ZAN FASA KWAI 7

 *ZAN FASA KWAI*

          *Page 7*

"Kar ka Kuma Jin tausayi na Kai ne abin tausayi ba Ni ba don Ni na hango mafitata a mafarki don haka sallame Ni kawai in Kama gabana.

Yayi murmushi "Abinda Kika gani a mafarki ba lallai ya zamo gaske ba sai dai nuni ko izna don Allah kiyi hakuri ki barni nayi barci na kaina ciwo yake,

Ya kwanta ya barta tana jijjigar jiki idonta fal masifa ta fito tana sababi inda ta iske tsohuwa talai zaune tana Gyan gyadi sai kawai ta shara Mata Mari 

Abin tausayi tsohuwar ta farka afirgice

"Wane irin dabban cine  ki share wuri ki zauna kina min bacci da tsakar Rana?

Ke Bari fa kiji in fada Miki idan kinji kin gaji da aikin Nan babu lallai Babu tilas  na gaji da gayyar hakora in kin gaji sai na sallame ki 

Ta shiga zubar da ruwan tijara inda tsohuwa talai hawaye ya tararo Mata tana ta ahi da neman afuwa

Jin Marin da izzatu tayi wa talai yasa ak  fitowa ya na kallon yadda take Mata tijara ranshi ya baci matuka gaya don Allah yasaka mishi son tsohuwa talai don asali talai wurin hajiya Mama take aiki shine ya matsa da sai tsohuwa talai ta dawo gidan shi don ya Saba da abincin ta  tun da sauran karfinta tayi aiki a gidan su shine mafarin tsanar da izzatu tayi Mata saboda tana ganin an turo tsohuwar ne don ta saka Mata ido ko da take wulakanta masu aiki tafi wulakanta Talai

Ya karaso wurin ya kamo hannunta ya tada ita inda yaga hawaye na bin idonta 

"Kiyi hakuri talai Ni naji Miki Amma ban San haka kike muskanta ba .

Ya dubi izzatu cikin wani irin fushi da Bata taba gani afuskar shi ba

"Baki ji kunyar cire hannu ki Mari tsohuwa irin haka kamar talai ba? To ya zamo na karshe da Zaki Kuma yiwa wani ma aikaci a gidan Nan bare talai. Talai kamar Uwata ce daga yau kar ki Kuma sakata ko shara bare wani aiki na soke Mata duk wani aiki sai dai agirka abata......

"Wannan ne Kuma baka Isa ba wallahi muddin Ina gidan Nan to Dole ne tayi aiki ba tsufa ba ko mu kwana lafiya ce . Dama na Dade da ganota tsohuwar muna fukace wadda aka turo don tazo ta saka min ido to aiki ya Zama Dole tayi shi ko Kuma jikinta ya Bata Labari wallahi salon kasa ta kalli kanta a wata tsiya kace sai dai agirka abata ita a way? 

Bai San lokacin da ya faska Mata Marin ba karon farko a tarihin Rayuwar auren su da ya taba Kai hannu jikinta da sunan duka abinda bai taba yi ba.

"Ba Zan taba Bari ki wulakanta tsohuwar da Ni ne na kawo ta gida na ba 

Akan talai ba sai kin roki saki ba Zan Baki shi jahilar banza wadda Bata San kimar tsoho ba. Idan har ka girmama tsohon wani to naka ka martaba don hak sai ki kiyaye ba Zan lamunci wulakanta mutanen dake kasanki ba......

Ta cakumo kwalar rigar shi ta tattare ahannun ta "Tunda har ka mareni akan wannan tsohuwar banzar ai kasan ta ballowa kanka aikin da ba zaka iya dashi in yaso sai ka auri talai ko hajiya mama.......

Ya Kuma Bata kyakkyawan marika guda biyu ajere Wanda yasa taga wata koriyar walkiya

Ya Kira duka ma aikatan gidan inda yace kar akuma saka tsohuwa talai aikin komai Koda dibar ruwa ne wankin kayan ta ma arika hadawa ana kaiwa shago a wanko 

Haka Kuma duk Wanda izzatu ta Kuma ciwa fuska ko wulakanci to ya fada mishi tunda ga wannan Rana tsohuwa talai ta samu cikakken yanci inda Kuma izzatu ta fice daga gida ta nufi nasu da sunan tagama auren dama sanadi take nema ta Kuma samu sai dai acan gidan Basu Bata samu goyon baya ba inda aka tuso keyar ta aka dawo da ita aka Kuma bawa ak hakuri inda ita Kuma take Jin ta gama auren shi Koda shi Daya yayi saura aduniya sai sun rabu inda Kuma ta fito da sabon salo na aunawa hajiya Mama da duk wani nashi zagi abinda yake Jin ba zai daukaba

Tsawon sati biyu tana gurza mishi Rashin mutunci Yana dauke Kai inda washe gari sai ga hajiya mama da tarin magunguna ta diro gidan..........