DUK NISAN JIFA 5

  5

Fuskarsa ba fara'ar da ya saba yi mata idan zai yi mata magana ya ce" Me kike yiwa kuka a nan BILKISSU? "

Wayar nata dake ringin ta kuma kai dubanta, ita ta san ta mutu ta lalace, idan har wayar nan a kunne take har yanzu ita ta san du wani karamin munafurcin da take boyewa ya gama bayana

Mikewa ta yi tsaye ta yaye hijab din ta bayanta dan ji take zata summe idan har bata daga hijab din nan ba

Hannunta na rawa kamar wata wace ta sha kwaya ta nuno wayar ta ce" yaya Kader? Hala wayar nan yayana ya ga du abinda ke cikinta? "

Irin yanda ta yi tambayar da nuna masa wayar abin tausayi abin daria, sai kuma ta yarfe hannun kafin yake bata amsa ta ce" Kai kai kai dunia, kai yau na ga rana , ka san Allah wayar nan abubuwan dake cikinta ba ainahin ni bace, yaya Kader a wayar nan du mesage sin da zaka ganu da saurayi asalima ba abinda ke zuciyata bane, samarin biyu ne, dayan dan anguwar su Laila ne ya nace min har Laila ta dauki numberna ta bashi, bana wani kula shi sai ya nace nake daga kiran, kuma na shaida masa mu a gidanmu ba'a haka, yayana ya hanna bana kula samari, sai cewa ya yi ai zai jira

Dayan kuwa walahi ka ji na rantse ina kula shi ne dan kawai idan an riken babur dina a hanya ya fitar min da shi, ba wani niyar lalata karatuna ko lalacewa da kula samari a wannan lamari, ka min rai ka ce da yayana ba ainahin ni bace a wayar nan"

Irin yanda ta tatare hanyar ta rikice take rantsuwa tana kwatanta masa ya janyo hankalin yawancin mutanen da suka kwana a asibitin da wa'inda suka yi safiya dan gannin yan uwansu, sai kuma likitocin da suke kai kawo tsakanin office din HISHAM da nasu office din

Da yawa abin nata daria ya basu, daidaikun da basa cikin yannayi na daria kuwa sai dai su yi gaba

Kader ya yi iya kokarinsa ya cije lebensa dan shi mutun ne mai saurin fara'a cen dama, sai da ya tabatar ba zai fashe da daria ba ya budi bakinsa ya ce" Yanzun yaya za'a yi? "

BILKISSU ta ce" Yauwa yaya Kader, yanda na fada maka zaka fada masan kawai, sai ka bani wayar "

Har sai da ya dan zarro ido ya ce" na baki wayar fa? "

Itama sai ta shiga kikifta ido tana kallonsa

Kader ya ce" kuma tsakani da Allah Bilkissu ki rasa wa zaki yiwa karya sai ni? Kin ga fa ni ke kula da harkar takardun babur dinki, yaushe kika rasa wata takardar da zata saka police rike maki babur? Kuma yau ko an rike maki wannan karamin shegen sojan ne zai amso maki bayan muna raye?, shi kuma dayan da kika ce ya ce zai jira ki ina ce ko a makaranta kina gaba da shi?"

Baki dayanta sai ta ringa zarro ido tana kallonsa, ta faru ta kare, watau an gama shigar mata waya

Matsoea ta yi sosai kusa da shi ta ce" Hala komai ka gani na wayar nan? "

Bakinsa ya tabe ya ce" ai du daga wajensu nake haka din nan da kika gan ni, Ahmad din da kuke hirar dare ne kawai ban samu ba ya yi tafia Matamey zai dawo da yamma "

Wannan karron sai kawai ta zama kamar wawa tana kallonsa

Karar bude kofar office din Hisham ne ya sakata saurin rintse idannuwanta gabanta na faduwa haka kuma jikinta ya kwashi bari

Da sauri ta daga kafarta ta juya da wani gudu gudu ta karasa wajen motar yayanta ta bude ta shiga ta sada kanta tana kukan abinda zai biyo baya, daga wajensu yake? Shikenan yanzu komai ya gani na wayar? Komai ya sani harma ya je wajensu?

Da ido suka rakata su biyun kafin su kalli junna

HISHAM ya kara tamke fuskarsa ya dago kafarsa zai yi magana likitocin sukai caaaaa kansu sunna tambayar jikinsa, 

Dole ya tsaya , ya daina abinda zai yin ya shiga amsa masu duda ba wani a sake ba aman ya basu daraja ta hanyar amsa masu har ya dora masu da godiya ta irin kulawar da suka bashi

Su kansu sunna kara girmama wannan bawan Allah ne dan irin yanda yake mutunta su, idan ka ga wani abu marar dadi ya hadaka da shi ka yi wasa da aikinka ne, ko ka kawo shirmen soyaya tsakaninka da shi, yakan fatatakeka ne a irin wannan, bayan wannan mutun ne shi mai alfarma

Kansa ya girgizawa Nurse Fatima , wace ta yi masa maganar abincin da aka kawo daga gidansu kafin ya fita

Sannan ya juya cikin nutsuwa ya bi bayanta

Gaban motar ya buda ya shiga ya zauna, wajen matuki hakan ya saka Kader yin tsaye yana kallonsa

Kansa ya girgiza ya ciro kys din ya mika masa sannan ya ajiye masa wayar a gefe ya ja gefe yana kallonsa har ya tayar da motar ya daga a hankali ya fice a wajen parking din

Kansa ya girgiza ya juya da sauri ya fita dan zuwa ya kai karar HISHAM, ba zai yiwu ba ya ringa tuki shi kadai a gari, ba zai yiwu ba wannan dokar tasa ba zai iya hadiyeta ba!

Tuki yake a hankali kunnayensa na jiyo masa sautin kukanta a hankali tana shasheka tana langwabe kai tamkar wace aka turowa sakon mutuwa

Idannuwansa ya lumshe ya ki ya yi mata magana bayan ya ja ya tsaya a wajen kanya, kasan innuwa 

A hankali ya kashe motar ya sauke maduban motar , nan kukan tsuntsaye ya cika wajen sunna ta kukansu mai dadi, ga sansanyar iska na kadawa sai sautin kukanta dake neman kasarashi

A hankali ya ce" SHIIIIIIIIIIIT BILKI, ki yi shiru mana "

Bilkissu ta kasa yin shirun sai tatare hijab dinta take muryarta na rawa ta ce" Dan Allah ka yafe min yaya, ba zan kuma ba, kar ka doke ni "

Idannuwansa a lumshe nan jikinsa jingine da kujera ya ce" Na taba dukan ki ne? "

Dan tsai ta yi kafin ta girgiza kai da sauri ta kara sada kanta ta ce" To yaya kar ka yi min fada "

A hankali ya dago idannuwansa ya sauke a kanta ya ce" Tom, ba zan maki fada ba " 

Wannan karron da wani irin mamaki ta bude fuskar nata , ba zai daketa ba, ba zai yi mata fada ba? Gabanta ne ya yanke ya fadi, da sauri ta tsalako gaba kusa da shi

Hannayenta duka biyu ta saka ta kamo nasa hannun bakinta na bari ta ce" Yaya baka da lafia ne ko? Me ke damunka? Me ya same ka? Wayo na shiga uku bana so ka yi rashin lafia me ya sa baka fadawa mama cewar baka da lafia ba? "

Tana fada tana kai hannunta wajen wuyansa da goshinsa da fuskarsa baki daya tataba yannayin zafin jikinsa ne take , a rikice take, hankalinta tashe yake

Da sauri ya rike hannun nata ya tsaida dubansa a saman fuskarta, tuj daga wajen girarta har zuwa lebenta ya ringa yi mata eani tsatsauran kallo

Nan take ta ankara cewar hannayenta ne ta kai jikinsa, bayan ko hannunta ba wani rikewa yake yi ba dalili ba

Sai dai bata san dama kusancin yake jira har haka ba, sai da ta ji ya jefo mata tambayar da ta sakata raina kanta

A kausashe ya ce" Su waye su? "

Gaba daya ta ringa marmar da ido, ita bata summa ba, ita bata tashi ba, irin yanda ya hade fuska kuwa bata taba gannin haka ba, hakan ya sa lokaci daya ta tonawa kanta asiri cikin ruwan sanyi ta zayane masa komai tana kara risinar da kanta kasa

Hannayen nata ya saki ya kuma maida bayansa jikin kujerar ya jinginar

Sai da ya dauki kusan minti biyar yana controlling din fushinsa yannayinsa da yannayin muryarsa kafin ya kara buda bakinsa ya ce" *Idan aure kike so, idan har kin san kin rika zaki iya rayuwar aure na yi maki mana Bilkissu?* "

Kanta ta ringa girgizawa da sauri da sauri sai kuma ta ce" Aa yaya "

"Kar a je na tauye ki Bilkissu, kar a je na hanna ki rawar gaban hantsi ban sani ba? Shekarunki goma sha tara da wata bakwai yanzun, kar a je kin giga ban sani ba "

Ya fada yana kara langwabar da kansa

Da sauri ta hade hannayenta ta ce" Innalilahi wa inna ilaihi raj'une, walahi ban giga ba yayana, na tuba ka yafe min ba zan kuma tsalaka maganarka ba"

Fuskarta ya kurawa ido yana kallonta, kallon da yake jifanta da shi a bayane yake, sai dai bakinsa ya fi gam iya manewa

A hankali ya ce" Tom "

Daga haka ya kara lumshe idannuwansa yana sauraron kukan tsuntsayen nan, 

Itama shirun ta yi ta rafka tagumi tana jin haushin kanta fiye da komai a duniya

Motar ya kuma tayarwa ya nemi hanyar da zata karasa da su gida

Sunna tsayawa shi ya fara fita a motar ya nufi fallon Mama

A hankali take biye da shi tana karewa tsayinsa da yannayin kafadunsa da hannunsa kallo

Basu zame ko'ina ba sai cikin tafkeken fallon gidan, a lokacin mama na zaune tana kunsa lale na hausa

Juyawa ya yi ya kama hannunta ya karasa da ita ya tsuguna har kasa gaban mama ya sada kansa ya gaisheta

Cike da kulawa take amsa shi, lokaci daya ta ce" aa yaya na ga yannayinka baka da lafia ne? Ke kuwa ina makarantar? "

HISAHM ya yi murmushi ya ce" Alhamdulilah mama, ta yi lati ne sai gobe zan kaita da kaina "

Yana gama fada ya mike ya koma saman doguwar kujera ya kwonta yana rike da wayar nan a hannunsa

Mama kasa cewa komai ta yi, sai umarnin da ta baiwa Bilkissu kan ta je ta hado masa shayi mai kauri ya sha ko zai warware

...........wannan kennan........

Kanta sade yake gaban directer din ma'aikatansu

Fada yake ido rufe yana barazana wa aikinsu hakan ya matukar tayar da hankulansu , da yawansu jikinsu ya yi sanyi matuka

Dorawa ya yi da fadin" baku isa ku mayar da ni sakarai a garin nan ba, mahaifiyata ce ba lafia, ina nan ina faman yanda zan samu fitar da ita , matsalar a kanta ne , daga bana nan na dan lokaci shine zaku nemi kashe min ma'aikata? Kan masu zuwa a lati, sau wa'inda basa zuwan kwata kwata? So kuke daga sama a ga nine mai wasa da aikina ko me? Ba zai yiwu ba, du wanda ke dauke da laifi hukunci zai hau kansa daidai da laifinsa!

Ba wanda ya iya magana a wajen, sai mai bi masa watau SG dinsa ne ya kara sada kai a sanyaye cikin yaren french ya ce" ka yi hakuri Dg, an yi laifi matuka, ba zamu kara ba, ka yi hakuri kwarai harda laifina domin idan ban ba mutun damar ya ki zuwa ma'aikatar nan ba ba zai ki zuwa ba, toh sukan tambayeni ni kuwa sai na basu dama ka yi hakuri"

Bai ce komai ba sai zama da ya yi saman kujera yana ta muzurai, hankalinsa a matukar tashe yake, ransa a bace, mahaifiyarsa na fama da rashin lafia gashi sai an fitar da ita , wannan ya hadasa masa tashin hankali da tunanin yanda zai yi, koda kuwa shi din wani ne, mai abin hannunsa bashi da hanya

SG gannin ya yi shiru ya kara tausasa muryarsa kasancewar meeting ne mai tafe da rarashi ya ce" Ba'a samu hanyar da za'a fitar da itan bane? Mai zai hanna ka jaraba namu na gida? Duda yaron dan danyen kai ne sosai aman idan har ka samu ganninsa an wuce wajen, ba maganar kudi bane, maganar yarda ne "

Da sauri ya dago yana kallon SG, shine mutun na biyar da ya masa wannan maganar, hakan ya sa ya ce" wai wanene wannan DOCTER HISHAM MUHAMMAD KARIBULLAH din?"

Da sauri ta dago dubanta, gabanta ya fadi jin sunnan nan, bata yi gagawar yin magana ba har sai da SG ya budi baki ya ce" Bafilatani ne, dan kasar nan ne, kuma likitan abinda ya shafi kai ne haka sannan likitan mata ne, Haifaden Damagaram ne, kaf Niger shine ya karanci Dogon karatun da ya zama professor, damuwar yaro ne dan bai fi shekaru talatin da biyar ba a duniya, zamu shiga manya a samu a yi masa magana Dg"

Da sauri ta kara kafe DG din da kallo, wani murmushi ne ya subuce mata a kan lebenta, a kasan zuciyarta ta ringa jin wani alfahari, wani farin ciki, wata dama tata ta kanta

Sai da ta gyara zamanta ta dora kafarta daya kan daya ta tataro nutsuwarta sannan ta ce" *D'ANA NE* "

Irin yanda ta yi maganar ba wanda bai jita ba, kuma ba wanda bai dawo da hankalinsa kanta ba, ciki kuwa harda DG din baki daya

Irin kallon da kowa ke mata na nuni da karrin bayani suke so, sannan ba wanda ya nuna mata da karrin bayanin ake so duba da ita ce karama a matsayin a wajen da ake zaune

Shiru ta yi itama tana mai bin kowa da kallo daya bayan daya

DG ne da kansa ya ce" Madame *ZEINAB* me kike nufi? "

Murmushi ta yi gannin an zo wajen ta kara gyara zamanta tana kallonsa cike da son nuna masa gaskiyarta ta fada ta ce" *HISHAM KARIBULLAH D'ANA NE, na cikina*! "

..............tototo ni ai baku gama bikin sallah ba, ni kuwa ina son mu je tare tafiar🥺.........m