KIBIYAR AJALI 12

 *SULE BAYA TARE TA SAI TA WUCE*      

         *NANA HAFSAAT*

*WANNAN LITTAFIN NA KUDI NE! KI DUBI GIRMAN ALLAH KI SAYA DA KUDIN KI, KADA KI SHARING, TEMAKA KI SIYA NAKI A NAMBOBIN MU DAKE KASA*

*All characters/ some places/ Incidents, Portrayed in this novel are fictitious.. *

*(Duk mutanen ciki da sunayen wasu guraren da na saka, Da wasu abubuwan da suka faru, Duk tatsuniya ce, Idan yayi shige da rayuwar wani ko wata to akasi aka samu.) Consider it as synchronization👌🏾*

                    *XII*

*KANO STATE*

  **Abin ka da rashin sabo ga kauyanci da yake dawainiya dani, tunda muka fara tafiya ina kalle-kalle har bacci ya dauke ni. Ban farka ba sai da aka shigo garin kano, na gane mun shigo ne ta hanyar kokarin da nayi na karanta symbol da aka rubuta *'Welcome to kano'*. Na gyara zama ina ta kalle-kallen abubuwa na burgewa dake kan titi, ga tituna lafiyayyu babu ramuka, hakika birni lafiya ce. 

Yadda kwaryar birnin kano ta cika shine zai tabbatar maka da cewa wani abun ake yi mai matukar muhimmanci, saboda din bin mutane ta ko'ina ba masa tsinke. Na kasa yin shiru tun ina lekawa ta glass din window har nace da drive ya zuge min na dinga lekawa kafin na tambaye shi me ake yi yace min.

“Mantawa nayi da wannan na’din (turbaning ceremony) da bamu biyo ta wannan hanyar ba, wallahi wani matashin saurayi za'a nada sarki, shi yasa kowa ya fito ya ganewa idanunsa ba sai an bashi labari ba, gashi nan duk an cika mana garin.” 

Cikin mamaki nace.

“Kai..! Sarki fa kace?”

“Kwarai kuwa, ke ba kiji bushebushen abin sarauta ba?”

“Walle banji ba kadan-kadan dai kamar ake yi, dan Allah ka kai ni na gano na din.” 

Ya yi saurin cewa.

“Kai..! Yo kafin mu kutsa cikin mutanan nan ai aiki ne, ballantana kuma karasawa wajan rumfar nadin. Kiyi hakuri wata rana zaki ganshi idan ya fito koda sallah ne.” Na jijjiga kai alamar na gamsu.

Bandamu da ganin saba dama mu kai wucewar mu gidah, Na san dai irin nad’in sarauta ne kamar na kauyen mu, Lokacin da aka nada sabon hakimin Alfundi, Bazan mantaba har can muka tafi a kasa. Ganowa idanun mu sabon hakimi da yazo daga birni, Sannan mai unguwa jamilu ma sanda mahaifin sa ya rasu aka nada shi haka akaita bushe bushe algaitu a karakar mu. Muna tafe akan titi ina karanta signboards din kan hanya, Kai birni da girma take, Na bawa idanu na hakkin su sosai, Kafin mu karasa gida

 *DR ISMA’EL MUHAMNAD SINGA RESIDENCE* 

Kai tsaye wata unguwa naga mun nufa mai matukar tsari, gine-gine ne wannan yana cewa d'an uwansa bani guri. Dr Isma'il Muhammad singa resident nan ne inda drivern ya shiga, ya yi horn a kofar wani katafaran gate wanda ya amsa sunan sa, mai gadi ya bude muka shiga.

Compound d'in kadai abin kallo ne yadda aka kawata harabar gidan da shuke-shuke na burgewa, ga manya da kananun motoci tamkar kamfanin su aka zo kala kusan shida. Baki na saki ina kallon aljannar duniya, ina mamakin wai dama muna da wani dan uwa mai dukiyar da zai iya yin wannan muhallin, amman aka barmu a kauye muna ta shirme. Muryar driver ne ya katse min tsantsar mamakin da ya addabi kwakwalwa ta inda yace.

“Muje cikin gidan.”

Ya yi gaba ina bin bayan shi kamar wata jelarsa. A bakin wata rantsatsiyar kofa muka tsaya, naga yasa yatsan sa tare da danna wani abu ya yi kara, ba dadewa muka ga an bude kofar.

“Yauwa shiga da bakuwar wajan Mami.”

Drivern ya yiwa wadda ta bude kofar maganar wacce yar aiki ce a cikin gidan. Tunda na saka kafata a ciki naji wani sanyi yana bude kayan jiki na ya na shiga cikin tsoka ta, ta matse jiki ina sake kundundinewa dan ban saba jin irin sa ba. Katon parlor tamkar a film din indiyawa, mai dauke da kujeru da suka sake kayata shi, tare da talabijin kamar mutanan ciki zasu fito waje saboda tsabar girmanta. Bene ta hau ni kuma na tsaya ina kallon yadda take hawa da sauri da sauri bama ta tsoron fadowa ita, sai da ta haye sannan ta juyo taganni tsaye ina hangenta tace.

“Taho mana muje.” 

Cikin zaro ido nace.

“Ni..!?”

“Eh mana da wa nake yiwa maganar.?”

Na hadiyi miyau tare da sunkuyar da kai kasa, da alama yar uwar su ce ganin tana da fadin rai.

“Ni dai bazan iya ba.”

“Ba zaki iya mene ba?”

“Hawa inda kike so nazo.”

“Oh so kike nazo na goya ki na doroki ne?”

Nayi saurin girgiza kai nufin a'a amman har lokacin banji zan iya hawa ba saboda tsananin tsoro. Ta juya a fusace tana masifa tamkar wacce na yi mata mugun laifi, ni kuma tsakani da Allah ji nayi ba zan iya hawa ba, ina ganin tamkar zan gangaro saboda santsin tiles da yake ta sheki. Ina tsaye sai gata sun fito da matar gidan wacce naji suna kira da Mami, ta kalleni tare da cewa.

“Dije hawo mana.” 

Na hadiyi kakkauran miyau saboda shiga tashin hankalin yadda zan iya hawa benan.

“Ba zan iya ba wallahi.” Nayi magana a sanyaye.

“Okay Jummai jeki riko mata hannunta.”

Ta taho tana zuba min harara ta rike min hannun dama na, ya yin da ni kuma na rike karfen binan da hannun hagu muna hawa da kyar.

“Ki saki jikin ki Dije babu abin da zaki ji.”

Cewar Mami, haka na hau ina rike da Jummai wace ke ta faman yi min dariya kasakasa. Ina hayewa kuwa na zauna ina sauke numfashi da kyar. Mami ta riko hannu na muka karasa parlorn tana ta dariya itama ganin yadda nake ta kallon tsarin parlorn ya matukar firgita ni dan yaci uban na kasa komai da komai. Muna nan zaune sai muka ji muryar mutane suna hawowa benan da gudu ko tsoro basa ji. Yan mata ne su biyu sanye cikin dogayen riguna na larabawa, sunyi kyau a ciki ba karya, suna shigowa suka haye kan cinyar Mami suna furta.

“Wassh Mami mun gaji.” Tace dasu.

“Gajiyar ce ta hanaku ganin bakuwa ko?”

Duk sai suka tashi suna kallo na a tare, na yi saurin sunkuyar da kai na ina wasa da mayafin jikina.

“Dije ko?!”

Suka yi maganar cikin alamun tambaya suna sake kallon Mami, ta gyada musu kai tana murmushi.

“Ayya! Allah sarki Dije, ya hakurin Baffan ki.?”

Hawayen da yake shirin zubo min sukai saurin komawa saboda bana son zubar su, Dara'ifa tace min kuka na azaba zai karawa iyayen nawa, addu'a zan dinga yi musu, nace dasu.

“Alhamdulillahi na gode.”

“Haba Dije meye na godiya, munso zuwa gaisuwa Allah be yi ba. Sai kuma Daddy yace ai dakko ki zai yi gabaki d'aya ki dawo nan gida. Welcome Khadija, munyi farin cikin zuwan ki cikin mu kinji?”

Daya daga cikin su tayi maganar cikin nuna kulawa, ta kare maganar da cewa.

“Ni suna na Hameedah, nice babba a gidan nan. Sai sister dina wato Shukrah yar auta kenan. Ba tare aka haife mu ba, na bata shekaru biyu amman kinga kan mu ɗaya saboda tsahon kafa gare ta.”

Duk aka yi dariya yayin da ni kuma murmushi na saki dan ji nake wata iri da ni. Duk baki na da rashin kunya ta ji nayi ina mugun shakkar mutanan gidan. Gashi dai basu nuna min kyama ba, suna nuna kulawa a gare ni. Amman a lokacin na kasa sakin ciki kamar wacce aka yiwa ture na rashin walwala. Daga nan Mami tace su tafi dani dakin su nayi wanka nazo naci abinci. Shukrah itace ta kama ni muka nufi dakin su, a nan naga aljannar duniya, wato yaran yan gata ne na bugawa a jarida. Komai na cikin dakin guda biyu ne kuma cikin tsari ta yadda tsarin ya kawata dakin matuka.

“Toh Dije ga toilet nan ki shiga, akwai ruwan zafi a heater.”

Ban san mene heater d'in ba kuma ban tambaye ta ba, haka na ajiye carbin hannuna dama na Baffa ne na dauka domin ya zame min madubi da zan dinga gani ina tunawa da shi a zahirance. Na bude kofar da suka nuna min sai dai na kasa shiga dan banga ya yi min alamar cewar bandaki bane.

“Dije shiga mana.” 

Tamkar wacce zata saki kuka haka nayi magana.

“Banga bandakin ba ai.”

“Ikon Allah, gaki nan a kusa da kofar kin bude.”

“Daki ne fa.”

Ai sai kawai naji sun kwashe da dariya abin ya bani haushi na dawo na zauna akan wata kujera da na gani a cikin dakin ina ta turo baki, Hameedah ta juyo tana kallo na tace.

“Bandaki ne wallahi Dije, ya za'ai mu kai ki daki muce kiyi wanka a ciki? Zo ki gani na nuna miki.”

Ta shiga sannan na bi bayanta, Shukrah na daga bakin gado tana ta dariya ta kasa yin shiru saboda keta. Hameedah ta kunna wani guri ruwa ya zubo cikin wani abu mai dan zurfi da kuma tsaho da alama ruwa ake tana da a cikin sa, naji tana cewa.

“Idan ya kusa cika sai ki kashe nan wajan zaki ga ruwa ya dena zuba, sannan sai ki cire kayanki ki shiga cikin ruwan nan kiyi wankan. Ga sabulu nan da soso kiyi amfani dashi.”

“Jakar uban can kayyasa! Cikin wannan uban ruwan zan shiga sai kace wata kifi ko kwad'on ruwa?”

Dukan su kuma sakin dariyar suka yi, dan ita Shukrah har da hawayen ta tsabar dariya. Na kallesu cike da jin haushi ina turo baki tare yin gunguni ina zagin su a rai na. Meye na dariya bayan maganar gaskiya na fada, banda rainin hankali su kawo guri harda madubi da mayuka shegen jarkokin da malama Mardiyya take matsowa ta shafa shine zasu ci min toilet ne? Hameedah ta fita ta kira Mami suka taho tare.

“Kinga kira ni kina ta faman dariya menene wai?”

“Mami wallahi Dije dai taki shiga cikin toilet wai daki ne, kuma ta ya zata shiga cikin ruwa kamar wata kifanya ko kwaduwa.”

Itama Mami sai ta saki bakin tana rike habarta idanunta a kai na take cewa.

“Dije ai wannan ba daki bane, cikin nan inda muke shine daki. Nan da suka nuna miki toilet ne da ake bayan gida ko wanka, ki dena damuwa a hankali zaki fahimci komai, yanzu dai ki taimaka ki shiga kiyi wankan duk yadda kika ga dama.”

Na sake komawa ciki na tsaya ina kallon yadda aka kawata shi, ni da naga na malama Mardiyya ina ganin shi aljannar duniya, ashe ga aljanna na ban sani ba. Na duba naga sam babu bokiti a bandakin kuma bana son kuma yin abinda zasu min dariya sai kawai na cire kaya na dauki wani kofi da na gani sai na dinga dibar ruwan da Hameedah ta tara cikin kwami ina tsaye ina wanka na. Abin da ya sake daure min kai a ciki shine, da na waiga sai naga kai na a cikin madubi na hango kumfa a inda hannu na baya kai wa sai nasa ruwa na watsa a gurin, na kuma matsawa wajan madubi ina duddubawa ko akwai inda bai fita ba. Ashe amfanin shi kenan a ciki, ikon Allah gaskiya yan gayu komai nasu daban yake. Ina gamawa na saka skirt dina tare da jansa sama wato har kirjina sannan na fito sai faman muzurai nake kamar bani da gaskiya.

“OH my God Dije, maimakon ki dauro towel kawai sai ki sako skirt ɗin da kika cire.” 

Shukra ta yi maganar tana yatsina fuska da murmushi a fuskarta.

“Ai ban ganhi Au ban ganshi ba.”

“Kai! Ohh Dijeh, daman har yanzu ana hi da hah a duniyar nan?”

“An dena walle.” Ta kuma sakin wata dariyar.

“Kin kuma ai Dije, mu bar wannan maganar kawai zo ki shafa mai kisa kaya muci abinci.”

Na amsa mata sannan duk suka fita ni kuma na janyo jakar kayana da Jummai da shigo min dasu, na ciro basilin dina na shafa sannan na ciro riga da zani nasa tare da zauniya a kasa na zabga tagumi ina tunanin yadda rayuwa ta zata kasance a cikin wannan gidan.

“Dije ki fito muci abinci ma, kin zauna anan kina ta tunani?” Hameedah ta leko tana min maganar.

Na tashi nabi bayan ta muka nufi dining da gurin kansa abin kallo ne bare kuma yadda aka kawata kan table d'in da abincika kala-kala. Kamar yadda naga sun zauna haka nima naje na zauna ina ta raba ido.

“Dije maimakon ki sako kaya mararsa nauyi shine kika jibgo wata atamfa?”

Nayi murmushi kawai ban ce komai ba saboda ko tace naje na saka mararsa nauyin to bani dasu dan haka shiru kawai shine a wajan. Shukarah ta fara zubawa kowa wanda yace yana so, ni kuwa daman bama sanin abubuwan nayi ba bare nima fadi nawa ra'ayin, koda aka tambaye ni ma cewa nayi a bani koma menene zance dan ni babu abinda bazan iya ci ba indai naci din ne. Ai kuwa ta zuba min farfesu na naman kaji da ya sha kayan kamshi na lashi lebe na sama da kasa yo yaushe rabon da a hadu? Ta miko min harda sako min wani cokali mai yatsu na kuwa cire na ajiye shi a gefe na zura hannu ina dakko tsokar kazar nama ina dannawa cikin bakina.

Ana ta hira amman ni sam bana sauraron su nama na kawai nake ci ina korawa da lemon kwakwa mai dan karan sanyi da yasha madara har wani gardi-gardi yake yi alkuran. Haka muka gama ci kowa ya yi harkar gabansa, ni kuma tunda na samu tv na zauna ina ta kallo shirye-shiryen su yana dada bani sha'awa da kara karfafin gwiwa wajan son yin aikin jarida.

Sallah ce kawai take iya tayar dani daga gaban talabijin d'in nan. Koda nayi sallah isha'i dawowa nayi naci gaba da yin kallon, su kuma mutanan gidan kowa ya tafi yin harkar gabansa, a nan bacci ya dauke ni, koda uncle Isma'eel ya dawo anan ya ganni ina ta bacci kan kafet nayi rashe-rashe tamkar wacce tasha abin maye. Kawu yace a mai dani daki kan gado, Jummai tazo ta dinga tashi na amman ina naki tashi saboda wani irin nauyin bacci da Allah ya sakko min a ranar. Haka Mami da kanta tayi ta tashi na nan ma shiru sai kyale ni suka yi sai da uncle ya gama cin abinci ya tashi da kanshi ya dauke ni ya kai har kan gadon Shukarah yace mu kwanta kafin nima a siyo min nawa.

Muna bacci na dinga yarbawa Shukrah kafafuwa na a jikinta, tun tana min kawaici har ya zamana ta dawo tana duka na wanda ban san tana yi bama saboda tsabar bacci dana’urar sanyi abinka da basabin ba, Da asuba take bamu labari, kuma ni dama ba gwanar iya ba da hakuri bace tun ina karama ballanta kuma da na fara girma.

“Wai Dije ba zaki ban hakuri ba.?”

Na kalleta da mamakin jin abinda take fada, sai kuma na shiga yatsina fuska alamar bafa zan bada ba.

“Dije tazo inji Mami a kasa.” 

Cewar mai yiwa su Hameedah gyaran daki da wasu aiyukan da suka shafe su wato Lamtana. Na tashi da sauri nabi bayanta dan ba hakurin nan zan bayar ba komai zata yi min. A zazzaune na tarar dasu, na duka har kasa duk na gaishe da su sannan cikin murna da murmushi kawun nawa yace dani.

“Dije ki saki jikin ki a cikin gidan nan saboda kema ya ta ce kamar yadda suke ya ya na babu banbanci. Duk abin da kike so ki gaya min ko Mami ga ta nan a zaune, uwa ce a gareki ina son ki bi umarninta kamar yadda su Hameedah suke yi mata. Sannan insha Allahu zan samar miki makaranta ki ci kaba tunda kin kammala secondary, me kike son ki karanta ne Dijeh? Dan kar naje na yi miki shisshigi cikin rayuwarki.”

Na dinga soshe soshe saboda wata kunya da nauyin sa da suka kama ni a lokacin, ina murza idanuwa nace.

“Kawu ni dai ina son naga nayi aikin jarida.” 

Yace.

“A'ah a'ah a'ah! Kice zamu samu mai jiyo kwakwafa a duniya kenan? Masha Allah Dije, toh Allah ya tabbatar da alkairi insha Allahu zan yi kokarin ganin kin cika burinki na rayuwa. Tashi kije Allah ya taimaka.”

“Amin kawu na gode.”

“Yauwa bana son wannan kawun da kike kirana dashi, ki kirani da sunan da kikaji mutanan gidan nan suna kira na wato daddy..”

Nayi dariya ina rufe fuska da tafukan hannayena tare da tashi na tafi, na tsani hawa bene saboda tsoronsa nake ji, duk sanda zan hau ji nake kamar za'a turo ni na gangaro ko nayi baya idan ina hawa.

 Har na kusa gama hayewa sai kuma na dawo na sakko, na koma parlor sai na tarar basa nan. Fitowa nayi dan har ga Allah bana son zama guri d'aya dan bahaushe yace zama guri d'aya tsautsayi ne. Lamtana na gani zata shiga mota, da sauri naje na tambaye ina zata je, tace cefane zata yo, na hade hannuwa ina rokonka akan dan Allah ta tafi dani na raka ta, aikuwa tace to na shiga muka tafi ina ta sake ganin birni da suke abubuwan su cike da burgewa. Ina biye da ita har ta kammala siyayyar muka dawo mota driver ya dawo damu. 

A farfajiyar gidan muna shiga da mota na hango matar Kawu Isma'il wato Hajia Abeedah (Mami) da kawarta suna zaune akan fararen kujerun dake zagaye da yar balcony’ din farfajiyar. 

 “‘Mami mun wuni k’alau, Ina yini Hajia?”

Na gaishe da Mami da kawarta cikin ladabi, Mami ta amsa da fara’a, Kawar kuma ta debe ni ta watsar, Mik’ewa nayi na shige ciki abuna. Ina shigewa nabi kofar dana rufe da kallo ina harararta tamkar ita taki amsa min gaisuwar. 

 “Abeedah! Wacece wannan? Karki cemin sabuwar mai aiki kika dauka haka? Bakya tsoron abunda zaije ya dawo?”

 “Hmm! Hajia ba yar aiki bace. D’iyar mai gidan nan ce, Yar kanwar suce data rasu shekarun baya.”

 “Ayyo to! Ai kuwa tamkar ita tayi kanta. Tab ni fa bana son rikon ya'yan yan uwa n miji, Akwai su da kisisina ga shiga tsakanin ka da mijin ka.”

 “Anya kuwa? Wannan fa yar kauyen kayau ce fitik. Kawai dai dan tana da zubin manyan mata ne, Ga kyau tamkar ita ta kera kanta. Ai babanta ance bafulata ni ne, Shima bai jima da rasuwa ba.”

 “Allah sarki! To amman dai kiyi takatsan tsan.”

 “Insha Allahu!” 

   Dakin mu na shige ina mai yage hijabin jiki na, Ya Shukrah ce kawai a ciki Ya Hameedah bata nan. 

 “Assalamu Alaikum!..”

 “Wa’alykm Salam Oganniya Dije!”

Na murtuke fuska ina gatsine baki,

 “Ya Hameeda an tsine wannan sunan fa...”

 “Inji wa? Karya kike bayan ke kika bamu labarin? Aina aka tsine? Jia ko shekarn jia?”

Na sheke da dariya ina kallon kai na a mudubin su mai tsaho, Zaka iya ganin kanka gaba ki dayan ka a tsaye. 

 “Sunana Nana Khadija.. Ko Ummi na yadda Baffa na ke gayamin sanda yana raye.”

Ya Hameeda tayi murmushi kawai tana gyad’a kai, Bandaki na shige nayo wanka sosai, Kafin na sauya kayan jiki na zuwa doguwar riga marar nauyi, irin tsarabar makkan nan. Jefi jefi mukan taba hira da Ya Hameeda har Kawu ya dawo yace akirawo mu duka, 

 “Kawu Sannu da zuwa..”

 “Yauwa yar kawu duk da dai nace bana son ana ce min haka! Ba dai matsala ko?”

 “Babu Kawu!”

 “Yauwa munyi magana da wani Professor anan jamiar da zaki fara, Yace suna shirye shiryen ranar da zasu sanya ku fara lectures, Saboda haka kafin sannan nidai na yanko miki form a center din da su Hameeda suka koyo British English, Saboda ki sake wayewa da ilimin sa. Ai h..”

 “Alhaji Wai British eng learning centre dai?”

 “Ita! Meya faru?”

 “Uhm! Alhaji gani nai tayi tsada, Haj Luba ma kasa sa yarta tayi.”

 “Toh sai akai yaya? Ina ruwana dan ta kasa sa yar ta. Ni Khadija ba ‘yata bace? Kafin na samu nawa ‘yayan wana fara samu a duniya? Mahaifiyar ta Jamila daga ni sai ita, Kuma duk duniya babu wanda nakeso sama da ita duk cikin yan uwana, Kuma gudan jininta wadda itama ‘ya ce agare nin zan ki kyautatawa? Shekara nawa ina rokon abani ita na rike hakan bai samu ba sai yanzu. Karki batamin rai hajia. Yauwa  Khadija monday zaki fara attending classes dinsu, Na tsawon watanni uku ne kacal. Hameeda ga MasterCard dina da safe ki kaita shopping ki sauya mata da irin shigar mu tanan, Ku bawa tailor dinku dinkunan ta, Ki kaita saloon a gyaro mata kan ta amata manicure..”

Ni dai shiru nayi ina sauraron Kawu tamkar a mafarki, Mami tayi kwafa tana kada kafa,

 “Alhaji wannan yawon ai ba na Hameeda bane sai dai ko driver ya kakkaita. Amma ya za’ai ta katse schedules dinta ta kaita koina?”

 “Toh Hajia ai gidan ki ne, Ya’ya kuma naki ne ko? Shikenan yayi kyau! Khadija ki shirya da sassafe ni zan kaiki ko’ina. Jeki debi abinci kici ki kwanta.”

Kada kai nayi na silale na gudu da’ki, Ina jiyo sanda ya koma parlorn sa, Mami nata tsaki tana mita, Hameeda ma na taya ta. Jiki na gaba d’aya ya saki yayi sanyi, A darare Na fita na shiga kitchen na zuba abinci naci acan, Na koma daki na kwanta. Saboda Banda nauyin Bacci ina jiyo sanda Ya Shukra ta dawo suka hau bata labari . A haka bacci yai awun gaba dani, Bansan sanda suka dena magana ta ba. 

   *WASHE-GARI*

Da wuri na tashi na shirya, Na wanke bandaki, saboda na fara gane kanshi da amfanin wasu abubuwan dake cikin sa. Sunata kumbure fuska a haka na bisu na gaggayshe su, Ranar Kawu ko abincin safe bai ciba yace muje, Gurare sosai ya kai ni ya narkomin kayan yan gayu da atamfofi da laces da materials, Abayoyi suma fal da takalma da jakankuna Harda kayan kwalliya dana man shafawa. Ya biya ya bawa tailor ya gwada ni, Daga nan muka je salon aka wankemin kai na, Aka gyaramin kafata da farata na. Wallahi tamkar ba ni ba. Daga nan ya biya dani kasuwar waya, Ya siyamin dalleliyar waya ta zamani. Wallahi tsabar farin ciki Bansan sanda nasa hawayen dadi ba, Na shjga kwararawa Kawu addua. Ranar dai gaba d’aya cinyeta mukai a bukatu na, Sannan ya dire ni a gida ya wuce kasuwa.

______________________

KUNA BUƘATAR A TALLATA MUKU KAYAN SANA'ARKU A PAGES ƊIN BOOKS ƊIN ZAFAFA BIYAR 2021?.

To kuzo ga dama ta samu💃🏻💃🏻.

        Ina ma'abota son a tallata musu hajojinsu a kafafen yanar gizo suke?.

Tofa kuzo dama ta samu, dan jerin gwanon haziƙan marubanku ƴan biyar sun fiddo muku da hanyar da kuma kasuwancinku zai zagaya lungu da saƙo ta dalilin shafukan littatafai.

Ga duk mai buƙatar a saka masa tallan kayan sana'arsa a shafin littatafan mu na zafafa biyar zai iya tuntuɓar waɗan nan Numbers 0903 234 5899 or 09033181070 ta WhatsApp, idan har agama buks ɗin kana buƙata a sakamaka talla zamu saka maka akan farashi mai sauƙi. Idan kuma wasu adadin pages kake buƙata koda ɗaya ne duk zamu saka maka akan farashi mai sauƙin gaske🤓.

Kuyi maza ku kawo, mai haja shike talla, mai saya kuwa shike neman sauƙi😻😻😄🤗.

______________________

ZAFAFA BIYAR

NA KUDI NE::: 

Duka BIYAR 5 zaku samesu akan garabasar naira 700 kacal,

Guda hudu 4 Kuma 500,

Guda uku 3 Kuma 450,

Guda biyu 2 Kuma 400,

Guda daya akan 300.

Ma'ana

Each one is 300

2 is 400

3 is 450

4 is 500

5 is 700

Zaku biya kudinku acikin wannan asusun namu na banki👇👇

ACCOUNT NO- *0812652655*

ACCOUNT NAME- *HAFSAT LAWAN GAMBO*

BANK NAME: *ACCESS BANK*

saiku turawa wannnan numban shedan biyanku(evidence of payment)👇👇

*+234 903 234 5899*

IDAN KUMA KATIN WAYANE KO VTU/TRANSFER ZAKU TURA TA WANNAN NUMBER TAREDA SHEDARKU👇👇

*09033181070*

Karku Bari ayi Babu ku domin wannnan salon na daban ne

SABUWAR SHEKARA 

SABON SALO

TEAM#ZAFAFABIYAR🔥