ZAN FASA KWAI 4

 *ZAN FASA KWAI*

              *NA*

*HADIZA BARA'U GIDAN IKO*

_Hakkin Mallakar na gidan iko ne_

                   *Page 4*

......"Me kike son ce min ne"?  Ko hajiya Bata haifeni ba nayi Zaton girmanta zaisa ta ci albarkacin sa bare kuma Ni da kaina. To kar ki Fara don Zan iya jure komai akaran kaina Amma ba Zan jure ko kallon banza ga hajiya ba bare ki nuna Mata yatsa.......

"Ohooo sai nice za a iske gida azageni in Kuma shiga sabgarsu su zageni saboda Ni ban San yanci ba ko kuma shago aka bude na fito ko Kuma daga sama na fado? "To na rantse maka Babu shegen da Zan Kuma yarda ya taka Ni in zuba ido in kyale shi don yanzu Kai nakewa Alfarma ba kamar Ni da suke zaton kayi min Alfarmar ba sai Kuma ka shirya sanar dasu Kaine da matsala ba Ni ba.

Ya dubeta "Ina fatan cikin shegun da ba Zaki yarda su taka ki ba Babu hajiya? Kiji ki Kuma kiyaye Babu wani Abu da hajiya zata so ko ta sani Wanda ba zanyi shi ba don bani da wani fata ko buri sai na in rabu da ita lafiya. Ko auren take so nayi zanyi don zanyi biyayya agareta sai ki kiyaye.

Tayi wata kwafa ta shige daki ta barshi da yi Mata rakiya da ido kafin yayi murmushi kishi manya kowace mace da kalar nata abinda ma yake tambaya shine shi kishi dabi a ce ko hali ne? 

Tunda sukayi haka sai izzatu ta fito da sabbin salo tamkar wadda ake zugawa Amma dayake Allah yayi mishi hakuri sai yayi Mata uzuri akan cewa maganar hajiya ce ta sa ta daukar Kai 

Sati biyu Yana gida Yana kallon idon mikiya a tashar farin wata shafa ta shigo ita da wata  budurwa  me shegen kyau ya tashi zaune inda izzatu ke kallon su awatse

Suka zauna suna gaishe da shi inda ko kallon izzatu Basuyi ba 

Bayan sun gaisa shafa tace

"Dama hajiya ce tace na kawo maka lubabatu gata nan kanwar mijin asiya ce idan Allah ya yi sai ku dai dai ta".

Lubabatu ta sunnar da kanta kasa cikin Jin kunya inda yaji wani Abu marar Dadi in Banda hajiya yaushe zata turo mishi yarinyar har gida Mai makon ma ace yaje ya ganta.

Izzatu da take kallon su cikin kaskanci ta tofa albarka cin bakinta.

"Wane irin aure ne haka marar daraja da sanin kimar Kai? In ba lalacewa ba lubabatu yaushe za a turoki gidan mutum maimakon shi ya iskeki gidan ku in dai ba zubarwa Kai daraja ba?

Shafa ta dubeta

"Ai Rashin daraja ya Kare ga ci kasayas? Babu komai indai ta samu shigowa ai tayi daraja.....

Ya dago Mata hannu cikin fusata

"Ashe kema kin iya wannan iskancin irin na su Samira da asmau? Akan idona kike fada Mata haka?

"To Yaya bakaji abinda tace ba? ....

"Tashi kuje Zan zo in samu hajiyar muyi magana....

Shafa ta finciki hannun lubabatu suka fice daga gidan

"Gaskiya ba Zan boye maka ba ak indai aure ake Shirin Yi maka Ni Kam sai dai ka sauwake min aurenka don ba Zan iya zaman hakuri biyu ba, ba zanyi hakuri da Rashin haihuwa ba Kuma inzo inyi da kishiya da dangin miji abarni inji da Abu daya 

Bai tankawa maganar ta ba ya ci gaba da kallon shi inda wayar shi tayi Kara ya duba ya dauka da sauri inda ake sanar dashi batun kwangilar da aka bawa wani Dan kwangila ne wato Kabir mashi Wanda aka karbo aka bashi don anfi yarda da aikin shi fiye da Kabir mashi din don haka ake son ya fara cikin watan Nan  kwangilar shimfida tituna ce a wasu kauyuka  wadda za a samu ALHERI sai dai baiji dadin karbewa daga hannun Kabir mashi ba don Babu me son ayi mishi haka Amma dai ya amsa sukayi sallama

Washe gari sai ga hajiya Mama ta diro gidan ak na Shirin ficewa

Ya zube gaban ta Yana kwasar gaisuwa

"Jiya na turo shafa da lubabatu akace matarka tayi Mata wulakanci? A a hajiya Babu abinda tayi Mata dama Ina Shirin zuwa ne Kika zo.

Hajiya ayi hakuri da maganar auren Nan don Allah. Auren ne kawai zamu iya hajiya Amma Babu me iya bani haihuwa sai Allah da yaso bani zai bani inko Bai zano ba to Matan kawai Zan Tara don haka hajiya na rokeki  kiyi min addua abarwa Ubangiji komai Yana sane da Ni da matsala ta

Hajiya ta sauke ajiyar zuciya, "To shikenan abdulkarim  na fahimce ka Kuma maganar ka itace gaskiya na janye maganar lubabatu Ubangiji yasa kana da Rabon ganin naka diyan Amma gaskiya sai kajawa matarka kunne......

"A a hajiya tunda dai kin janye Taki maganar Ni Kuma yanzu ne zanyi tawa maganar

"Wai hajiya Baki San shine da matsala ba kike kokarin yi mishi aure ? To Nima ba Zan iya auren Wanda baya haihuwa ba tunda ya Zama juya Nima Ina da muradin karawa gaba tsawon shekaru goma Sha inda haihuwa nayi yanzu da na kusa aurarwa tunda kun gama naku wulakanci Nima yanzu ne zanyi nawa

Shekaru biyu kenan da suka wuce mukaje Asibiti akayi Mana gwaji Ni da shi inda likitan ya nemi in Basu wuri suyi ganawar sirri ban San me ya fada mishi ba Kuma har yanzu Bai sanar Dani ba inda ba gano an samu matsala daga gareshi shine ya boye min don kar in ce ba Zan iya ba inda kuka Dora min jakar tsaba to hajiya abdulkarim ne me matsala ba izzatu ba sai ku gaji ku hutas ku Kuma sakar min Mara inyi fitsari

Hajiya ta dubeshi ta dubi izzatu cikin tashin hankali..........