DUK NISAN JIFA 32

   32

Gaba daya idannuwansa ya kuma zarrowa ya kalli Sultan ya ga ya gyara zamansa a lokacin da Bilkisu ta koma wajenta ta nemi waje ta zauna

Kyam ya yiwa fuskarta lokaci daya gabansa ya fadi sakamakon murmushin da ya ga ta saki tana dan lumshe idannuwanta

SHAHEED ya dan bubuga  sandar tasa nan dogarin ya shigo dauke da ledojin baki daya magungunnan da ya amso a pharmacy dinsu

Jikinsa a mace ya duduba ya kwatanta masu yanda zai ringa sha sannan ya basu na karrin ruwan ya ce" A tabatar an zo da wuri da shi asibitinmu, zan bada sakon yanda za'a saka masa, rike shi zamu yi na kwana uku har a gama in sha Allah "

Sultan ya gyada kansa ya kuma mika masa hannu ya ce" Jazakallah "

Hisham ya yi murmushi shima ya mika masa nasa hannun suka yi musabaha sannan suka mike

Har su Bilkisu sun fita Hisham ya dan juyo sakamakon abinda ya tsaye masa a zuciyarsa ya koma kusa da Sultan kadan ya dan rage muryarsa yana fadin" Ko zan iya samun katin numberka? "

Sultan ya kai dubansa wajen Sarkin Bulala dake tsaye yana jira dan ya dauki yaron da kayan ya masa umarnin ya bashi numbarsa ta sirri

Yana amsa ya juya ya fita shima

A hankali ya karasa wajen motar ya bude gaba ya shiga ya zauna da abin a hannunsa yana dan jujuyawa

Kader dake zaune ya ki tayar da motar ya yi gurum yana kallonsa hakan ya saka Hisham dagowa jin shiru basu fara tafia ba ya kale shi

Kader ya ce" Mu je ne? "

HISHAM ya kuma kallonsa ya ce" Ko su bamu gado a nan ne? "

Kader ya dan girgiza kansa ya ce" AA mu tafi gidanmu mu yi bacinmu a cen ya fi "

HISHAM ya kyale shi bai kuma ce masa komai ba sai madubin da ya gyara saitin Bilkisu dan kuwa abinda ke damunsama ya ishe shi

Daurin kalabin nan ya wani irin fitar da tsarin kyan fuskarta, kamarma wanda ya fitar da girman idannuwanta, sannan ya karawa fuskar tata kima kamar ba yar jaririyarsa ba

Sun hada ido ya fi a irga a hankali ya budi bakinsa a hada idannuwansu ya ce" Dan Allah goge bakin naki kuma ki rufe gashinki bakya gannin ba mu kadai bane? "

Daga ita har kader sai da suka kale shi da mamaki, ita mamakin da ta yi ba yau ne na farko da ya yi irin furucin nan na kar ta yi kwaliya aman na yau sai ta ji shi wani bambarakwai, to ta goge ta kunce dauri ta kimsa irin na uwayen mata ko masu auren nan ta dora mayafi kidim ta daure ko'ina dama ashe dan kar ta birge kowa ne ko me? To in ba yayanta ba ita ba matarsa ba budurwarsa ba me yake nufi da ita?

Kader ya dan yi gyaran murya yana yin kwanar da zai dauki hanyar gidansu ya dan kara gyara zama ta yadda zai ja balaki ya ce" Ni kuwa sai na ga ta mata kyau daurin da jan bakin....." ya ja sunnan jan baki har yana nunawa da hannunsa

Hisham ya kura masa ido cike da mamakin iskancin da Kader ke nemansa da shi

A kausashe ya ce" Tsaya "

Kader ya dan kalle shi, tabatawar da ya yi da shi yake ya saka shi tsayawa da motar yana cije lebensa dan kar daria ta fito masa

Hisham ya ce" Sauka ko? Mu hadu a gida na gode Allah ya saka da alkhairi "

Kader ya ce" Me zai hanna na kaimu gidan mu duka Sir? "

Hisham ya kara kure fuskarsa da kallon, sai da ya dan sado kansa kusa da nasa kadan ya rage muryarsa sosai ya ce" Idan ban nuna maka hauka a wajen nan ba ka ce min dan iska, yau na ga jaraba kai ka fitar min a mota ko na dirka maka kutufo da hanuna shegen kai mai shegen sa ido!"

Kader ya sara masa yana bude gefensa ya saka kafarsa guda waje ya dan leko ya ce" Kin hade kanwata "

Da sauri ya idasa ficewa a motar yana kara sarawa Hisham sannan ya tsaida dan acaba dan kar ya masa nisa ya hau ya tsaya yana jira har su daga

Hisham sai da ya gama cije lebensa na kasa sannan ya fito a motar ya zagaya bangarenta ya bude a sanyaye ya ce" Ki koma gaba "

Bilkisu ta ziro kafarta ta fito ta zagaya gaban ta shiga dan itama ba zata ja da maganarsa ba 

Sai da ta rufe sannan ya shiga gaban ya tada motar ya fara tafia a hankali yana dan satar kallonta

A sanyaye ya ce" Baki goge din ba? " 

Bilkisu ta kale shi gannin hankalinsa a kan tukin da yake ya sakata mika hannu ta cirro tishu ta karkato madubin ta ringa dan gogogewa 

Sai da ta goge shi sannan ta rike abin a hannunta

Bai ce da ita komai ba har ya tsaya a cikin gidan bayan an bude masu

Hannunta ta saka dan bude bangarenta aman ya ki buduwa hakan ya sakata kallonsa

Irin yanda idannuwansa suke binta da kallo sai da ta ji gabanta ya fadi, kallon nan ne da ba a so, ya tsatsareta da idannuwansa kikam wanda hakan ya sakata jin kamar ta fice da gudu

A hankali ya ce" Bani katin da ta baki "

Bilkisu ta kura masa ido, a sanyaye ta ce" Ai da shi zan je dole Hamana "

Idannuwansa ya lumshe ya kuma budewa a kanta ya ce" ni, ni, to a Kan me zata saka maki jan baki ta daura maki irin daurin nan, kin ga yanda kika yi kyau kuwa? Yau kadai idan kika je jibi me zata koya maki? Ni bana son fitina ina zaman zamana kaina baya iya hada rigimarki da aiki sai dai a yi daya dan Allah bani kar a rikita min tunanina

Kallon katin ta yi ta kalle shi, ta kuma kallon katin ta kuma kallonsa

A hankali ta mika masa katin sai kuma ta kifa kanta a wajen madubin ta fashe da kukan da bata san ko na meye ba

Abinda dai ta sani hawayen kansa ba fita yake ba sautin kukan ne da take saki tana rera shi tana kara kife kanta

Hankalinsa tashe ya dan miko hannunsa zai tabata ya dan dakata ya ce" Billy "

Bata dago ba ta kara sautin kukan har tana shasheka hakan ya saka dan kwalin nata faduwa kasa

Hannunsa ya dora ya dagota gaba dayanta ya sakata cikin jikinsa yana bubuga bayanta yana furta" shuiiiiiiiiiiiiiiit "

A hankali ya lalubi hannunta ya saka mata katin, gashinta dake kusa da hancinsa kuwa yana ta sinsinar kamshin man gashin da take anfani da shi

Da sauri ya dan saketa sannan ya matsa daga jikinta idannuwansa lumshe ya dan daga mata hannu bayan ya cire lk din

Da sauri ta fita domin itama bata ji kukan na gaskiya yana son rufeta ba sai yanzu, tana fita da sauri ta nufi wajen dakin mama ta samu mafaka ta labe ta saki kukanta mai tsuma zuciya tana fadin" Me ya sa sai na hakura da kai sai ka kusantani da kai? "

Idannuwansa ya sauke a gaban wandonsa, a hankali ya dora hannunsa yana dane abin dake kara  kumbura 

Gannin ya ki dannuwa ya saka shi jan rigarsa sama kadan ya shiga kunce belt dinsa daga zaunen dan ya daidaita jikinsa kafin ya fita

Bai ankara ba ya ji an bude an shigo an rufe sannan kyan ya sauke dubansa a hannunsa dake cikin  wandonsa ya sasabta belt dinsa

Dagowa ya yi da sauri suka yi ido hudu, sai kuma Kader ya cire dubansa ya maida gefe yana fatan Allah ya rabasu lafia

HISHAM ya  kuma daure fuska ya saka hannunsa da kyau ya gyara jikinsa sannan ya ciro ya maida belt dinsa da kyau ya ja rigarsa

Sai da ya gama cikin nutsuwa sannan ya gyara zamansa ya kunna fitila ta yada zasu kalli junna da kyau ya juyo da Kader ya shaki wuyansa ya dan dago da shi daga zaunen da yake cimak 

Kader da sauri ya ce" Dan Allah ka yi hakuri walahi ban san ta tabaka ba da ba zan shigo ba sai ka daidaita kanka, kuma tsakani da Allah Hisham baka wanke hannunka ba zaka taban rigata da nake sallah da ita? Kuma ka tsaya na maka bayani dala dala a kan Gimbiya Najeeba"

HISHAM cikin dakakiyar murya ya ce" Sex na yi da zan kwashi najasa Kader? Ka ga ka tako min falo da takalmi, ka zo office dina ka zauna min ka dora min kafa daya kan daya,  uwa uba ka ce kwaliyarta ta yi kyau me ya kai idannuwanka cen? kana min shiga hanci da dukunkunne dan ka ga bana son damuwa ko? Ka fada min wacece matar nan? Mijinta ya ce kadan daga cikin abinda na siyarwa kaina ga Billy tana kuka dan zan hanna zuwa koyan aikin ka fada min tun wuri in na ga bai min ba na katse tun kafin ta jaza min fitinar da zan kasa tarewa! "

Kader gyada kansa yake tamkar kadangare har sai da ya cika shi da dan karfi hakan ya saka shi komawa dabar ya zauna yana sauke ajiyar zuciya ya ce" Ita din nan da ka gani itace ta yi wani irin yanmatanci a garin damagaram da ya gwara kawunnan samari, datijawa da yan yara dare daya aka ji daurin aurenta a ranar maza sun ringa sakin zance domin du sun ringa tona kansu ta hanyar bacin ran dake damunsu sai kawai su saki zancen hankali tashe, ba dai ka san oga malaika namu na gidan maza ba? Ai kuka wiwi ya yi da idannuwansa ya ringa masifar manyan kasar nan na fitowa sunna nuna karfi a kan mata sunna kwacewa!"   Ya karashe yana yar daria domin hango lokacin yake a idannuwansa dan sa bacin rai Malaika ya koma masu mugun bacin rai sai kawai aka ji wata irin murya ya shiga dagargaza kuka yana fadin kalaman nan 

HISHAM ya kalle shi da kyau ya ce" sai na ga mutun ce kamar kowa, tara samarin bata rike mutuncin kanta bane ko meye? "

Kader ya kara gyara zamansa ya ce" taku ne nawa, taku ne Elhaji, da ka ganta a nan gayu ke shaidar du tsakaninta da kai kar ka nuna mata lalata domin komai na iya lalacewa, oga daba take hadawa a saloon dinta aman ba zaka taba jin an ce yau gata tana kawowa maza yan mata ko ita an kamata da mugun aiki irin na bin maza ko shaye shaye, su dai barsu da fadace fadace da tara samari ita da yan uwanta"

HISHAM ya kara gyara zamansa ya cije lebensa na kasa, Tara samari? Ai damuwar kennan, shin zamanta da wani halayarta take koya masa ko kuwa iya kwaliya zata koya mata ta sako masa abinsa? Idan halayarta take koyawa mutun babar matsalar kennan dan kuwa in ita ta iya takunta ba kowa zai iya takunsa ba, ita din kanta Allah ne ya kubutar da ita dan kuwa mazan yanzu ko yaya ka kai da iya zagayesu in dai ka ce tara su zaka yi barkatai tabas zaka hadu da abinda zai girgiza tunaninka da kai da ahalinka, 

Kuma daure fuska ya yi ya juyo gareshi ido cikin ido ya sasauta muryarsa da yannayinsa ya ce" Look Kader, lalata abin nan nata za'a yi, walahi baka ga riginar ba daga cewa ta bani, ni ba zan iya amshewa ba aman kai kana iya buga sauko ka warce jakarta a zauna lafia !"

Kader ya yi shiru yana kallonsa, a kasan zuciyarsa kuwa a kulun mamaki yake irin yanda yake kiyaye bacin ran Bilkisu 

Sai da ya gyara zamansa ya ce" SIR, dan kana tsoronta an ce maka ni din bana tsoronta ne? Tsakani da Allah da muka taba yin fada sai da ta kusan sati bata min magana daga ce mata ta daina fada a makaranta fa "

HISHAM ya ce" Ka ji kunya Kader, nine zaka zauna kana yiwa iskanci kennan ita tsorontama kake ko? Ni a gidan wa na taba nuna maka ina tsoronta? Zaka rufe fuskarka da konau ne ta yada zaka warce ka gudu ba tare da ta gane ba"

Ido Kader ya kwalalo ya ce" Na dai sace kake nuni? Ko na mata fashi da makami? HISHAM anya banda horon sojoji da abubuwa da akai maka ba harda na cin zalin ba? Tsakani da Allah Bilkisun taka za'a yiwa fashi da makami? Haba Hisham, haba Hisham idanma koya maka aka yi an kiya maka ne dan ka yi a wajen da za'a yi taimako a manyan kasashe ba ya kare a kaina ba ni bawan Allah "

Wannan karron Hisham rasa me zai ce masa ya yi hakan ya saka shi fita daga motar ya rufo masa ita da karfin gaske ya nufo fallon, kai ina, tara samari? Ba zai yiwu ba walahi! Ba zai taba yiwuwa ba sai dai idan bayan ransa haka kawai!

Yana shigowa ya tarar da su zazaune aman Aisha bata wajen

Direct kusa da Mama ya zauna fuskarsa a hade

Ita kanta tana kallonsa ta ce" Hisham lafia? Ko wani abin ya faru ne? "

Bilkisu ta ciciba da dan sauri dan fecewa domin haka kawai zuciyarta ta shaida mata yayanta bai hakura ba

Idannuwansa ya sauke a kanta ya ce" Ai dole ki tafi, dole ki tafi mana, Mama ba zai yiwu ba matar sultan din nan an ce ta yi zaman tara samari, kin ga daga zuwanmu ta koya mata saka jan baki da wannan daurin na kanta tsakani da Allah a tsaya iya hakama an gode"

Tati ce ta kara juyowa daga dane danen wayarta tana kallon yannayinsa kafin ta sauke saman Bilkisu da ta ja ta tsaya tana kikifta ido gaba daya tsoro ya bayana a tatare da ita 

Dan murmushi ta yi ta ce" Menene a ciki Hisham? Gyara ai ba matsala bane, tara samari kuwa ai du budurwa a wannan zamani tana tara yan samarinta sai dai a ringa yi mata nasiha ana saka ido a kanta ana tunatar da ita mutuncinta shine gaba da komai, waima idan bata yi samari ba ta ina kake so ta samu miji ta yi aure ne? Mu dai danginmu ba yawa ne da mu ba bale na ce ka samo mata a cikin dangi, dan Allah ka daina daukan babyna jaririya ta kai wajen da zata iya yin saurayi, ka barta ta yi kwaliya ta isa ta yi zuwa yanzun "

A hankali ya kurawa fuskarta ido, a hankali ya ce" BANI DA RA'AYIN NAN "

TATI ta kura masa idon itama tana gyara zamanta ta ce" Hakan za'a yi, domin ba wani abu tsakaninku bale ka ce GAKA ko ba kai ka shaida min ba soyaya tsakaninku ba? "

Gabansa sai da ya buga, haka na Bilkisu , Mama kam cire kanta ta yi daga kansu su dukansu tana dan karkada kafafuwanta, sarai ta san so take ta kai Hisham ga buda  aki ya fadi soyayar Bilkisu a gabanta da bakinsa, domin dukan abubuwan nan da yake fa a zagaye ne sai tafasa zuciyar yarinya da yake a koda yaushe yana kara tsumata da salon da Allah ya bashi yana haukatar da zuciyarta da zazafar soyayarsa, ita kanta tana tsoron a je gabar da Bilkisu zata ce da shi tana sonsa bayan shifa ba furta mata ba ya yi, su dai ya farfada masu aman ita bai taba fada mata ba sai wanda ta ji a bayan labule, boyayoniya da namiji bata da kyau, 

Hankalinsa ne ya ji yana tashi daga zaunen da yake a kusa da ita, dubansa ya maida wajen Mama ya ga TV take kallo hakan ya saka shi kuma kalonta yana cije lebensa na kasa cike da bacin rai da takaici

Bilkisu kuwa gannun ba abinda ya ce ya sakata juyawa tamkar kwai ya fashewa kaza a cikin cikinta ta nufi dakinta hankalinta a matukar tashe, bata gane ba, an sakata a duhu, dama haka yace? Haka yace wai? 

Sai da ya ga shigewar Bilkisu ya dawo da dubansa kan Tati dake shirye da jin amsarsa ya ce"

                 Morning alll