JAMI'IN DAN SANDA 8

 👨🏻‍🔧  *JAMI'IN 'DAN SANDA*.  👨🏻‍🔧

🅿️_8

......................"aa baza'ayi haka ba Hisham , narasa wane irin mutum ne kai , kacika kafiya akan ra'ayinka , da kai kadai ne to da zan Barka ka tafi duk da muna matuk'ar son kasancewarka a tare damu , A iya zaman da kayi damu na tsawon wata ukku acikin wannan jejin na tabbatar ka fuskanci wasu daga cikin abubuwan masu matukar had'ari dake faruwa acikin wannan yankin, saboda haka inhar ka daukeni a matsayin uba to ban yarda kaje ko ina da wannan jinjirar ba kajira akwai lokacin da Yakamata ka tafi in lokaci yayi Ni da kaina zan umurceka da ka tafi , 

A hak'ik'anin gaskiya Baffah bayason tafiyar Hisham ne saboda abubuwa da yawa da suka tsorata shi dangane da Hisham din tabbas Hisham yana buk'atar taimakon shi , don in har yace zai bar wannan jejin a wannan lokacin to komai zai iya faruwa da rayuwar shi , wannan yasa ya hanashi tafiya ,yanaso sai ya gama bincikenshi akan Hisham kamun ya samu hanyar da zai taimaka mashi ,

Kanshi a k'asa yace 

"To shikenan Baffah zan zauna anan din Allah yasa hakan shi yafi alkhairi kuma bazan sake maka maganar tafiya ba har sai inkai ka umurceni dayin hakan Nagode sosai Baffah Allah yasaka maku da mafificin alkhairi, ka maye Mani gurbin da narasa a rayuwata Baffah yanzu banida kowa sai kai sai 'ya ta Muneeba , "

"Sai kuma mu Hamma Hisham" cewar habu yana sakar mashi murmushi , 

Shima murmushin yayi yace 

"Hakane habu kudin wani 'bangarene na rayuwata kun so ni da dukkan gaskiya alhalin bakusan koni waye ba Nagode sosai ,"

Kamar ancillota haka ta fito tana washe baki kamar mai tallan makilin cikin sassarfa tace yawwa Hamma Hisham ko kaifa amma in kace zaka tafi ai kaci amanata wallahi don nasan mutuwa zanyi in ka daukemun yarinya katafi ,  yawwa Baffah Gara da ka hana mashi tafiya wallahi , kaga yanzu ba wanda zai rabani da 'yata. Ko *MUNNI* tayi maganar tana had'a fuskarta data Muneeba tana dariya, 

Dariya Baffah yayi yace ai nikam zansha kallon duk lokacin da Hisham yace zai rabaki da wannan yarinyar ,

Turo bakinta tayi tace to kai yanzu Baffah sai ka zuba mashi idanu kana kallo har ya rabamu ??? tayi maganar kamar zatayi kuka, 

Dariya Habu yayi yace " kekam Allah ya maki son yara irin wannan k'arfin hali haka ai inaga duk randa kika haifi naki ko kallonsu bazaki bari ayi ba, 

Halliru yace " ai mu zuwan Hamma Hisham ya taimakemu don in ka kula yanzu yaushe rabon da akawo mana k'arar Hajar akan  'ya'yan mutane da take daukewa tazo nan dasu wanda da yawa wad'anda basu santa ba suke dauka ko cutar masu da yara zatayi , amma yanzu shiru ba ruwa ta da kowa sai Muneeba, 

Habu yayi dariya yace "daina yabonta ba'a yabon  dan kuturu sai ya shekara goma da yatsa don  wallahi indai Hajar ce ko gobe taga yaron da yayi mata sai ta daukeshi , sunjima suna tsokanarta ita kuma tanata yi masu tsiwa don Hajar badai tsiwa ba , 

Baffah da Hisham kuwa sai firansu suke a hankali  inda Baffah ke k'ara bashi shawarwari akan zamantakewar rayuwa ,

Yajima agidan har sai da shima ya karya da tuwon Inna sannan ya tashi ya dauki 'yar shi  yakoma wajan bukkarshi dama bashida wajan da yake zuwa daga gidan Baffah sai kuwa Bukkarshi inda ya zame mashi matsayin gidan shi , nan zai zauna yayi ta yiwa 'yarshi wasa yau ma hakan ce ta faru zaune suke a k'ark'ashin wata bishiya iska mai dadi Yana kad'awa yayinda Muneeba keta wasanta a wajan sai 'bingila dariya take , shikuma duk inda ta yi yana biye da ita da kallo murmushi d'auke akan fuskarshi yayinda wani 'bangare na zuciyarshi ke matuk'ar tausaya mata , duk da shi d'in ma abun tausayi ne , 

Kamar daga sama yaji sallamarta,

"Assalamu alaikum Hamma Hisham inuwa ake sha ?"

Kauda kanshi yayi daga barin kallonta batare da yace mata komai ba , 

"Oh Hamma Hisham bakada lafiya ne ? Naga kamar kanajin zazza'bi shine nace bari nazo na tayaka zama kar *MUNNI* tayi kuka ba mai kula da ita akusa ,"

Nan ma shiru yamata , dama yasan kwanan zancan zuwa kawai tayi ta dauke mashi Muneeba ,yarasa wace irin yarinya ce mai shegen nacin tsiya ,duk lokacin da taganshi da yar shi tofa duk yadda zatayi sai tayi taga ta dauke ta ,

Ganin har yanzu bai kulata ba yasata k'arasawa wajan da Muneeba ke wasa ,zama tayi kusa da ita ta rink'a yi mata fira tana dariya Muneeba ma sai dariyar take duk da batasan abunda ake ba , ganin kamar hankalinshi baya kansu yasa ta d'aukar Muneeba a hankali ganin har lokacin bai juyoba yasa ta fara tafiya kadan kadan ta bayan bishiyar tabi yadda bazai ganta ba , tana ganin tabar bakin bishiyar aikuwa tuni tafara zuba sauri harda had'awa da gudu ta nufi wajan da suke kiyo da k'awayenta , tana tafe tana aikin dariya ganin tayiwa Hamma Hisham wayo,

Shi kuwa duk abunda take yana kallonta ta gefen idanunshi ya k'yaleta ne kawai saboda ya gane indai ya biye mata to kullum sai ta sakashi ciyon kai,

*Agurguje pls saboda inason mushiga gundarin labarin ne*

Haka rayuwa tayi ta juyawa dasu inda yanzu Hisham yasaba da zaman shi cikin fulanin  sosai kuma yanajin dadin rayuwar shi a haka yayi sabo da mutane da yawa a ruggar sosai suke ganin girmanshi da k'imarshi inda yanzu yake da shekara 3 a wannan ruggar , Muneeba tayi wayo sosai  kullum zaka ganta mak'ale da Abbanta wanda take kira da *sweety* Kamar yadda shima yake kiranta da hakan wanda ta koya daga gareshi ne, 

Duk da yana ganin lokaci yayi da zai bar wannan ruggar amma sam yakasa yin hakan saboda alkawarin da ya daukarwa Baffa dakuma sabon da yayi da Yan k'auyen musamman ma su habu da suke daukarshi a babban wansu,

Hajar yanzu anzama 'yan mata tanada shekara 17 har ana maganar aurar da ita ga saurayinta Nura wanda ya kasance d'a ne ga aboki kuma aminin Baffa , 

Nura yanason Hajar sosai itama tana sonshi saidai son da yake mata yafi wanda take mashi nesa ba kusa ba , tuni iyayenshi suka so a d'aura aure amma da an tayar da maganar shikenan Hajar zata fara tayar da hauka zanga zanga itace suman k'arya itace sambatu da fisge-fisge  kamar wata mai aljanu , wanda hakan  yasa ake ta d'aga auren ,kuma abunda yake basu mamaki shine da an d'aga zancan auren to shikenan zata koma normal , wannan yasa iyayen ke tunanin ko aljanu ne suka shafeta sai faman nema mata magani akeyi amma a banza , sau biyar kenan ana saka mata rana abun  na warwarewa , wannan yasa Nura ya sameta yana kuka da magiya akan ta taimaka ta yarda asa masu rana don shi harga Allah bai yarda da zancan wasu aljanu ba, ta fadi duk abunda takeson yamata alk'awarin zai matashi inhar baifi karfinshi ba 

Aikuwa tanajin hakan ta karkace kai ta janyo d'ankwalinta a goshi irin ture kaga tsiyar nan cikin yamutsa fuska tace 

" Nifa bawai sonka ne banayi ba a'a auren ne dai bazanyi ba gaskiya don in nayi aure bansan uban da zai kulamun da d'iyata ba wannan dalilin ne kawai yasa kaga duk akasa mana rana zan rinka abubuwan nan bazan bari ba sai an daga bikin , 

Jikinshi na rawa yafara magana da cewa 

"Wallahi Allah Hajar in har kin yarda zaki aure ni wallahi na yarda kije da 'yar ki zan rik'e Maki ita Amana Kamar Ni na haifeta" ................... " Da gaske kake Hamma Nura ?? Tafada fuskarta kamar gonar auduga,

Shima cikin fara'a yace "wallahi da gaske nake Hajar indai wannan ne matsalar to ki kwantar da hankalinki, 

Cikin tsananin farinciki tace amma naji dadi Hamma Nura yanzu kam kaje ka samu Babanka ka gaya mashi su turo asa rana na amince tafad'a cike da wauta , 

Shima cike da murna yace yawwa Hajarata bari in tafi yanzu da zafi zafi akan daki k'arfe " ,

"tace to Hamma Nura bari naje nima nafara hada mana kayanmu nida MUNNI ta , bata jira cewarsa ba ta juya ta koma cikin gida da saurinta,

Yana ganin ta juya yabi bayanta da harara dama tuni yayi zargin hakan shiyasa ya biyo mata ta bayan gida , tsaki yayi yace shashasha ai wallahi ko 'yar Dan uwanki ce baki isa kijemun da ita gida ba bare kuma yarinyar da baki had'a komai da ita ba, indai samu ayi auren zakisha mamaki na , ina sonki sosai amma sam bazan yarda kijemun da wata yarinya ba don Ni ba mahaukaci bane , daga haka ya ka'ba rigarshi ya nufi gidansu cike da murnar zai mallaki masoyiyarshi,

.........................................

"Innalillahi wa Inna ilaihin raji'un , Amna mizan gani haka , shaye shaye a gidan nan , mikikeso kija mana agarin nan , kina kallo an tsayar da ubanki a matsayin *d'an takarar gwamna* amma shine kikeso ki janyo mana idon mak'iya , yanzu mi kike tunani idan har abokan adawarshi suka san da wannan abun da kika tsiro....

Ko kallon momy batayi ba sai dakinta da ta nufa tana tangand'i hannunta rik'e k'ananun kwalabe har ukku tana sanye da riga da wando wanda suka matseta sosai suka fitar mata da surar jikinta kanta ba d'ankwali  sai dogon gashinta da ya kwanta har gadon bayanta, 

Fisgota momy tayi cikin tsawa tace wai ba magana nake maki ba ...........cikin Muryar maye tafara magana tana cewa 

" Indai abunda nake zai sa azzalumi mijinki ya fad'i a wannan za'ben to wallahi yanzu na fara , kuma inaso kisani sai nayi ajalin mijinki da hannuna da wannan hannun nawa tana magana cikin matukar maye wanda har baka fahimtar abunda take cewa sosai daga nan ta zarce da wasu irin surutai da momy takasa tantance abunda take cewa , 

Dafe kai momy tayi zuciyarta kamar zata fito waje tsabar tashin hankalin da take ciki...............✍🏼

*Zanyi kokarin ganin nadinga maku post akan lokaci saidai ba lallai kusamu typing din da yawa ba saboda abubuwa sunmun yawa inkuma da yawa kukeso to zan dinga yi duk bayan kwan biyu*