ABINDA KE CIKIN ZUCIYA 9

 *Wannan littafin na kudi ne, idan kina so ki karanta ki tuntubi numbobin dake kasan LITTAFIN*

Page 9

©Hafsat Rano

***Da jan kafa ta isa inda likitan ya shiga, ta tsaya daga gefe kanta na sarawa,wata nurse dake gefe ta matso ta kama hannun ta suka shiga ciki, dakin daukar jini ne, haka tana ji tana gani aka dauki jinin ta, aka shiga gudanar da gwaje gwaje akan jinin.

Sannan suka wuce wani daki inda za'a mata gwajin STD da sauran tests da zasu tabbatar da lafiyar ta. Fitowa likitan yayi ya dubi maimartaba yace

"Ranka ya dade yarinyar nan ta kai 20years kuwa?"

"Ta kai." Inji gimbiya maryama

"Ok, but she looks very young,sannan kamar bata taba haihuwa ba, an fison wadda ta taba haihuwa shine ka'idar."

Kallon juna sukayi, ta marairace fuska tana kallon maimartaba, 

"Babu damuwa Dr, you can carry on with your work."

"Owk." Yace ya juya ya shige ciki

Sai kuma ya dawo da baya yayi wata magana sannan ya koma ciki... 

(Mu ajiye wannan zaren, zamu bukace shi nan gaba wajen hade labarin)

***Bata san tsawon lokacin da ta shafe a asibitin ba, kuma tun bayan zuwan su bata sake saka shugabannin nata a idonta ba, baiwa daya ce hade da wani bafade suke kula da ita, duk da bata san me ya faru da ita ba, bata san me akayi mata ba,tana jin wani irin yanayi a tattare da ita, wanda ba zata iya fassara shi ba. Watarana tayi bacci me tsawo, sai ta farka data yabi a gefen ta, tana matsar kwalla, ganin ta farka tayi saurin tasowa wajen ta, tana jera mata sannu...

  ***Gyara zama tayi tana sake jin zafin abinda suka aikatawa marainiyar Allah, tana kuma cigaba da tuno fuskar yan kananan jariran cikin shigar fararen kayan sanyin data zaba musu, ta kuma sanya musu a ranar da suka iso duniya, soyayyar da take musu daban ce, ta bi jini da jijiya ta zagaye ko ina. Yan biyu ne dukka maza, wanda ta kwallafa rai akan su tun ranar da aka sanar musu da abinda yake cikin Aminatu, ta kuma tanadi kalolin gatan da zata yi musu, sai dai tun ba akai ko ina ba, ta rasa wannan babban burin nata, tun daga ranar har yau bata sake samun farin ciki me suna farin ciki ba a rayuwarta, tun ranar da yaran suka iso duniya komai ya lalace musu, komai ya chanja musu ciki harda rasa abu mafi soyuwa a wajen maigidan ta, Mulkin Masarautar Saji. A wannan ranar, a wannan yinin komai ya baci, komai ya zama ba a muhallin sa ba, basu da iko ko hurumin bin ko da gefen masarautar ne, balle akai ga shiga ciki. Ta sani, kuma kowa ma dake da kusanci dasu sun san cewa alhaki ne ke bibiyar su, kuma suna da burin ganin ta kafin su har duniya, ko ba dan yaran ba, ko dan su bata hakuri su kuma samu sassaucin nauyin da ke dauke a wuyan su wanda son zuciya ya kaisu da aikata abinda suka aikata din, amma sai dai ta ina zasu fara neman ta? Bayan tun bayan wannan ranar babu wanda ya kuma jin ko da labarin ta ne.

   Muskutawa tayi kadan tana share hawayen da ya zama abokin ta a kullum, duk sanda tayi irin wannan tuna bayan takan rasa sukunin ta, har sai dai ta zubar da hawaye sannan zata ji dad'i.

   Da daddare ya shigo, ya zauna a falon sannan ya dauki landline ya kirata, sai data dau lokaci sannan ta fito, ta sameshi a zaune yana kallon network news, bata yi magana ba ta zauna gefen sa, ta maida kanta tana kallon gefe, murmushi yayi me ciwo,ya rasa me yasa ta kasa mantawa da komai bayan shi kanshi ba daidai yake ji ba, yana tunanin ma ya fita cutuwa da abinda ya farun. Girgiza kansa kawai yayi, sannan ya shiga yi mata bayani a hankali yana fatan kuma ta fahimta, ko da bata fahimta din ba,yana fatan ya rage mata wani abu kadan daga cikin abinda take ji a ranta.

***Shigowar da Aysha tayi yasa Ammi tayi saurin boye abinda ke hannun, tayi kokarin daidai ta kanta, dan kallon ta Aysha tayi, tasan halin Ammin tasu ko da ta tambaye ta me yake damun ta, ba zata taba fad'a ba, shisa ma kawai sai ta share tayi abinda ya kawo ta dakin ta fita,tana fita Ammin ta tashi ta maida komai yadda yake, ta gyara fuskar ta,ta fito waje domin kammala aikin waken gobe.

   Tana aikin tunanin yana sake dawo mata a cikin kwakwalwar kanta, duk yadda taso ta yakice shi ta kasa, har sai ta ya shafi kuzarin ta, wanda Muhammad na shigowa ya gane bata jin daidai, ya kuma san ba zai rasa nasaba da abinda ya baro dasu daga gida ba, sai dai rashin son ayi maganar yasa basa matsa mata da zancen, da sun ga irin haka basa matsa wa, sai dai suna iyakar kokarin su wajen taimaka mata ta dawo daidai.

   

***Karar message ne ya shigo wayar ta, ta ajiye rubutun da take ta dauka ta duba, sakon ne kamar ko da yaushe, sai dai na yau ya dauki hankalin ta sosai, sai kawai ta danna kiran number tana fatan samun kowaye suyi magana.

   Safwan na zaune kiran ya shigo, kirjin sa ya buga sosai dan be yi zato ba, kura wa wayar ido yayi kamar me nazari ya kasa dauka har sai da yaji zata katse sannan yayi saurin mika hannun sa, ya daga ya saka a kunnensa. Sallamar ta, ta doki kunnen sa, tabi jini da jijiya ta zagaya ko ina sannan ta dawo saman zuciyar sa. Ya lumshe ido ya bude a hankali sannan yace

"Wa'alaikisalam."

Tsaya wa tsak tunanin ta yayi, jin muryar sa, idan har abinda taji gaskia ne, kenan Ya Safwan ne, dan tayi waya dashi a wayar Ya Adnan farkon zuwan sa, a zuwan zasu gaisa suna kuma gaisawar ta bashi wayar sa tayi tafiyar ta, kenan shine ke turo mata sakonnin kenan tsawon wannan lokacin? Me hakan ke nufi?"

"Amrah, kina jina kuwa?"

Yayi karfin halin cewa yana jin dukkan sauran karfin halin sa na barin sa, da gaske ne da ake cewa wasu mazan basu da liver, liver da zasu iya tsaida mace har su tsarata, da bai yarda ba idan suna tare da abokai ana musun, gani yake ai yana da baki dan haka komai lafiya Lou, sai dai yanzu ya karyata kansa, wani abu me kamar tsoro tsoro ma yake ji yana sake kanannade shi, yana jin kamar ace masa kyet ya ruga a dari, gashi dai damar da yake ta jira ce, amma baya jin yana da confidence din da zai iya. 

"Ina ji ya Safwan, ina wuni ya gida ya aiki?"

"Lafiya Lou, ya makaranta, ya kowa da kowa?"

"Alhamdulillah."

Sai sukayi shiru gaba daya, ita tana tunanin abinda zai ce mata da bata fatan hasashen da take ya zama gaskiya,shi kuma yana tsara yadda zai fara,dama zata taimaka masa ta dauko masa zancen messages din da yake mata da ta bud'e masa hanya, amma sai yaji tayi shiru alamun shi take sauraro, 

"Umm.. umm, dama toh... Ya karatun?" 

Ya samu bakin sa da furtawa bayan ba haka suka tsara shi da zuciyar sa ba, ajiyar zuciya ta sauke dan har ga Allah bata shirya abinda zai ce matan ba, ta amsa da lafiya lou sannan suka sake yin shiru, sai kawai ta kashe kiran gaba d'aya sannan ta kashe wayar ta kwanta rigingine tana kallon saman dakin.

"Damn it!" Yace yana buga hannun sa a jikin fuskar gadon, dama iya dama ya samu amma yayi wasa da ita, haushi ne ya kamashi, haushin kansa da zuciyar sa, ta k'asa fitar da abinda yake cikin ta.

***Daga chan bayan gidan akwai wasu resting chairs guda biyu da d'an karamin table, mafiya yawancin lokuta Abba ke zama a wajen idan yana gida, anan yake zama yayi bitar littafan sa idan zaman Library ya ishe shi. Tun bayan tafiyar sa Amrah ta maida wajen, wajen zaman ta da yamma nan take zuwa ta zauna kusan kullum. 

   Yau ma kamar yadda ta saba yi, bayan ta gama taya Umma komai ta dauko wani wani littafi na 200 recipes ta fito ta zauna tana dubawa, ya budo kofar ya tsaya yana dubanta, ta dago suka hada ido ya shiga takowa har ya kawo in da take, sai yayi folding hannayen sa a kirjinsa  yana kallon littafin hannun nata, gaishe shi tayi, ta maida kanta abinda take yi, a zahiri ta bada attention dinta baki daya akan littafin, sai dai a bad'ini ba haka bane, ta kasa kara ko da kalma daya ce akan inda ta tsaya kafin shigowar sa, yana tsaye still a inda yake, tana jin idanun sa akanta, sai dai bata yarda ta dago ma.

"Taimaka min da ruwa please." Taji yace yana zama a daya kujerar, sai a lokacin ta lura da katon littafin dake hañnun sa, ya ajiye saman dan table din, tashi tayi ta ajiye nata littafin ya awajen zaman ta, sannan ta shige cikin gidan, da sauri ya dauki littafin ya bude page din tsakiya ya saka mata dan karamin note sannan ya ajiye. Ruwan ta kawo mishi ta ajiye ta dauki littafin ta, ta shige ciki dan ko giyar wake tasha ba zata iya cigaba da zama dashi a waje guda ba, wajen ma haka so close da babu wata tazara me yawa a tsakanin su, da yasan yadda take ji idan taji alamun tahowar sa wajen da take da be dinga kawo kansa so close haka da ita ba, ji take kamar jijiyar dake taimakawa wajen rarraba jini a sansan jikin ta na tsitsinkewa.

    A saman gado ta ajiye littafin ta jona wayar ta a charge ta rufo dakin, zaman ya fara isar ta haka nan, ta matsu Afrah ta dawo gidan ya dawo kamar yadda yake, so take ma ta dan fita amma ta k'asa, duk sanda zata fitan idan ba makaranta ba sai taji bàzata iya ba dan bata saba ita kad'ai ba.

    Duk'ufa yayi sosai akan littafin dan karatun nasa ya fara daukar zafi sosai, yanayin wajen yayi masa daidai da karatun sa, be tashi barin wajen ba sai da lokacin sallah yayi, ya koma ciki yayi alwala yayi sallah sannan ya dora karatun ba tare da tunanin komai ba, ciki kuwa harda abincin da ya kamata ya sawa cikin sa.

  Chan wajen sha biyun dare cikin sa ya fara salati, ya mike da k'yar ya fito, Sai a lokacin ya tuna be saka komai cikin ba yana ta faman boko, a gaban dining din ya tsaya ya duba babu komai, ya rufe ya nufi kitchen din yana saka ran samun ko da fresh milk ce dan da gaske yunwar yake ji, babu in da be duba ba, be samu komai ba, ya dafe kansa da hannu kamar ya fasa ihu, ya juyo bayan ya dauko ruwa ya wuce daki.

    Tana kallon sa ya gama dube dube akan dining din, sannan ya shiga kitchen, lokacin ta gama kallon wani movie ta fito kenan zata saka charge din system dinta a main falon saboda dakin babu wajen sata ta hange shi, sai ta makale a jikin labule har ya gama ya tafi. Sai data ga shigar sa sannan ta nufi kitchen din, ta dora noodles tayi sauri ta gama, ta had'a masa tea a cup me murfi ta dora akan tray ta kai kofar dakin ta ajiye, tayi knocking a hankali sau biyu, jin ya taso yasa tayi saurin barin wajen, yana budewa yaga tray a ajiye, ya dudduba be ga kowa ba, ya dauka ya shiga ciki ya zauna yaci sosai yasha tea din, yana ci yana blushing, tasan yunwa yake ji,shine ta dafa masa abinci a lokacin da yafi bukatar sa akan komai, yaji dadi sosai hakan kuma ya kara masa akan yadda yake jin ta a zuciyar sa, bashi da tantama ko haufi, yasan zata kula dashi idan sukayi aure ba zata barshi da yunwa ba. Tunanin hakan kawai ya kara sa mishi jin baya da bukatar sanin ainihin waye shi, Allah yayi mishi gatan da ba kowa yayi wA ba, ya kuma hada shi da mutanen da yake da yakinin ba zasu taba barshi ya wulakanta ba. Sai yaji ya kara tattara maganganun Maman Yara ya tura su chan bayan kansa, maganganun da tayi mishi a ranar da yaje gidan isar da wani sakon Daddy, be daukesu da muhimmanci ba tun a lokacin, har yanzu kuma baya jin suna da Wani Amfani a gareshi.

Afwan dan Allah, wayata ce ta dan samu matsala shisa kuka ji ni shiru. Manage pls,ignore typos banyi editing ba.

KUNA BUƘATAR A TALLATA MUKU KAYAN SANA'ARKU A PAGES ƊIN BOOKS ƊIN ZAFAFA BIYAR 2021?.

To kuzo ga dama ta samu💃🏻💃🏻.

        Ina ma'abota son a tallata musu hajojinsu a kafafen yanar gizo suke?.

Tofa kuzo dama ta samu, dan jerin gwanon haziƙan marubanku ƴan biyar sun fiddo muku da hanyar da kuma kasuwancinku zai zagaya lungu da saƙo ta dalilin shafukan littatafai.

Ga duk mai buƙatar a saka masa tallan kayan sana'arsa a shafin littatafan mu na zafafa biyar zai iya tuntuɓar waɗan nan Numbers 0903 234 5899 or 09033181070 ta WhatsApp, idan har agama buks ɗin kana buƙata a sakamaka talla zamu saka maka akan farashi mai sauƙi. Idan kuma wasu adadin pages kake buƙata koda ɗaya ne duk zamu saka maka akan farashi mai sauƙin gaske🤓.

Kuyi maza ku kawo, mai haja shike talla, mai saya kuwa shike neman sauƙi😻😻😄🤗.

______________________

_ZAFAFA BIYAR 2021_*🔥

_*SUKAR BAYA*_💚

_BILLYN ABDUL_

( _kwai cikin qaya_ )

( _raina kama_)

( _wutsiyar raqumi_ )

*_SIRADIN RAYUWA_*💛

_SAFIYYA HUGUMA_

( _alqawarin Allah_ )

( _daurin boye_ )

( _Dangantakar zuci_ )

💙

_*KIBIYAR AJALI..*_💜

_MISS XOXO_

(Sulke baya tsare ta sai ta wuce)

( _Igiyar zato_)

( _Kaimin halacci_ )

( _Naufal_ )

*_ABIN DAKE CIKIN ZICIYA_*🧡

_HAFSAT RANO_

( _ruhi daya_ )

( _Sauyin qaddara_ )

( _Daurin goro_ )

*_MIN QALB_*❤️

_MAMUHGEE_

( _buri daya_ )

( _tarayya_ )

( _eznah_ )

Duka BIYAR 5 zaku samesu akan garabasar naira 700 kacal,

Guda hudu 4 Kuma 500,

Guda uku 3 Kuma 450,

Guda biyu 2 Kuma 400,

Guda daya akan 300.

Ma'ana

Each one is 300

2 is 400

3 is 450

4 is 500

5 is 700

Zaku biya kudinku acikin wannan asusun namu na banki👇👇

ACCOUNT NO- *0812652655*

ACCOUNT NAME- *HAFSAT LAWAN GAMBO*

BANK NAME: *ACCESS BANK*

saiku turawa wannnan numban shedan biyanku(evidence of payment)👇👇

0903 234 5899

IDAN KUMA KATIN WAYANE KO VTU/TRANSFER ZAKU TURA TA WANNAN NUMBER TAREDA SHEDARKU👇👇

09033181070

Karku Bari ayi Babu ku domin wannnan salon na daban ne

SABUWAR SHEKARA 

SABON SALO

TEAM#ZAFAFABIYAR🔥