DUK NISAN JIFA 46

 🎾🎾🎾🎾🎾🎾🎾🎾🎾🎾

          *DUK NISAN JIFA*

           _(K'asa zai dawo)_

🎾🎾🎾🎾🎾🎾🎾🎾🎾🎾

            _RUBUTAWA_

               *SAJIDA*

        *SADAUKARWA*

                   *GA*

           *MASOYA NA*

💫✨ *TAURARIN MARUBUTAN NIGER (ASSO.)*🌟

_(Tsintsiya mad'aurinki d'aya)_🤝

  ☆ *[ T.M.N.A]* ☆ 📖🖊️ 

https://www.facebook.com/Taurari-marubutan-niger-111773560677003/

_Bismillahir rahamanir rahim_

                            46

Tati kallonta kawai take, sai da ta dasa aya kafin ta mike jiki a sabule ta bi hanyar dakin mama, hakan ya sa mahaifiyar Aisha sakin kayatacen murmushi a kasan zuciyarta cike da farin ciki sannan ta mike ta yi waje dan kiran mijinta ta sanar masa wani sabon labarin, wannan abin ya saka mata tunanin dawowa garin DAMAGARAM da zama domin ita kam inda take gannin maiko maiko cen ta fi wayo

Tati na shiga dakin Mama a hankali ta karasa kusa da ita tana zaune bakin gadonta kanta sade

Gaba daya ta duka kasa itama kanta sade muryarta na rawa ta ce" Dan Allah ki yafe min, ki yafe min, walahi na yarda cewa ni din mai son kaina ce, ni butulu ce kuma ina mai neman yafiyarki domin na rantse maki da Allah na jima cikin duhu ban san cewa a duhu nake ba sai a dazu da na koma tsohon gidan cen na ringa neman hanyar da zan ga MUHAMMAD KHARIBULLAH abu ya gagara, gani ga motocin da yake ciki ina hangen datijon dake ciki aman masu tsaronsa sun mana katanga, ashe haka ake ji? Ashe a banza nake ihu? A lokacin da na ga gawarsa a tv sai nake gannin komaina ya kare na jin dadi neman kudi kawai zai fitar da ni, hakan ya saka na kasa gannin ni'imar dake tare da ni watau yaron da Allah ya bani da kuma ke yar uwata  kwalin kwal da gareni, kin ga yau duniya ta koya min hankali, kin ga inada rabo da alamu tunda har Allah ya bani wannan dama, sai dai ban san ta yaya zan  gyara laifukan da na aikata ba, ban san ta ina zan bi na gyara ba"

Dago kanta ta yi tana kallon mama ta ce" Yaya mu'amalata da iyayena ta kasance? Yaya aka yi suka yarda suka aura min? Shin tsorona ne ya saka ko kaunata ce ta hanna masu tsawatar min?, na shiga ukuna da ciwo a zuciyoyinsu a kaina suka rasu? "

Da sauri mama ta kamo hannayenta tana dan girgiza mata kai ta ce" Zainab ba zaki fasa kukan ba ko? "

Tati ta fashe da wani irin kuka tana fadin" To ni ai ina sonsa, shine ya wulakantani? Ai sai ya fada min gaskiyar lamari da tun a lokacin na san mahinmancin iyaye da yan uwa kau? "

Mama ta yi murmushi tana kallonta ga kuma hawaye na diga a idannuwanta ta ce" wani lokacin sai na ga kamar wata yar baby idan kika yi wani abin Zainab, ki daina kukan nan haka mana"

Tati ta ringa jan hanci tana kallonta ta dora kanta saman cinyarta a hankali ta ce" Na yi karambani da na shiga hurumin Hisham, walahi bani da kunya, na so kaina, kudi kudi kudi kuma har yanzun na kasa tarawa sai kame kame nake, da kyar nake iya biyan haya da yar kurkurar motata aman na kasa fahimta , Aunty wai har kike cewa idan zan hanna, Aunty Allah ya jarabeni da son Bilkisu so mai tsanani, kin ga ko ke na ga kina mata fada haka nake ji zuciyata na yin sama tana kasa, kwana biyun nan da ta yi tana kuka labewa nake na sha kukana domin a raina nake jin kukan nata, kin ga na yi karyar kuma ta dawo min, to ni koda shi yayan bai yanke aurensu ba ai ni zan je na nemo mai daura masu domin daga yau nima na gane kuma na mike ba mai shiga hurumin iyalina"

Mama har tsigar jikinta ke tashi dan farin ciki, da sauri ta rungumi yar uwarta a jikinta tana mai jin dadin wannan rana, kai ita gwara da aka yi haka, ga dukan alamu zata ga ribar hakuri

A cikin mota shiru suke tafe ba mai yiwa dan uwansa magana, tun da Hisham ya saka Aisha a bayan motar ya koma gidan gaba ya zauna ya fadawa Kader ga inda zasu je Kader kw tukinsa hankalinsa a bakin titi

Kowa da abinda yake sakawa a cen kasan zuciyarsa, Aisha na tunanin rayuwarta da irin juyin da ta zo mata, gata dai yau zaune a bayan mota kusa da mutumen da zuciyarta ke bugawa kamar zata tsinko ta fado idan ta ganshi, bayan ita shaida ce irin kallon da yake bin watanta da shi, uwa uba irin zazafar soyayar da yake mata, aman a haka ta yarda , ta ji ta gani harma suka kasance abu daya da shi, gashi yanzu yau da kwana uku zai dauko sahibarsa, shin yaya uta tata makomar na kutse a cikin masoyan nan biyu zata kasance?

HISHAM kam a hankali yake dan juya agogon azurfar dake yatsarsa ta tsakiya yana dan kallon agogon motar yana dan girgiza kai, to me take nufi da ni ne? Me ya sa ta he ta kwana gidan mutane kuma safia ta yi bata dawo ba? Shin ta san da maganar aurenmu? Yaya ta dauki abin? Shin yaya zamu kwashe da sabuwar rigimamiyar kanwata?......uwa uba idan ya tino da kalmar aure sai ya ji zuciyarsa ta masa wani irin yam yam yam ta yi fadi sai kuma kunya ta kama shi, wai yanzu a nan gaba yana iya mikewa zindir a gabanta? Yar billynsa fa? Yaya zata dauki wannan lamarin? Kar dai ta suma........ dan murmushi ya yi yana girgiza kansa daidai Mai gadi ya wangale masu babar kofar makeken gidan da akaiwa Aisha jere

Sunna tsayawa Aisha ta fara budewa ta fita tana mai bin wannan aljanar duniya da kallo

HISHAM ta madubi yake dan kallon yadda take jujuyawa tana mai yin murmushi domin gidan ya birgeta ainun

Kader ya dan yi gyaran murya ya ce" To wai abinda nake ta tunani shine, zuwa muka yi ka dan zagaya ko me? "

HISHAM ya juyo da sauri yana kallonsa, ya ce" Na zagaya ina? "

Kader ya dan yi murmushi ya ce" To ba aure gareka ba, gashi ka dauko madame kai ga irin mushe, ka hakimce kana murmushi ni dai na san ba'a kawota ba, na san zaka maida masu yarsu sai a hada biyu a kawo maka , ko dai a matse kake ka zo ka dan zagaya kafin a kawo su? "

"KAN UBA" Hisham ya fada a lokacin da bai shirya ba

Da sauri ya yiwa motar lock ya juyo ya shaki kwalar Kader ya ce" Kai yau in ba sai na maka iya shege ba ni ba HISHAM bane! Yau na ga jaraba na zagaya gidan uban wa wai ni Kadiri birin wasanka ne ni ko me? Hawana kake ina sauke ka, so nake na gama da rikicin zuciyata a nutse aman kana min kutse idan na zagaya haramun na yi ne?,"

Bubuga gefen da ake ne ya saka Hisham dan waigawa , ganninta tsaye ya saka shi sasautawa Kader matsar da ta saka shi fifido idannuwa yana makaki

Sakinsa ya yi ya juyo a hankali ya zuge madubin motar wanda baka iya gannin na ciki sai dai shi ya ganka , a yannayin da fuskarsa yake ya kalleta hakan ya saka ta kara nutsuwa a sanyaye ta ce" Mitar na ga tana lilo shine na ce ko lafia? Ko ba a nan zamu sauka bane na sauka?"

Dan shiru Hisham ya yi yana kallonta kafin ya laluba aljihun rigarsa ya ciro kys ya mika mata da kyar ya iya buda bakinsa  ya ce" Je ki bude gani nan zuwa, "

Amsa Aisha ta yi ta yi gaba abinta, hakan ya saka suka rakata da kallo

Hisham ya juyo ya ce" Kai kadiri baka jin tsoron rawar kan yarinyar nan kuwa? Ka ga fa na ce mu je ba dan ta tirje irin a rakotan nan, kuma mun zo na bata Ky ba irin ta kiya sai na bude matan nan, bara mu ga ikon Allah hala kokowa zata yi da wannan kwadon mai gardama "

Kader ya yi kuri yana kallon yadda Aisha ta kama kwadon nan kikikiki ta bude shi da karfin balaki a tare suka kalli junna suka maida kallonsu tas ta bude dakin ta yi ciki abinta

HISHAM ya talabe habarsa ya ce" Toh fa, aman Billy ka ga karamima wahala yake bata, ita kam kashinta bai yi kwari ba, bata son abu mai wahala komai a hankali take yi bata son ta sha wuya "

Kader ya gyada kai ya ce" Hakane "

Hisham ya sake kallonsa ya yi murmushi a hankali ya murza yan yatsunsa na tsakiya ya ce" Ka ga, ka kiyayeni daga nan har a dauara aurena da Bilkisu, walahi kaina hade min komai yake, na kasa tsayawa waje daya, na kasa yarda wai ni zan malaketa ni din nan, to hakan ya sa ko tiyata ba zan yi ba har a daura mana aure dan bana son manta alura a kwakwaluwar wani, kai kuwa idan kana min surutu baban abinda zuciyata ke fada shine na kama wuyanka na karkatar da kanka na dali jijiyar nan dake bayan kanka kusa da wuyanka dif ka dauke sai na tabata ka dawo, yanzu haka saura kiris wacen mai karfin mazan ta katse ni"

Kader da ya zarro ido sai ya kuma gyada kai bai ce komai ba, hakan ya sa Hisham gyara zamansa da kyau du suka yi shiru kamar ruwa ya cinye su

A kdan sun dauki minti talatin kafin Hisham ya bude motar ya fita ya dan tsaya bai rufe ba ya ce" kuma mun kauro ne in kuwa bai maka ba ka maida mu gida!"

Kader dai bai ce komai ba sai da ya rufe masa motar ya ja madubin da kyau ya dan leka lokacin Hisham ya fara yin nisa da motar ya ce" Gabjejen banza mai cin zalin yara, Allahn da yasa ai inada kafa bare na tsaya ka summar da ni dan kawai ana bakin cikin bakina ya fadi magana sahihiya ta gaskiya, to ta Allah ba ta mutun ba yanzu Kadiri ya fara magan, kuma in ka kuma ce min kadiri sai na fadawa Bilkisu kana tsoronta, sannan in dai mata ne ka bi su a hankali da kake tafe kana rangaji da abu a hannu sai sun tsotse kaf madarar ka dawo kana ihun azaba kak!"

Ikon Allah kawai Hisham ya tsaya kallo sai da ya gama sannan ya shiga kokarin yin ribossssssssssssss ta hanyar kai hannunsa dan murda ky din ya kunnu gaba daya domin da farko kunnawar fari ce, hakan ya sa ya iya tada madubin ba tare da ya kunna motar gaba daya ba

Gannin wayam ba kys din ne ya saka shi kallon wajen Hisham da sauri

Ai kau Kys din ya ganni a hannunsa hakan ya saka shi dora hannayensa a kansa a bayane ya ce" Ashe kader baka da hankali? Watan cin yan garinku ne ya kama ko tsautsayi ne wannan tashin hankali yana gudu kana binsa?, to sai ka je ya ragargaza kasusuwanka da dukan wani abu haka idan ya so sai a kaiwa Farida sauran......."

......................BILLY

Murmushi kawai suke yi sunna sauraron magangannun Gimbiya, a sanyaye ta ci gaba da fadin" Ba wanda ya isa ya tsara wani abin har ya kai da wanzuwarsa face idan Allah ya bashi wannan dama, matsalarki ba matsala bace idan har kika bi hanyoyin da suka dace, shin bakya sonsa ne har cikin khalbinki ko fushin zuciya ne ya saka shi zama haka kin san hakan na iya sakawa ki ji kin tsane shi....."

A hankali yannayin fuskar Bilkisu daga yannayin murmushi ya ringa rikidewa yana komawa bacin rai, muryarta a yannayin fushi fushi ta ce" Du irin yadda yake nuna damuwarsa a fili sai na same shi da aikata abinda bana tunanin zai iya da watana!"

Murmushi Najeeba ta yi kamar ba zata yi magana ba, cen ta ce" Kamar me fa? Meye ya aikata da watan ki? "

Sai a lokacin suka zarro ido ita da laila, da sauri ta rintse idannuwanta dan jin kunya sannan ta shiga inda inda ta rasa ina zata saka ranta dan kunya

Najeeba ta kuma yin murmushi ta gyara zamanta ta ce" Baki sani ba, ai ba soyaya ba, ko me yake ji a game da ke yana iya zubar da damuwarsa a jikin wata, wannan abin da kika gani tabas baki da yadda zaki iya hanna shi duban watanki, komai karfin soyayar nan kar ki yaudari kanki da kannanun shekarunki ki sakawa ranki dan ana sonki ba za'a kalli wata ba, wata ba zata birge shi ba, idan kika sakawa ranki haka zaki cuci kanki da kanki, domin shi wannan lamari da baki kaman sunnansa ba abu ne mai bijirowa, yanna kamawa ne, sannan kar ki yi mamakin ya tashi a kan wace bata kamo koda farcenki a hafuwa ba........., Bilkisu na fi so ki yi kishi mai aji  ina so ki yi kishi irin na amintaka, baban kuskurensa yin shiru da soyayarki a zuciyarsa wadda Mai martaba ya fara ganni kafin ya nuna mana, jikinsa bari yake idan kina gabansa, jarumtarsa na beman bijiro masa a lokacin da bai shirya ba, zufa yake dan yakar bakinsa kan abinda yake son amayarwa, bai san ya tafkawa kansa kuskure ba, zamu yake shi da makamansa  zamu yake shi da kalaman kurma da makaho......", 

Shiru ta yi na dan lokaci ta kuma yin murmushi ta ce" Zan shigi gidan naku kafin daurin auren in sha Allah "

Gaba dayansu da mamaki da kuma murna suka kasa rufe baki sai godiya suke   da haka suka yi salama da Gimbiya daidai lokacin wani kiran ya kuma shigoea na mama

Bilkisu na dagawa mama ta ce" Na kawo maki gadonki ne? "

Daria ta yi tana jin kaunar mahaifiyar nata a ranta ta ce gatanan zuwa........m

A tsakanin kwanaki ukun nan da suka gabata Bilkisu ta yi su ne cikin wani irin yannayi mai wuyar fasara

Ko a lokacin da aka sanar mata daurin aurenta da Umar bata tunanin ta shiga hali na zulumi irin wannan

Rabonta kuwa da wani abu ya shiga tsakaninta da hammanta koda kallo mai tsayi ne tunda ta hango shi ta windows dinta shi da kader sunna nununawa wasu mutane guraren da ta ga ana kafa manyan runfunna a yau da yake saura kwana daya tak daurin aurenta, sam bai nemeta ba, ita kuwa ta cire shi a babin wanda zata nema a kwana kusa bale da tati ke fada mata sun tare, domin Tati na shigowa wajenta a kai a kai tana kawo mata maganin sanyi da sauransu sannan ta zauna ta yi mata hira wada hakan ke sakata jin sanyi a zuciyarta duda cinkushewar da zuciyar ke yi lokaci zuwa lokaci

A al'adance wasu na shafawa amarya lale tun sauran sati daurin aurenta, wasun kwana uku saura wasun ana gobe wasun kuwa da asubar daurin auren

Kamar yadda Mama da kanwarta suka shirya shafawa BILKISU lalle duk kuwa da irin yadda mahaifiyar Aisha ke kallon ikon Allah na sabon lamarin wai za'a shafawa bazawara lale, aman bata tofa ba domin so take ta idasa gane alkibilar tati, shin tana yin haka da biyu ne kamar yadda ta saba ko kuwa da gaske take ta dauki maganar auren nan? 

Yama na yi waya ta same su daga masarauta, sosai abin ya ba mama mamaki a lokacin da ta ji sakon, hakan ya sa ta sanarwa tati