DUK NISAN JIFA 16

                             16

Mama ta kara jurewa a hankali ta ce" To ki taya shi yin biyaya dan samun aljanarsa, hakan shine so, ki taya shi Khalb hakan shine zai saka kema naki y'ayan su ji kanki, ku kadai gare mu, idan kuka fara botsare mana mun shiga uku uktie, mun shiga uku"

Bilkisu kam ta rasa kalma, bata da bakin furta koda A ne, hawayenta ya kasa tsayawa, ta rasa me zata yi tunani, eh lalle ta girma ba laifi domin shekara goma sha tara ba wasa ba, aman shekarunta basu kai daukan wannan firgici ba! 

A hankali mama ta mike da ita a jikinta

Dakinta ta nufa da ita ta shinfideta a saman gadonta

Mikewa ta yi ta dauko mata litafi da carbi ta dawo ta ajiye mata a gefen kanta, a hankali ta ce" Kin ga maganin nauyin zuciyarki, kin ga maganin damuwarki, kin ga mafakarki, kin ga mai share maki kukan ki, ki fada masa, ki kai masa kukan ki, shine gatan ki Khalb"

Rana gama fada maimakun ta tsaya itama sai ta fice a dakin

A hankali ta nufi ainahin dakin Bilkisun

Budawa ta yi ta shiga da bismillah sannan ta mayar da kofar ta rufe

A hankali ta zauna bakin gadon ta saka hannayenta biyu ta dafe gaban goshinta

Fashewa ta yi da wani irin kuka, kuka mai zafi da ciwo, tana yi dukan gabanta na amsawa kanta na sarawa

A bayane ta ce" Ya Allah, ka sa ba abinda shedan ke rada min bane ya saka yar uwata guduna, ya Allah ka sa Zainab ta zo ta dubeni ta bani kyakyawar amsar da zata saka ni farin ciki da kara damarar yakin yaren nan kan soyayar junnansu, ya Allah wannan karya da na yi ka yafe mani, na yita ne dan na taya yarona biyaya, na yita ne dan kar d'a ya kalli mahaifiyarsa makaryaciya, idan har wannan karya da na taya zata kasance babar damuwa a garemu duniyarmu da lahirarmu Allah ka saka ya fahimce mu ya yafe mana, ya Allah ka dafa mana , bamu da madafa sai taka, bamu da madogara sai taka, bamu da mafaka sai taka"  sai ta karashe da kara fashewa da kuka 

Sai da ta yi ta koshi sannan ta ringa sauke ajiyar zuciya ta daga kanta tana bin dakin Bilkisu da kallo

Murmushi ne ya subuce mata gannin irin yanda dakin yarinyar yake, yarinya ce aman ba zata taba gannin dakinta da dati ba, kafin ta fita daidai da zannin gadonta sai ta cenza da gudu gudu ba da wasa ko sanya ba

A hankali ta daga matashin kanta, dan kuwa ta tabata a nan zata boye wani abin sirrinta dan haka suke daga ita maman har yaran , a wajen maman da suka gani sai suke yi

Wani dan litafi ta ciro an saka takarda an nadidiye shi sannan an rubuta masa kalamai kamar haka *SIRRINA* 

hannunta ta dora samansa tana ta kallo

A kasan zuciyarta ta furta" SIRRINA "

Meye sirrin Billy? Wanene sirrin Billy? Billy tun da ta kai shekara goma sha hudu na gane cewa sirrinta HISHAM ne, HISHAM tun Billy nada shekara bakwai na fahimci cewa sirrinka BILKISU ce, na yi shiru na yi gum , na yi taka tsantsan ban barku ku kadai ba, na kuma ringa bugun cikin ku dan ku furtawa junna aman kun kiya, kai da ya dace ka jima da fada sai ka adana sirrinka a zuciyarka, ka tanadi rana Hisham, shi ai sirrin dake rai yakan falasa kansa a lokacin da ya yi niyya ne Hisham, na so ku da alkhairi,.......aman haka haka Allah ya hukunta hakan na nufin haka ne alkhairin ku.....

A hankali ta mike ta ringa nazarin wajen da ya dace ta kai litafin ta boye

Da kyar ta iya samun wajen da take hasashen Bilkisu ba zata je kakale kakalen cen ba ta boye sannan ta fito

Ido hudun da suka yi da Zainab ya saka Zainan saurin sada kanta daga duban Mama ido cikin ido

Fuskarta ta saki ta ce" Aa, har kun dawo ban zo ba? Ni kam akoy shiririta abincin ne nake karasawa na zo kuma har kun shigo, yaya mai jiki ina fatan komai ya je daidai "

Matar dg dake neman shigewa daki ta yi wanka ta ce" Alhamdulilah maman Hisham komai kam ya je daidai sai fatan samun lafia, domin an fitar da shi tun dazun, bara na watsa ruwa na fito na kwashi dadadan girkin nan naki mama Hisham "

Murmushi mama ta yi mata

Aisha ta ce" Mama ina mutuniyar ko ba'a sauko ba?"

Mama ta dubeta ta ce" ta sauko y'ata, yau dakina take tana baci "

Murmushi Aisha ta yi ta mike nan saman kujera ta shiga latsa wayarta tana jiran mamanta ta gama itama ta shiga bayin

Juyowa Tati ta yi ta nufo wajen Mama

Hannunta ta kama ta nufi Dakin Bilkisu da ita domin dakin du ya fi na kowa dan nesa da dakunnan dakin

Sunna shiga ta saki hannun tana kallonta ta ce" Aunty, Hisham ya zo nan kuwa? "

Mama ta kama hannunta ta nufi wajen kujerun dake ajiye biyu gefe guda ta zaunar da ita itama ta zauna tana kallonta ta ce" Ya zo "

Gaban zainab sai da ya fadi aman sai ta daure ta dan kakaro murmushi ta ce" Uhum, kin san magana muka yi da mai gidan nan namu na wajen aiki kan zai bani AISHA, shine fa nake dan fada masa zancen kafin na zo na fada maki "

Mama ta kara kureta da ita ta ce" Ah masha Allah, wannan ai abin murna ne "

Tati ta rasa yanda zata dago su yi ido hudu da Mama, sai kakawar da kai take tana ta dan murmushin yake, karshe dai ta kalli Mama ta ce" Kennan ba abinda ya ce da ke da ya zo? "

Mama ta gyara zamanta ta ce" Aa, ba abinda yake boye min komai gigitar furuci "

Ras gaban tati ya kara faduwa, hakan ya sa ta kamo hannun mama tana kallonta ta ce" Alkawari na yi aunty, ban rigaya na sanar maki ba nufina sai an yi aikin nan zan tunkare ki da maganar ki yiwa yaronki magana, sai kawai zumudina ya kaini na fada masa abinda ya faru, shine fa muka kama ja in ja da Hisham kamar ni din sa'arsa ce, karshe Hisham har cewa ya yi wai mahaifinsa na raye, abin ya caza min kwakwaluwa na ga nema ne yake ya bijirewa umarnina kuma ya nuna shi fa babyna kadai yake so, shine dan na tankwasa shi ya yi min biyaya na ce da shi kin shayar da shi , baki ga yanda ya fito ya bara min dakin ba, shi har ganni yake ko dan son raina na aikata haka"

Mama ta lumshe idannuwanta tana maida kwalar da ta taru a ciki, a hankali itama ta juyar da hannun Tati ya kasance hannun Tatin ne a kasa na mama a sama tana kallonta ta ce" AURE ai taya shi ake, Aure alkhairi ne Zainab, sannan ke din yanke hukunci a rayuwar HISHAM girmanki ne, haihuwa ba wasa bace! Ya yi ganganci da har ya daga idannuwansa ya so saba maganarki, aman zai gyara ta hanyar amsar umarninki, sai dai ina rokon ki abu daya, dan Allah koma meye nufinki a kan hirar ki da *YARON KI* ki daina sako karya a gaba Zainan, Hisham baya mutunta makaryaci komai kankantar karyar, yana iya ko me zaka fada masa gaba ya kalli tsabar idannuwanka komai girmanka ya yi maka tambayar shin na dauka ne ko na ajiyewa? Hala yake, haka halayansa suke, na yi iya yina dan gannin ko zai ringa kawar da kai a irin haka aman baya iyawa, ban san ko yanzu ke zaki iya ba...." ta karashe tana murmushi ta dora da fadin" In ba Hisham ba ai Bilkisu kanwarsa ce, duda ba haramun bane aman raini na iya shiga, in sha Allahu zai zo ya baki hakuri kuma za'a yi a lokacin da kika yanke Zainab "

Baki daya ita zainab sai take gannin kamar magana ne Mama ke gaya mata, bata ankara ba ta ga mama ta mike zata fita da sauri ta dago kanta ta ce" Amma Asma'u me yayi zafi haka? "

Mama ta juyo a dan zazafe ta ce" A kan me zaki saka na masa karya nima? A kan me ba zaki iya tunkarata da magana ba? Kin san cewa makarantar boko ce kawai ban je ba hakan ba yana nufin cewar ni din jahila ko mahaukaciya bace! A haife na girke ki da shekaru hudu a duniya , ko da ido mutun ya yi magana ina mai tabatar maki zan iya gane yarensa sai dai na yi anfani da nawa girman da datako na nuna cewar ban fahimta ba! Me kike tunani Zainab? Zan kama yaro ne na yanke hukunci a kansa bayan na san kina raye? Duda kin bani wuka da namar yin hakan tun a ranar da kika kawo min shi aman ba zan taba aikata haka ba domib kina raye a duniya! "

Sai kuma ta fashe da kuka ta kai zaune a nan wajen tana jimke hannayenta ta ce" idan baki cire ni a rudanin dake cikin zuciyata ba, ina mai tabatar maki ba zan iya yi maki duban da nake maki tun zuwanki ba! Zainab ina ce kin dawo gareni zamu zamewa juna uwa da uban da muka rasa ne, ina ce kin dawo kusa da mu ne a yanzun dan kin gane naka naka ne, har ina murna idan Mai gado na murzarki a kasan zuciyata na ce ko yau na mutu na barsu a hannu mai kyau! Zainab HISHAM, da Bilkisu ni su ne duniyata, au ne burina, dan Allah ki ce min baki katse masa hanzari a kan yar uwarsa ba sai dan kar irin aurwn hadi ya lalata zumuncin nan, ki ce min kema su ne duniyarki ba wani buri na daban ba, ki kaleni ki fada min kina tare da mu dan mu kasancewa junna zuri'a daya "

Zainab hawaye take ita kanta, kukan kuma daga zuciyarta yake fitowa, yaya aka yi ta zama mai bambancen hali da yar uwarta? Yanzun ta hanna ta gila karya gashi kuma ya zama wajibi ta kara yi mata wata, zata yi mata karyar nan ta biyu ne itama dan kare kanta, zata yi mata ita ne san kar ta rasa yardarta a kanta

A hankali ta sauko ta karaso kusa da ita ta zauna

Kamar wata yar yarinya ta dora kanta a gefen kafadar Mama , muryarta shake ta ce" Ni ina zan shiga da halayana? Ni butulu ce Asma'u, dan Allah ki yafe min domin ke uwa ce a wajena, ki sani na yi haka ne dan kawai na guje mana hade haden auren nan na cikin gida, ke kin fi kowa sannin me ake kira da aure, ina so kowa ya kawo nasa ta yada du wada ya so cutarwa yarinyata sai inda karfina ya kare"

Mama ta ringa sauke ajiyar zuciya, ba dan komai ba sai dan jin dalilin kanwarta, duda dalili ne karara marar ma'ana, aman sai ta haye sama ta zauna dan kawai ta samu nutsuwar zuciya

A hankali suka fuskanci junna, ba su su fito a dakin ba sai da kowace ta wanke fuskarta suka fito tamkar ba abinda ya faru tsakaninsu

Tsaye yake gaban baban ruwan dake kwonce a kanya, wajen ya yi shiru domin ko tsuntsaye babu, ruwa ne mai kyau mai dauke da kifaye duda zamanin ba na damana bane kifayen sun yi nisa, aman lokaci zuwa lokaci zaga ga sunna wutsil wutsil dinsu hankali kwonce dan kuwa an hana kama su hakan ya saka suke yawaita su sha rawarsu ba mai hanna su

Yan duwatsun da yake dan jefawa yana kallon ruwan ne suka kare a hannunsa hakan ya saka shi juyawa dan daukan wasu

Ido hudu suka yi da Kader dake tsaye yana kallonsa

A hankali Kader ya karaso hannunsa cike da yan sumbulilikon duwatsun da ya tsintsintar masa ya mika masa

Amsa ya yi ya juya a hankali ya ringa dan jefawa kamar wanda yake son samun kan wani abu

A hankali Kader ya ce" Me ka dauka mataki a kan damuwarka ?"

Bai bashi amsa ba har kusan minti daya kafin ya dan sabule farar kafarsa daga cikin takalminsa kafa ciki ua zauna a kasa nan wajen farar kasar dake zagaye da katon tafkin

Shima Kader din zama ya yi yana kallonsa

HISHAM ya yi murmushi a hankali ya ce" Jarabawata ce wannan "

Kader ya kale shi da sauri ya ce" kana nufin matar da ta zo maka rana tsaka zata kashe maka mafarkinka na shekara da shekaru?  A kan me zaka kirayi haka matsayin jarabawarka bayan kana da damar bijire mata!"

HISHAM ya kale shi ya yi masa murmushi ya ce" Ta isa da ni fa Kader, haihuwata ta yi, sannan wace ta sha fama da ni din ta giya mata baya, Kader tun da na tashi ni na dan sarki ba, ba sarki na, ba wani dan kusan da ya tsaya min a duniyata ba , mahaifina MUHAMMAD KARIBULLAH na raye, ya gudu dan ya bi umarnin mahaifiyarsa shima, Kader sai Allah ya talafe ni, na ringa tafia bisa kariyarsa da ikonsa da saka albarkarsa, a hankali duniya ta san da ni, ya zamana Kader ni ba sarki ba, ba shugaban kasa ba aman sarki da shugaban kasar ke neman alfarma a wajena! Ba fadar shugaban kasar garina ba, ko ta wata kasa na je takardata na iya bani damar shiga kai tsaye kuma a mutuntani"

Sauke ajiyar zuciya ya yi ya kuma kalle shi a hankali ya ce" Maganar mata ba sai na fada maka ba, a zamanin nan na tsaya na kara fada maka yanda mata ke wawata na zuba shirme, Kader ita nake mafarki, baka sani ba kamar sakarai bana sannin ni namiji ne sai ta min irin rungumar nan ta ba zata, sai gashi sun ce sun Ki"

Kader ya ce" Dan Allah kar ka kashe walwalarka a kan umarnin Tati "

HISHAM ya kuma kallonsa ua juyar da kansa ya ce" walwalata, nutsuwata, farin cikina, burina duka Tati zata kashe su idan har ta yarda ta yi haka......babar damuwar shi ne, zan fitar da fuskar da yan gidanmu basu sanni da ita ba, hakama mutanen gari, ........" 

Murmushi ya yi mai  ciwon gaske ya ce" Domin ba zata rayu da wani kato ba, ba zan iya buda idannuwana na ji cewar wai an na yi aure itama haka? KADER Uktina ce"

Kader ya sada kansa yana jin kansa na sara masa, a kan me wai zai wani yiwa matar da bai wani sani ba biyaya? A kan me zai yiwa Tatin nan biyaya? 

Mikewar da ya yi ya saka Kader mikewa ya bi bayansa da dan sauri

Maimakun ya shiga bayan motar gaba ya shiga ya zauna a sanyaye ya ce" Ka kaini gidana dake Jeune cadre "

Da to kader ya amsa ya tuka shi ya nufi cen da shi

Jikinsa ya gama yin zafin da har huci yake fitarwa, sai dai karfin hali da tunani sun hanna masa fahimtar cewa bashi da lafia

Nacin kader ya saka shi balar magani ya taune ya hadiye ba ko ruwa sannan ya koma ya zauna yana nazarin rayuwa.

Kamar da wasa kwana biyu cir Hisham ya dauka su mama da kowa basu san inda yake ba, sai kader kadai dake jinyarsa da faman ya ci abinci

Haka kuma Bilkisu kwonce take jirgat ba lafia, ba wanda ke iya gane ganta, Mama kawai ta san cutarta kuma ta yi biris danma kar ta samu kwarin gwuiwar da zata kara langwabe mata

Yau kam Mama ta shirya dan zuwa inda yake, ta kasa hakura, hankalinta ya kasa kwonci, gashi har mahaifin Aisha ya zo sun zauna sun yi magana, duda Aishar kallonsu kawai take sai ta yi murmushi ta dan girgiza kanta har zuwa yanzu ba abinda ta iya ce masu amsa, 

Da kyar ta shawo kan Kader ya zo gidan, ba tare da ta ce da shi komai ba ta shiga cikin motar da ya da ita ta bashi umarnin ya kaita wajen da yaronta yake

Ba yanda ya iya haka ya ja motar suka tafi

Jikinta a mace ta karasa inda yake tsaye tun shigowarta, sai da ta dan yi dadage ta shafa gefen fuskarsa tana kallonsa da kauna irin ta d'a da uwa , da yaren filatanci ta ce"Wakkati doggugo am wadina bingel am? Hande baldema didi Hisham adoggiyam dume aibe am?  (Lokacin guduna ya yi ne Yarona?, yau kwananka biyu Hisham ka min gudun hijira meye laifina? )

Jikinsa a mace shima ya kakaro murmushi ya rike hannun nata yana kallonta a sanyaye ya ce"Doggugo mon jemiwadi kanju on aibe manga jemiwadi daga wakkati miwadi hakkilo Amman dada am noi miwatta miwarta bawo misaldiri watango hore am muyal  (yin nesa da ku shine horo mafi tsanani da na yiwa kaina tun da malaki hankalin kaina, aman Mamana yaya zan yi na dawo bayan na kasa sakawa zuciyata hakuri? ) "

A hankali ta kuma dubansa ta ce" Aviya to wodi mo awaddino miholli owadanai am awawata tokkugo hala am Hashim mivi miyida miheban na ko mihebata (ka ce da wata ka kawo na nuna batai min ba ba zaka min biyaya ba? HISHAM na ce maka hakan bai min ba, shin ba zan samu ba? )

Idannuwansa cikin nata, yana jin a duniya anya akoy masu irin halayanta ko dai ita kadai ta rage ya rike hannunta da kyau cikin yaran filatancin ya ce" Ayidi miwadana mikoma doutarena dada am? Gam banni awokata?   (So kike na yiwa kanwarki biyaya mamana?, saboda shi ne kike hawaye? ) "

Mama ta share hawayenta tana kallonsa a hankali take gyada kanta hakan ya saka shi sakar mata murmushi ya ce"   To accuwokugo mimetata dada am wartuhado be jonde hakonbi am hankobo ojoda hato har otimmina bangal sai owailita ko ojoda be debbo je osubi man (Tohm ki daina kuka, ba zan kuma ba, ama mamana ku dawo nan da zama kusa da ni, ita ta zauna a cen har ta gama bikin auren sai ta juya ko ta zauna tare da matar da ta zaba din )

Hade fuska Mama ta ringa yi ta janye hannunta daga barin fuskarsa ta juya masa baya ta kaisasa muryarta ta ce" Kai bingel am mendayima on na an on dayi amin ba he ima banni Hisham to milaraima hasare to hande mi accinte sarema midillan bo mihuni ni ma be bilkisu midillidinta men majjinte hader duniya gam na kanya men yahata balle ahefta amen  (Kai yarona, haihuwarka muka yi ba kai ka haife mu ba! Ya isheka haka, Hisham idan ban ganka yau a gidan cen ba zan bara maka gidanka na yi tafiata, kuma na rantse da Bilkisun zam tafi zamu bace maka bat a duniya domin ba Kanya zamu je ba bale ka samo mu!) "

Tana gama fada ta yi tafiyarta da sauri tana danne zuciyarta

Kader dake tsaye a kofa ya bi bayanta yana jin zuciyarsa na tsintsinke masa, ya san idanma ya tsaya suka hadu sai ya yi masa ba dadi domin shi ya kawo Mama inda yake

                      😌not edditing😁