ZAN FASA KWAI 28

 .........Malam Ali ya bita da kallo inda ta kwance kunshin tsumman sai ga kudi dumus Yan naira dubu dubu sabbi gal a daure da takardar banki malam Ali mamaki ya kashe shi daga zaune har dai yayi kokarin tankawa

"Kina da kudin Nan dungo Amma Kika zauna da ciwo har Kika Sha wahala haka? ........

"Ba kudi na bane malam Ali wannan kudin kabiru ne na abinda ya gada kuma shine KWAN da nake cewa dashi ya tsaya in fasa mishi ya ki don haka ga Amana Nan dukiyar maraya ce ka isar gareshi dukiyar da mahaifin shi ya mutu ya bar mishi ce ba Zan taba mishi abinshi ba saboda Nima an bani nawa Ina Kuma  Ina tsoron taba mishi dukiyar shi don nasan hadarin dake tare da cin dukiyar maraya aka Kuma sanar dashi na yafe mishi Amma yayi sannu da wannan Rayuwar.

Ta Miko mishi tsohuwar takardar

"Wannan Kuma sadaukarwar da nayi mishi ce wadda shi ya kasa yi min irinta itace rubuce aciki ya karanta ko don ya Gane Ni naso shi tun kafin ya shigo duniya Amma shi duniyar ta rudeshi ya watsar da lamarina . Ta fada da hawaye na bin idonta 

Malam Ali ya karbi kudin da takardar Yana dubanta

"Lallai uwa da Da sai Allah dungo kina aje da kudi kina fama da rainon yaran da ake biyanki ki cida kanki kina tanadawa Dan da yake can Yana more Rayuwar shi baya ma sakoki a lissafi. Zan cika Miki wannan alkawarin Zan Kuma kiyaye da ko duba takardar ba Zan Bari wani yayi ba bare ataba mishi kudin shi ke Kuma Allah ya Baki lafiya

Ta amsa da ameen

"Nayi maka izini ka duba takardar Nan malam Ali ko don kaima ka San abinda nayiwa kabiru Amma shi ya kasa yi min irin shi na yarda ka duba ai Ni da Kai mun Zama Daya

Malam Ali yaji Yana son duba takardar ko don ya fita daga zato 

Ya bude takardar ya soma bin rubutun cikin ta Yana karantawa dogon rubutu ne har ya gama karance shi tsab inda hawaye ya kece mishi Banda Yana da karfin hali da Babu abinda zai Hana shi kokawa

Dungo ta dubeshi

"Ban San lamarin zai motsa zuciyar ka ba da bance ka karanta ba.........

"Dungo Anya kuwa kabiru na son gamawa lafiya? Anya kuwa Yana son DUNIYA da Rayuwa su barshi Zama cikin salama? Kinyi kokari Allah ya biyaki da ALJANNAH kin Kuma fita hakkin shi shine ya kasa fita naki 

Ya Mike ya fice tun Bai durawa kabiru ashar ba. Haka ya wuni Yana mamakin   yadda wannan yaro da abinda ke Rudin shi 

Haka Jamila ta wuni zaryar dubata da girka Mata Dan abin tabawa inda da Rana ta girka Mata wake da Yar anta ta kawo Mata inda ta isketa ciwon ya taso abin sai da yasaka Jamila hawaye ta tallabota ta Dora kanta bisa cinyarta inda taga kamar tana Suma ta soma shafa Mata ruwa afuska har ta kawo numfashi ta farko cikin wani irin yanayi me kama da son wucewa kiyama inda Jamila ta tashi don ta taro mota su wuce Asibiti 

Ta samo me napep da kyar saboda  wahalar da napep din keyi ta iso gidan inda ta iske wani bakon Al amari me kama da mafarki 

"Inna lillahi wa Inna ilaihir Raju un Ina dungon ta shige ? Ta duba gidan kaf Amma Babu dungo Babu dalilin ta 

Ta ci gaba da karade lungu da sako na gidan Amma maganar guda ce Babu dungo Babu dalilin ta

Malam Ali ya shigo shima Yana son duba dungon Amma ya riski lamarin me kama da almara Jamila kuka take tana karawa  inda malam Ali ke tunanin ko dai rijiya dungo ta fada saboda bakin cikin abinda danta ke Mata? Don haka yayi maza ya bude rijiya Yana dubawa Amma Babu ita 

Sai aka shiga nema da Jaje da duba asibitoci Amma Babu labarin dungo har dai daga karshe aka barwa Allah lamarin inda aka rufe gidan dungon Wanda hatta wayarta Bata dauka   ba komai Yana Nan abinda ke Kara saka baba Ali zubar hawaye shine abinda ya dauki dungo shin wani ne ya dauketa Koko ita ta gudu da kanta ? Idan ita ta gudu ina ta tafi to? Idan Kuma wani ya dauketa meye hikimar daukarta? 

Haka malam Ali ya rufe gidan ya na tunanin Ranar da zai iske Kabir ya isar mishi da sakon uwarshi..................