DUK NISAN JIFA 34

            34

Ta daga hannunta zata kuma bugawa ya bude kofar, 

Ido hudu suka yi yannayin da ta barshi fuskarsa ba annuri haka ta kuma samunsa yana tsaye kikam a bakin kofar shi bai bara hanya ta shige ba, shi bai rufe kofar ba

Baki daya sai ta daburce ta shiga inda inda karshe ta samu kanta da fashewa da kuka marar sauti sai hawaye dake zirara daga gurbin idannuwanta tana kara sada kanta tamkar an kawota gaban sarkin da ta yiwa karya

Idannuwansa ya lumshe, sam bashi da lokacin da zai iya karawa ransa damuwa, ya rufe ne ya ci gaba da ibadarsa ko zai samu mafita? Take taken mutanen dake zagate da shi ya fara bashi tsoro da tunanin sunna son su kasara tunaninsa ne

Hannayenta biyu ta dago ta hade waje daya tama rasa daga ina zata fara, me kuma zata ce da shi, yau koda auren soyaya ne yana mutuwar sonta ne ta yi wayewar da ta san cewar idan ka nunawa namiji zalamarka a fili komai tsakaninka da shi ana iya samun matsala irin ta raini, wulakanci a ciki, bale ita matar cushe

Muryarsa a dake ya ce" Sun rufe dakunnansu ne? "

Dubansa ta kuma yi a karro na hudu run tsayuwarta a gabansa ta kasa bashi amsa hakan ya saka shi komawa gefe ya ce" Shiga "

Jiki ba kwari ta raba gefensa ta shige dakin tana sauri ta je wajen kujera ta zauna kanta a kasa

Tsayawa ya yi yana kara kallonta, yaya aka yi ta kasance mai sanyin hali haka? Allah yana ganni irin sanyin halinta ya saka shi kasa yi mata rashin mutunci ko wulakantata, tabas da farko ya so ta kori kanta dan kanta saboda irin abinda ya mata tanadi na wulakanci , sai dai daga bakin ranar da ya sameta a budurwa sai kuma irin kalaman da ta furta masa a kan BILLY sai ya ajiye makaman yakarta da ya yi niyar yi, saima ya sakawa ransa zai bata darajarta a matsayinta na matarsa zai yi iya yinsa kar ya tauye hakinta

Sai da ya yi gyaran murya dan baya so kwata kwata kowama ya gansa a yannayi na bacin rai sannan ya ce" Tashi ki shiga cen dakin ki kwonta "

Dakin da ya nuna mata na kusa da dakinsa na baci ne, hakan ya saka ta mike jiki ba karfi ta nufi dakin tana yi tana tsayawa tamkar wace ake dannawa stop sai kuma ta daga kafarta har ta karasa ta bude ta shiga da bismillah

Sai da ta rufe sannan ta duke a wajen ta dora kanta saman gwuiwarta, rashin lafiar kakanta ya saka ta fuskanci su waye iyayen da suka haifeta, ta kasance tana zaune ne da kakanta, mutun mai daraja, mutun mai mutunci, mutumen da dukan tarbiyarta shine ya dorata sama, du irin sangarta ta kakani da suke yiwa jikokinsu tana samu a wajen kakanta aman kuma du wata tarbiya da ya dace ka yiwa yaro ya jajirce ya yi mata , a wajensa ta ji kalmar nan watau shi mutunci madara ne, daga bakin lokacin da ya zube shikenan kwasuwarsa zai zamo wahala, haka budurcin y'a mace yake, idan ta yarda ta zubar da shi ta hanyar shashanci ko wani iri ne ta cuci kanta, ta cuci iyalinta gyara kuma na Allah ne, tun daga nan ta dauri aniyar kilace kanta, samarin kansu sai take baya baya da su 

Tabas zata nemi alfarmar komawa kusa da kakanta, tana kallonsa tana gannin warkewarsa idan ya samu lafia ta labarta masa abinda ya sameta, a yanzun babar damuwarta wannan umarni na mahaifiyarta wace ke cen zaune tana jiranta

Kusan a nan kasa ta kwana, sai da asuba ta samu ta dauro alwallah ta rasa ina zata samu abin sallah domin dai bata ga hijab ba, tayayama zata ga hijab bayan bangaren namiji ne ba mace ta taba tarewa a bangarensa ba bale

Tana nan zaune ta ji kwonkwasa dakin hakan ya saka ta tashi a dan tsorace tana kallon kofar kafin ta karasa ta bude ba tare da ta tambayi ko waye ba

Dan tsai ya yi, a kasan zuciyarsa yana ayanna 'bata tambayi ko waye ba ta bude idan wani mugu ne fa?'

Abinda ke hannunsa ya mika mata bai tsaya jin komai ba ya juya ya fice a dakin kwata kwata ya nufi masalaci

Itama komawa ta yi ta warware hijab ne ruwan hoda, sai kamshi yake, kamshin turaran da ta ji shi a dakin Bilkisu, du inda ya fito hijabin Bilkisu ne wannan 

Haka ta saka ta tayar da sallah

Tana gamawa ta bingire a wajen ta kama barci, sai kusan karfe bakwai ta farka da sauri tana kallon tagar dakin ta ga da hasken rana har rana ta fito hakan ya sakata mikewa ta koma ta wanke fuskarta sannan ta bude dakin ta fito cikin sanda tana tunanin makomarta

Ido hudu suka yi yana tsaye cikin shigar sweeeeet aman bai dora rigar ta sama ba yana balla agogo a hannunsa

Farar ciga ce ta cikin, haka kuma bai bala botiran saman kwaya uku da suka rage ba

Irin tsayuwar da ya yi irin ta a tsaya din nan kafa a dan ware kafarsa sanye cikin bakar safa sidik wace bata da kwaliyar komai sai necktie dinsa dake ajiye itama kusa da rigar saman da zai dora 

Muryarta na rawa ta ce" Barka da safia , an tashi lafia? "

Jin shiru bai amsata ba ya saka ta dago da kanta dan gannin ko tafiarsa ya yi?

Sai ta ga sun yi ido hudu again hakan ya sakata sada kanta gabanta na dokawa

Muryarsa a dan shake ya ce" Me ya saka ki kuka jiya ko na ji maki ciwo ne? "

Allah yana ganni sai da ta ji gabanta ya kara faduwa, wayo Allah son maso wani, wayo duniya iya muryarsa na neman zautar da ita, iya yan kalaman nan da ya yi ya sakata kamar ta taka rawa tamkar wanda ya wani ce da ita Aisha ina kaunarki ina son ki,, damuwar kennan, matsalar kennan, watau idan kana son mutun ko amsa gaisuwarka ya yi kai ka gode an wuce wajen sai casu, kai sallah ce a wajenka, abin farin ciki ne a wajenka, kai ka samu abinda kake so ba batun karya ka samu ka more, saima ka ringa wani jin sanyi na wahala bayan ba cewa ya yi da kai ya yarda da muradinka ba!

A hankali ta kuma sauke ajiyar zuciya muryarta a sanyaye ta ce " Mama ce ta aiko ni "

Dan dakatawa ya yi daga kokarin daura necktie dinsa a hannunsa yana kallonta, aman bai ce da ita komai ba, mama? Wace mama? A tsakiyar daren nan ko wani ne ba lafia? Hakan da ya fadawa kansa sai ya ji hankalinsa na neman tashi

A hankali ya ce" Wani ne ba lafia? "

Da sauri ta girgiza kanta, sai ga hawaye wani na korar wani, ta hade hannayenta ta ce" Wai, wai Papana ne zai samu matsala da wajen aikinsa, shine ta ce na fada maka "

A yanzun ya kara tarkata mata hankalinsa gaba daya yana kallonta dan jira yake ta gama ga wani kuka da ta aura tamkar mai makokiya a ciki

Gannin shirun ya yi yawa sai kuka take masa ya saka shi cewa " Wace irin matsala? Ni kuwa mai zan iya yi a kan matsalar? "

Sai da ta sauke ajiyar zuciya ta yi zaman dirshan ta ce" Walahi ban sani ba, ta ce kana iya samun President a kan maganar kar a sauke shi, sai da nace da ita ba zaka iya ba sai ta koro ni....." ta karashe tana mai fashewa da kuka abinta dan har ga Allah ita ta rasa madafa, to ita tama san ta wani bayan layi zara biyo ra masa bayani ne? Ita fa burinta bai wuce ta ji ta samu sukuni a zuciyarta ba

Bai ce da ita komai ba sai  ya juya mata baya ya daura necktie dinsa da kyau sannan ya dauki rigarsa ta sama ta saka ya bala mabali daya tak na tsakiya ya soka hannunsa na hagu cikin aljihun wandonsa ya kuma kallonta ya ce" na bara maki dakin a bude ne? "

Da sauri ta girgiza kanta domin kallonsa take itama sannan ta mike tana share hawayenta ta fara yin gaba

Takalmansa ya saka bai dauki komai na aikinsa ba ya bi bayanta a hankali tana tafe yana biye da ita har suka fito

Fitarta kawai ya hanga sai rufewar da mai gadi ya shiga yi na get din gidan, ya hangi da hijab dinta ta fita hakan ya saka shi dan sauke ajiyar zuciya ta babura babur dinta yau yar babur din ce

Murmushi ne ya ji ya subuce masa a kan lebensa sai ya fasa shiga bangaren nasu domin dama dan ya fitar da ita su tafi ne hakan ya saka shi kamo hijab din Aisha

Juyowa ta yi tana kallonsa shima ita din yake kallo ya ce" Ki daina kukan kin ji? Ki share hawayenki sannan ki yi adu'a Allah ya sanyaya maki damuwarki kowace iri ce "

Ajiyar zuciya ta sauke tana gyada kanta hakan ya saka shi sakar mata dan murmushin da ya sakata lumshe idannuwanta itama ta mayar masa da martani sannan ta share idannuwanta tana tsaye Kader ya dawo daga bangarensa da jakarsa da wayoyinsa ya wuce wajen motar ya shige ya zauna yana binsa da kallo

Sai da ya nuna mata ciki ta shige sannan ya juyo ya nufi motar yana taku da dan sauri cikin sauka a matatakalar bangaren Mama tamkar wani jarumin indiya ya karaso kusa da motar da ya ga yau kuma hyris ya fitar shi dai ya bude gaba ya shiga ya rufe

Ko idasa zama bai yi ba Kader ya bushe da wata shegiyar daria yana dukan sitiyarin motar wace sai da Hisham ya yi dan tsai dan ihun dariar sai da ya dakar masa kai ya juyo yana kallonsa

Kader ya gumtse dariarsa ya tayar da motar yana kara gyara zamansa ya yi kum kamar ba shine yanzun ya sha daria ba

Sai da ya kaishi balbalin asibitin Hisham ya bude ya fita Kader ya leko kansa ya ce" Gani na yi ashe kaima ka iya iskanci wollah sai wani lumshe ido kake kai ga zakara a gaban kaza ko? "

HISHAM sai da ya yi tsam dan walahi mamaki ne ya kusan halaka shi ya juyo ya ce " Kadri nine zakaran? "

Kader ya tada motar da sauri ya shiga yin ribas  yana kallon irin tsayuwar da Hisham ya yi a fili kader ya furta" A yau ka ciri cin uwa kader kana zaman zamanka "

Kai ya girgiza ya nufi ciki ya san zai bada kayansa a kawo masa ne