

 

Aiki yakawosa shiyasa suna shiga suite dinsu ko zama baiyiba ya fice yabarta bayan yayi odar abinci dakomai yasa akawo Mata.

 

Itakuma zama tayi bakin gado jikin asanyaye sbd har lokacin Bata daina ganin anty zarah da kallon datake Mata a idonta take tasakejin matsuwar gobe tayi sukoma kodan Takoma gurin Muhammad dinta da akace za'a iya Basu sallama kwanakin

Gabaki daya Jin haushin komai taji tanasake yi

Daqyar tagama Abinda zatayi ta kwanta Bayan ta sanya riga da wandon bacci masu Dan nauyi da aka kawo musu set na mace Dana namiji ta rintse idanuwanta tana son bacci ya dauketa.