DUK NISAN JIFA 47

 

🎾🎾🎾🎾🎾🎾🎾🎾🎾🎾

          *DUK NISAN JIFA*

           _(K'asa zai dawo)_

🎾🎾🎾🎾🎾🎾🎾🎾🎾🎾

            _RUBUTAWA_

               *SAJIDA*

        *SADAUKARWA*

                   *GA*

           *MASOYA NA*

💫✨ *TAURARIN MARUBUTAN NIGER (ASSO.)*🌟

_(Tsintsiya mad'aurinki d'aya)_🤝

  ☆ *[ T.M.N.A]* ☆ 📖🖊️ 

https://www.facebook.com/Taurari-marubutan-niger-111773560677003/

_Bismillahir rahamanir rahim_

                            47

Kasancewar sun yi gayya, gidan a cike yake makil da mata ana dore dore yan anguwa manyan mutane da masu dafe dafe ya saka nan da nan mata suka kirawo maza aka fitar da manyan kujerun fallon mama tsakiyar gida aka zagaye su a cikin runfar nan 

Basu gama shirya wajen ba domin harda su kafet suka fitar daga dakin Hisham suka shinfida sai ga manyan motoci na ratsowa sunna shigoea fila fila da su

Dogarai ne ke firfitowa da gudu sunna kara zagaye motar da take ciki, sai da suka gama bada umarnin a saki hanya sannan suka bude mata gefenta

Cikin nutsuwa ta fito, cikin wani irin rantsatsen lesh fari kal da bakar alkyaba a sama mai duhu da duwatsu farare a jikinta, kanta dauke da simple dauri sai hular alkyabar a jikinta

A motar dake bayan tata yan mata ne har hudu suka fito kowace da alkyabarta sannan sunna rike da akwati da wata roba fara mai dauke da kaya

Irin yadda dogaran nan ke kara tatarewa ne ya sakata ja ta tsaya bata motsa ba har sai da ta yi niya da hannunta ta yafito baban dogarin wato sarkin bulala

Yana zuwa ya duka gabanta yana kwaso kirari, hakan ya sakata dan yatsina bakinta domin har ga Allah ta kasa sabawa da abubuwan nan, cen kasa kasa  ta ce" Ku fita, nan gidan ba yan ta'ada ku daina hantarar mutane masu daraja"

Muryarsa sama sama ya ce" An gama gimbiya uwar gida kuma amarya a wajen mai damgaram, Allah ya huci zuciyarki mama a wajen yari da saraki ikon Allah, Allah ya fitar da ke lafia uwar gijiyarmu"

Da yannayin gajiyawa ta kara tamke bakinta cike da jin haushin wannan kirari fa abubuwa da ake mata, ta tsani wannan abu, ita bata son abin nan tana so ta shiga inda take so a lokacin da take so kai tsaye irin na kowa, sai dai kash daraja da girma na tare da zanen kadararta

Bata motsa ba sai da baki daya suka yi waje suka layu ta ga mai gadi ya rufe kofar sannan ta juyo wajen su mama ta saki murmushi a bayane ta ce" Asalamu alaikum "

Ai kam wajen du suka amsa salamar , Tati na yi mata murmushi tana mata barka da zuwa

Basu tsamaci haka ba sai gani suka yi tun daga yan matan da bayi matan dake ririke da abubuwa a hannu sun duka sunna gaishe da tsofafin wajen uwa uba Gimbiyarsu wace ita ta fara dukawa har kasa kanta a kasa ta gaishe da tsofafin nan ba dan komai ba sai dan ta saba da hakan sannan irin yadda dogaran nan suka yi masu ba zata so su juya su bar abin fada ba

Wannan abin ya saka wajen kwasar guda har sai da Najeeba ta ji wani shauki, cike da farin ciki take kallon mama wace ta mikar da ita tana sakin murmushi ta ce" Allah dai ya sa ba'a shafa mata lalle a filin nan ba mama? "

Mama ta girgiza kai da sauri ta ce" Ai tatinta ta hanna tunda na fada mata sakon masarautar damagaram ta ce mu jira"

Murmushi Najeeba ta yi tana kallon tati ta ce" Na gode Tati"

Tatima tana yi mata murmushi ta amsata

Najeeba ta juya ta amshi robar dake hannun kanwarta ta bude farin kyalen dake sama ta ce" Na kwaba lale, sai dai na yi wani garaje domin na saka an tatsa min nonon rakumi ina so a fara yi mata wanka da shi sannan a shafe jikinta da lale, sai dai ban san ko zaku yarda da hakan ba? Duba da irin hatsarin dake tatare da wanka da nonon rakumi "

Tati ta yi tsuru cike da tsoron hakan a zuciyarta, a sanyaye ta ce" Ba har mutuwa ake yi ba? "

Najeeba ta gyada kanta ta ce" Makarin samu ne, sai dai idan ka kasance kaima mai yiwa mutane abin na kume maka zuciya ya hanna numfashinka fita, sannan idan har sammu ya yiwa jikinka yawa shima yana kashewa, anfaninsa kuwa shine dumama jikin mace, idan gar budurwa ce ke kika damu gatan wanka da nonon rakumi sabuwar haihuwa wanda bai shayar ba yana gama haihuwa a tatse shi a maki wanka da shi a shada maki lale jikinki ba zai taba rabuwa da dumi da danshi da ni'ima na mata ba, koda kuwa kin haihu"

Su dukansu kall9n junna suke ga robar a hannun Najeeba tana nazartarsu

Tati ta kama robar ta ce" Mu je"

Mama ta sakar yi murmushi ta koma ta zauna tana kallo su biyu kawai suka shige ciki

Sunna shiga dakin Bilkisu suka tarar da ita kwonce saman gadonta tana cikin blanket ga wayarta a hannunta tana vidio call da Laila da farida wa'inda suka tafi saloon sunna mitar su fa gaskiya zasu dauko mai sallon din sun kada gane a kan me mama ta ce ba zata je saloon ba bayan gobe gobe daurin aure

Janye blanket din nata da aka yi ya sakata tashi da sauri  domin daga ita sai yar rigarta ta barci fara wace yau fa ita ta tashi kuma bata cenza ba domin kasala da fargaba sun sakota a gaba

Murmushi Najeeba ta yi gannin irin yadda ta zarro ido tana kallonta da mamaki, hakama su laila harda ihu suka saki na murna hakan ya sa Najeeba saka hannunta ta kashe kiran da suke kafin ta fuskanci tati ta ce" Tati zaki yi mata ko? "

Tati ta gyada kanta ta dauki kwaryar sannan ta kama hannun Bilkisu suka yi ciki

Najeeba ta kwabe alkyabar jikinta ta koma fali ta amso sauran kayan hannun kannenta sannan ta fada masu su shirya fa

Tana komawa ta ringa jiyo Bilkisu na fadin" Kuma duka zan cire tati? Menene za'a min? "

Murmushi ta yi ta gyara tsayuwarta tana jiran fitowarsu, yau gata zata darji amarya 

Cikin ikon Allah akai mata wanka da nonon nan mai karni da dumi domin baya hucewa da sauki 

Nan da nan jikinta ya dauki wani irin dumi haka kuma ta fara jin juwa na neman kadata ita

Tati ta tareta a jikinta ta yafa mata katon tawul ta rikota ta fito da ita

Sunna fitowa Najeeba ta kamata suka zaunar da ita Tati ta riketa da kyau domin rangaji take abin daukanta yake sama sama

Najeeba ta bude lallen nan ta shiga shafa mata kamar yadda ta koya ake yiwa amare tana adu'a a bayane 

Sai da ta gama shafa mata sannan ta juye sauran saman gashinta dake kunce yana digon abin nonon nan ta shiga murza mata shi sosai a jikinta tana kara murza mata sauran jikin nata da shi hankali kwonce fuda irin yadda jikinta ke rawa domin tsigar jikinta tashi take

A hankali tati ta fashe da kuka a lokacin da Bilkisu ta kifa kanta a kirjinta ta saki kuka mai shiga zuciyar nan gaba daya jikinta na rawa sakamakon abinda take ji ilahirin jikinta na dauka ga karatun da Najeeba ke yi ga murzartar da ake yi

Najeeba ta gama murzata da kyau domin ita kanta sai da hannunta ya ringa sulbi dan kuwa gaba daya suka cire tawul din suka darji jikinta

Fita ta yi ta amshi kaskon turaran wutar da suka hada mata ta dawo suka jibga mata katon barko fuskarta kadai ke waje suka aniya bambada mata turaran wutar nan yana ratsa gaban jikinta wanda kamar da wasa wannan karni da lale ya kora ta kuma bubude kofofin jikinta kanshin nan ya maye gurbinsa dan kuwa ba'a koma aka wanke ba aman gaba daya jikin ya dauki wani irin sansanyan kanshin turaran wutar

Sai da ta gamsu sannan ta kara dora kan Bilkisu a jikin Tati ta shiga yi mata tufka da gashin kanta ta yi mata rankwala rankwalan kitso kwaya hufu suka tafi har gadon bayanta suka ja fuskarta da kyau har kamar an yi mata kitso irin kananun nan

Madarar dake cikin gora mai hade haden tsumi kala daban daban da makari na asirai wanda ya zame mata jiki ta girgiza da kyau ta mikawa tati ta ce" Ta shanye duka tati, karfin jikinta zai dawo bara na amso kayan da zamu saka mata"

Tati ta gyada kanta a sanyaye sanadiyar kukan da ta yi na shafa lalen Bilkisun wace ita kuwa har yanzun take kukan ta ce" To aman ba zamu wanke mata nonon ba? Na ga kamar yana kara kashe mata jiki kar ya ilatata"

Murmushi Najeeba ta yi a lokacin da ta maida alkyabarta bayan ta kakabe jikinta ta ce" Da yana cutar da ita da ya kasheta tun kuna ciki tati"

tati ta talabeta a jikinta a hankali ta ce" Menene na kukan yar albarka? Ya isa haka mana kar ki kwonta rashin lafia kuma, kin ga fa kowa fa ta nan ya bi kin ji?, ki yi hakuri kukan naki na tayar min da hankali"

Bilkisu da kyar ta iya bude bakinta tana amsar madarar nan, du yadda ta so kin sha sai da suka tirsasata ta shanyeta tas , du kuwa irin yadda ta ringa yinkuri dan amayarwa abin ya gagara domin ya je ya zauna a cikin ba zai fito ba

A haka suka saka mata wata doguwar bakar riga mai laushi da santsi sannan bata da nauyi ko dis, suka saka mata bakar hula suka boye gashinta a ciki sannan suka dora mata alkyaba wata rantsatsiya sai walwalwal take

Ana dora mata hular tamkar wata gimbiya haka ta fito Najeeba ta saki murmushi a ranta tana ayanna 'Yanzu zaku yi kuka'

A hankali suka shiga janta suka nufi baban falon da ita, sunna fitowa kannenta suka saka su a tsakiya kowace da alkyabarta da turaran wuta gefe da gefe sauran ukun kuwa sunna watsa fulawa dayar kuwa na dauka a vidio da watsetsiyar iphone dinta

Sunna daga labule sunna fitowa sarewa ta shiga tashi , nan da nan kowa ya juyo hankalinsa wajen

Irin yadda busar ke tashi dole ta daga hankalin mutane da dama, shauki ya ringa debar da yawa wasun kuwa haka kawai suke jin hawaye na zuba ta gurbin idannuwansu

Abinda ta yi niyar yi ne ta dauki hanya, watau gaban Mama da ta kasa motsi suka nufa

Sunna zuwa suka kama Bilkisu suka tsugunar da ita gaban Mama, a nitse Gimbiya ta ce" Mama, ki yafewa Bilkisu ki yi mata adu'a zata shiga dakin miji, mama ki saka mata albarka zata je ta ga sabuwar rayuwar da bata taba ganni ba"

Du irin kwarjini da irin yadda wajen ya cika bai hanna maman Aisha budar baki ranta na ci gaba da tafarfasa ta ce" Wani irin rayuwar da bata taba gani ba, shin baku san bazawara bace har kuka shafa mata lale?, ku kuwa mutane kun taru kuna taya abin bayan a wata daya ne tak take cenza maza uwa rigar mama ana daure mata? "

Sai a yanzu Najeeba ta sauke ajiyar zuciya, domin dama abinda take son ganni kennan kuma ta samu, mama kam tunda Najeeba ta gurfanar da Bilkisu gabanta zuciyarta ta karye hakama tati hakan ya sa ta rungume kanwarta tana hawaye ga kuma magangannun mahaifiyar Aisha dake nemanta da fitina ido rufe du kuwa da irin yadda take kauce mata dan bata sin fitina ta je ta iya da kanta aman sai haye mata take

Najeeba ta yi murmushi bata ce da ita komai ba, sannan da sauri ta dakatar da jakadiya uwar yara wace ke kula da dukan motsin najeebar a lokacin da ta zabura ta ce" Wace marar da'ar ce zata fada a kan maganar Gimbiya? "

Najeeba ta kuma gyarawa Bilkisu aljyabarta sannan ta rage tsayinta kasa kasa ta ce" MAMA zamu juya, mai Shaheed ya ce kar na yi dare, aman in sha Allahu zamu yi waya, a watse taro lafia, aman ina nan alfarmar a maifa ita dakinta kuma kar a mata wani wankan sai gobe "

Mama ta ringa godiya tana share hawayen idannuwanta suka tashi gaba daya mutane na yi masu godiya da adu'a duda iya mama da tati da Bilkisu aka bari suka rabe su

Sai da suka zo kusan motarsu Najeeba ta juyo ta kalli Maman Aisha wace tsabar rashin nutsuwar zuciya ta kasa tsayawa waje daya du inda suka yi tana biye da su sai waya take dokawa ta kasa tsayar da tunaninta da kalamanta a kan lamarin ta ce" Ki godewa Allah mata sun ji maza sun yi sanyi, sai dai ki sani mulki zamani ne, a lokacin da jaki ke neman kahon da zai kai tini rago ke hangen kafafunsa na baya domin bai san idan ya daga bindinsa kafafun na kai dukan da suke iya halaka bawa, ba rashin sannin ciwon kai ke saka bawa kawar da kai a kan wasu abubuwan ba, wani lokacin gardama da jaki ke iya sakawa ka zamo jaki!, sai dai ki kula da takunki bana fada mai daura zani ta fada idan ba ni na bata damar zama uwata ba, ......"

Yar yatsarta ta kada ta fitar da hakorinta ta dantse lebenta na kasa ta ce" Zan tafki fatar marar kunya komai tsufansa , zan hargitsa lisafin DG a lokacin da na bashi yar shila ya kara ta biyu, ki ce  da shi NAJEEBA MUTALAB na gaishe shi, sannan ya shirya SADIYA MUTALAB ta warware ya je ya tara domin bana baiwa rago Y'A!" 

Tana gama fada ta shiga motar tana hararen kannenta da suka tsurawa Mama Aisha ido , hakan ya sa da sauri suka nufi motarsu suka shiga summa sannan dogaran nan suka ringa shigowa da gudu gudu sunna shiga motocinsu kafin suke juyawa du suka fice

A gidan biki an samu abin tataunawa hakan ya sa gidan ya kara daukan haramar al'uma

                   *Babar rana*

A yau ne ta kama ranar juma'a, babar ranar da mutane da yawa ke jira

Tun karfe shida mama ta mayar da Bilkisu dakinta , Tati kuwa ba kanta cikin baki take tana ta saka gyare gyaren wajaje

A wannan lokacin aka yi baki manyan baki larabawa mutun hudu suka zo da tsohuwa da wasu mata uku

Tati ce ta ja su har wajen mama a lokacin da suka ce dan Allah a nuna masu maman Hisham

Mama kanta sai da gabanta ya fadi, a sanyaye ta nuna Tati ta ce" Wannan ai itace mahaifiyar Hisham, Zainab kin ga maman MUHAMMAD ce fa"

Itama da sauri ta kalli matar dake kallonta da wani yannayi kamar na tausayawa kamar na neman taimako gata sharaf cikin shiga ta alfarma sai kanshi take bazawa

A hankali ta ce" Wanene Muhammad?, Aunty kin ga ina zuwa bara na je na ga an gama daidaita kofar gidan cen? "

Tati na juyawa mama da mamaki ta bita da kallo

Mahaifiyar MUHAMMAD ta yi murmushi ta ce" Ki barta, fushi take da ni ko?, zata hadu da shi domin yana kofar kuma ya ce shi zai daura auren dansa"

Mama kam kunya ce ta hannata magana hakan ya sa ta basu waje tare da Bilkisu wace ke cikin abin rufa jikinta ya gama dumuwa da zafi ko idannuwanta bata iya dagawa