ABINDA KE CIKIN ZUCIYA 6

 *_Abinda Ke Cikin Zuciya_*

©_Hafsat Rano_

         Last free page (6)

***

Yana shigowa motar ya ji an kira sunan sa, ya juyo da dan sauri dan be ma lura da ita ba, murmushi yayi mata ya amsa sannan ya juya, sai ta fara masa surutu, dafe kansa yayi ta hannu daya yana jin wani haushi na kamashi, har suka zo gida bata yi shiru ba, haka suka fito suka shiga ciki still tana cigaba da surutun da babu me kulata a cikin su, sai ma kara sauri da Safwan yayi ya shige bangaren su yana daga waya.

   Jerawa sukayi har falon Mah-Mah, kana kallon yadda yake amsa mata zaka gane ba son hirar da take masa yake ba, zama yayi Mah-Mah ta fito kenan daga kitchen da sauri Umaima taje ta rungume ta suka saka dariya a tare

"Yanzu muka gama waya da Amina tace min kin iso? Nace dai Safwan yaje daukar ki ashe tare ma kuke da Sultan."

"Tare muke, sai da muka bi muka dauko shi."

"Sannu da zuwa toh, ki shiga ciki ki huta Hauwa zata kawo miki abinci."

"Ok Mah." Taja jakar ta ciki bayan ta juyo ta sakar ma Sultan murmushi, girgiza kansa yayi ganin irin kalar tata tarbiyyar, be ji lokacin da ta gaida Mah-Mahn ba kuma ko a jikinta,Allah ya kyauta kawai yace ya dan zamo ya ce

"Barka da gida Mah-Mah."

"Barka Sultan, ya aikin?" Ta zauna tana rage karar tv,

"Alhamdulillah."

"Ina dan uwan naka ya tsaya?"

"Ya shiga ciki."

"Owk sannun ku, abinci fa?"

"Um sai dan anjima, ni wani kyakkyawan labari nazo dashi ma Mah-Mah, yaushe Daddy zai dawo gida?"

"Ah Alhamdulillah, ko nayi sirika ne?"

Sosa kansa yayi ya girgiza shi yana dariya

"Scholarship na samu akan course din da nake."

"Alhamdulillah, alhamdulillah kai amma naji dad'i."

"Abin da ya dawo dani ma gida yanzu kenan, kin ga har sun turo komai."

Ya bude mail box din sa ya mika mata, karantawa tayi, sannan tace

"Wannan labarin yanzu zaka kira Daddy ka sanar masa, naga abin ba zai dau lokaci ba sai ka fara shiri."

"Shirin me za'a fara?"

Ya karaso ciki yana kallon Sultan, sai ya mika masa wayar yana murmushi, layi bayan layi yabi ya karanta sannan da sauri ya dago yana nuna farin cikin sa

"Amma gaskia baka kyauta min ba, da wannan good news din amma muka tawo all the way from asibiti har gida baka fad'a min ba."

'dage kafadar sa yayi yana murmushi yace

"Uwa ce gaba da dan'uwa ko baka gane ba?" Ya kanne masa ido daya yana kallon Mah-Mah

"Haka ne." Mah-Mah tace tana dariya

"Kaci bashi wallahi, akwai abinda nake son fad'a ma nima amma na fasa Wallahi, sai komai ya kankama zaka ji."

"Kar muyi haka dakai dan Allah, dan fesa min mana."

"Zaka bushe ka fado kamar ganye aikuwa, idan lokacin jin naka yayi kaji Malam."

"Kai kuwa Sultan kyale shi, dole dai zaka sani din, tashi kaje kaci abinci sai ka kira baban naku, kasan yafi so ku yayan sa ku fad'a masa abu kai tsaye ba wai yaji ta waje na ba."

"Toh Mah-Mah, bari na kirashin dan bana jin yunwa yanzu sai ko anjima."

"Allah ya kaimu anjiman."

"Amin." Suka fad'a a tare. Tashi tayi ta shiga ciki ta barsu suna cigaba da hirar tasu,

***Da safe Abba ya kirasu ya sanar dasu yadda tafiyar ta zama, sai dai kafin lokacin Umma ta chanja shawara zata zauna din kawai bayan tayi tunanin yadda zata barta ita kadai har tsawon wasu watanni, Amrah har da guntun hawayen ta, amma jin cewa idan su Afrah suka dawo suma zasu je sai ta hakura ta saki ranta, abinda zatayi yanzun burin ta ne, ta jima tana so da kauna, haka Allah ya tsara shiyasa ma hakan ta faru.

   Sun shirya tsaf ranar da zasu tafi, tayi kokarin kwantar da hankalin ta sukayi musu rakiya har airport ita da Adnan da Umma, sai da suka ga tashin su sannan suka koma gida.

   Ranta a jagule ta wuce dakinsu ta kwanta kawai tana jin gidan yayi mata fadi sosai, sun saba komai tare suke yi da Afrah, suyi fad'a su shirya basu taba nisa da juna ba tun bayan sun dawo kasar. Ranar bata ci abincin dare ba,haka tayi kwanciyar ta a daki har bacci ya dauke ta wanda bata tashi ba sai da gari yayi haske, duk lokacin da bata sallah takan makara sosai ta rasa dalili ko dan bata kwanciya da niyyar tashi da wurin ne shiyasa, haka ta fito lokacin su Umma sun gama breakfast suna zaune suna kallo a tv ita da Ya Adnan, joining dinsu tayi bayan ta dauko breakfast din ta, ta dawo tsakiyar falon, tana ci suna kallo had'e da hira har zuwa lokacin da ta tashi ta koma daki ta dauki wayar ta,ta kwanta tana game cikin kwanciyar hankali. 

    Suna ta sa rai da kiran su Abba, sai dare kiran ya shigo, tana daki umma ta shigo da wayar a kunnenta suna magana, sai ta mika mata ta zauna gefen gadon. Da Abba suka fara gaisawa sannan Hajiya ta karba, sai Afrah, sun dan yi hira da Afran tana bata labarin tafiyar tasu, sai da umma ta karbe wayar ta sannan suka hakura, rufo mata kofar tayi suna cigaba da magana da Abban.WhatsApp ta hau suka cigaba da maganar su, sai gashi hira ta mika kamar ma suna tare da juna.

   Sati d'aya tsakani ta fara zuwa makarantar, da farko ta kasa gane yadda tsarin yake, sai a hankali ta fuskanci komai sai gashi ta ware tana ganewa sosai, ba kadan take jin dadin makarantar ta da yadda ake gudanar da komai cikin tsari da kwarewa.

    Da safe kafin ta tafi sai ta gwada abun da aka koya musu, sannan ta dauka ta kai wa malamar tasu ta gani, ba karamin mamaki malamar take ba ganin yadda take da kwazon dauke komai da anyi musun, bata san cewa duk abinda ya zama kana da passion akai ba, zaka bada dukkan nutsuwar ka wajen koyan sa.

***

Da tsananin murna Safwan ya shigo gidan jin labarin saukar su, a tunanin sa harda gimbiyar zuciyar sa tun da Adnan be fad'a masa yadda tafiyar ta sauya ba, turus yayi ganin Afrah ita kadai sai Umaima dake gefe tana faman danne danne a waya fuskar ta a chunkushe ta juya tana kallon gefe kamar bata yi maraba da zuwan na Afrah ba.

   Da murna ta tare shi

"Ya Safwan." 

"Wa nake gani kamar yar afiriri, Innalillahi gaskia an kwana biyu, Masha Allah."

Rufe fuskar ta tayi da tafin hannun ta, tasa dariya tunowa da sunan da yake fad'a mata da tana karama.

"Ya Safwan baka chanja ba, kana nan da tsokanar ka wallahi."

"Kema nasan baki chanja ba ai, surutun yana nan."

Sai ya dan rage murya kadan yace

"Ina dunkum din, na ganki ke kadai."

Fashewa tayi da dariya sosai shima yana tayata

"Wai dama baka manta da sunan nan ba, tab ai kuwa nasan Amrah yanzu da zata ji sunan nan sai ta kusan sumewa saboda haushi."

"Ina kika barta?" Ya tambaya cike da zak'uwa

"Ai nida Abba kadai muka zo, ita da umma sai mun koma."

"Shit!" Yace yana jin duk farin cikin sa na barin sa, Umaima da ta maido hankalin ta wajen hirar su ta dan tab'e baki ta cigaba da bin wakar ta, dan ita har ga Allah yarinyar batayi mata ba, dadcin d'ad'awar ta daji daga in da tazo, sai taji wani abu me kama da tsanar ta ya shiga zuciyar ta nan take, ya bata mata happy mood din ta baki daya.

 Ba'a son ransa ba, ya zauna suka cigaba da hirar ganin Mah-Mah bata nan kuma Umaimah bata da niyyar kulata, sai dai kaso tamanin na hankalin sa yana chan wajen tunanin yadda ya sa rai da ganin ta a yau, sai dai kash.

    Kansa a kasa bakin sa dauke da sallama ya shigo falon, da sauri Umaima ta tashi kamar dama zaman jiran sa take, gaishe shi tayi ya amsa kirjin sa na wani irin bugu, da Afrah ya fara yin tozali sai da zuciyar sa tayi wani irin tsalle, tunanin sa zai ganta zaune kusa da Afran, be shirya ganin ta a lokacin ba, sai dai a take yaji babu abinda yake son ganin kamar ita. Da kyar ya ja kafar sa a kasalance ya karasa shigowa falon ba tare da ya lura da Umaimah dake faman washe mishi 32teeth dinta ba, iyakar shak'a ta shak'a musamman yadda taga gaba daya daga Sultan din har Safwan din sun bada attention dinsu a kan bakuwar, a zuciye ta wuce ciki tana sake jin wata irin tsanar ta.

Da Mah-Mah ta dawo ta tarar da Afrah murna sosai tayi, ta rasa inda zata sata saboda farin ciki, har zuwa dare ana abu daya, hira sosai tsakanin su har basu san lokaci ya ja haka ba babu wanda ya nemi abinci, ba kuma su bi takan Umaima dake chan daki tana kunci ba.

   A tare suka shigo da Abban da Daddy, suka zauna a falon, Sultan da Safwan kowa na kokarin gaida Abba a kunyace kowa da tasa manufar a zuciyar sa, ya amsa musu a sake had'e da yan tambayoyi, tare suka ci abinci da iyayen nasu sannan suka tafi suka basu waje don su samu damar tattaunawa.

   Zancen tafiyar Sultan Daddy yayi Abba inda ya roki alfarmar zai xauna a tare dasu har ya kammala, Abba be ji dadin alfarmar da yace ba, dan shima ai Adnan anan din ya zauna bayan sun tafi kuma har ya karasa karatun sa Abban be taba biyan ko sisi ba. Sai wajen tara Abban ya tafi bayan Daddy yasa su Sultan sun maida shi gidan Hajiya sannan suka dawo gida.

   Daga nan gidan Afrah ta fara yawon zagaya dangi, Safwan ne ya dauki nauyin yawon nata duk inda zata bata da matsala. Zaman ta da Umaimah be dame ta ba, bata ma san me ne ne game da ita a zuciyar ta ba, a tunanin ta ma haka yanayin ta yake shiyasa ta debe ta, ta watsar ta cigaba da harkokin ta kamar tana gaban Ummanta. Dama chan ita bata da duhun kai balle yanxu da suka waye suka goge da rayuwa, hutu da gayu ta kowanne bangare, ga uwa uba kyawun da Allah ya basu.

***Kafin ranar tafiyar Sultan Abba ya riga ya kira Umman ya sanar mata, tayi farin ciki da zuwan nata dan ita har ga Allah tana son yaron da nutsuwar sa, ta dade tana yiwa daya daga cikin yaran nata sha'awar sa, idan Allah ya kaddara yace yana son daya daga cikin su zata tsaya masa da dukkan support dinta, bayan haka ma Mah-Mah ta chanchanci aso zuri'arta, mace ce me kirki da sanin ya kamata.

   Shirye shiryen zuwan sa kuwa kamar wanda zasuyi bakon da babu irin sa, Amrah tasa ta gyara masa daki guda anan cikin gidan, ta kuwa yi masa gyara sosai irin yadda take kara koya, yadda ta gyara gadon ma kad'ai ma abin kallo ne, sannan ta kawo wasu flowers masu kyau ta jera su akan gadon ta rubuta welcome home dasu ya bada wani irin tsari me kayatar wa

   Bayan ta gama umma tasa tayi wanka, ta shirya cikin shigar simple doguwar riga na atamfa da Adnan ya tawo musu dashi da zaizo, ta daura dankwalin kamar yadda take bin wani tutorial na daurin dankwali a YouTube, sai ta yafa dan madaidacin mayafi ta bi ta feshe kowanne lungu da sako na jikinta da turaren fantasy me sanyin kamshi. Tana fitowa Umma ta kalle ta, a zuciyar ta tana adduar Allah yasa abinda take hasashe ya kasance, Allah ya tabbatar musu da alkhairi.

   Ita kanta Amrah sai ta dinga jinta so empty, tana jin wani irin nervousness kamar zata shiga dakin jarabawa, bata san me yasa take jin wani irin attachment da Bakon da zaizo yau, bakon da Umma taki fada mata ko waye ne, sai dai ta tabbata da irin matsayin da yake dashi wajen Umman ta.

     Kai tsaye airport suka wuce kamar yadda ta san inda zasu tun kafin su bar gida, sanda suka je jirgin be sauka ba, waje suka samu suka zauna chan sai Adnan yayi excusing kansa ya bar ta ita kad'ai, tana nan zaune chan ita ma ta mik'e ta fara takawa a hankali tana kallon tsari da kyawun wajen, daga chan gefe ta tsaya ta harde hannayen ta biyu tana kallon yadda mutane ke kaiwa da komawa tun daga kan mazauna kasar da ma masu shigowa, chan gefe wani ruwa ne yake tashi da d'an karfi yana jik'a wasu fulawowi masu ban sha'awa, a hankali ta soma takawa har ta isa wajen ta tsaya tana kallon wajen sosai cike da birgewa, ta shagala sosai wajen kallon ruwan har bata san lokacin da suka iso wajen ba, maganar Ya Adnan ta riska a saman kanta sai ta juyo da sauri, idon ta ne ya sauka a cikin nasa da ya bude su sosai yana duban ta, kallo irin na tsanaki me tattare da ma'anoni da yawan gaske, bata shirya ganin shi ba, ba kuma ta dauka haka yake ba sai da idanun ta suka dauke ta zuwa duniyar nasa idanun dake cigaba da yawo akanta, kasa dauke idon yayi ya manta da komai da kowa balle ya tuna da Adnan dake magana a gefe. Kanta tayi saurin saukewa kasa jin yadda zuciyar ta ke wani irin bugu da karfin gaske, kokari take ta tattaro maganar da zata yi tun kafin ma taji muryar sa, tana cikin kokawa da kwakwalwar ta muryar sa ta sark'i numfashin ta, ta sauka har zuwa tafin kafarta

"My Amrahhhh...'" ya kira sunan a hankali yana lumshe idon sa, bata iya dagowa ba sai dai ba karamin jin yadda ya kira sunan nata tayi har chan cikin kwanyar ta.

"Ya kuka tsaya anan ne Sultan, mu wuce gida." 

Adnan yace yana juyawa yayi gaba ba tare da ya fuskanci komai ba, ashe tun kafin su karaso wajen ya tsaya daga baya suna magana da wani bature.

Baya ya ja sannan ya nuna mata hanya tare da furta

"Ladies first."

Wucewa tayi gaba da dan sauri ya bi bayan ta yana jin komai na warware masa, tamkar duk wata matsalar sa ta kau, tamkar don shi kadai akayi ranar, ya ganta fiye da yadda yayi tunanin ganin nata, tayi masa fiye da tunanin me tunani.

"Hayatii." Ya furta a chan kasan makoshin sa bayan ya maida kansa ya kwantar a jikin kujerar cab din da suka dauka zuwa gida.

Suna isa gida tayi sauri ta wuce ciki tun kafin su taddo ta dan ba zata iya da idanun nan nasa da suka birkita mata tunani ba, tana bukatar lokaci da zata zanta da kwakwalwarta, ta samu damar tuna komai. Wani irin yanayi da bata taba fuskantar kanta a ciki ba take jin ta a yanzu, bata san wanne irin abu ne haka me karfin gaske yake sake ingizata ba. 

    Tana kwance tana juyi a gado ita kad'ai ta tashi kamar an tsikare ta, a hankali ta bud'e kofar dakin ta fito zuwa dan corridor da zai sadaka da main falo in da take juyo maganganun su tare d Umma. Muryar sa kamar kida haka take keta kofifin cikin kunnenta kai tsaye zuwa birnin zuciyar ta, labewa tayi tana hangen sa, magana yake da Umma cike da girmamawa da nutsuwa, sai da maida kallon ta wajen umma, farin cikin da yake kan fuskar ta kadai ya isa ya tabbatar mata da yadda Sultan yake da muhimmanci a wajen Umman.

   Da baya da baya ta dinga tafiya har ta fad'a saman gadon ta,ta fad'a kai tana dora hannun ta a saitin zuciyar ta.

Sai dai, a daidai wannan ranar , a daidai wannan lokacin, Abba na zaune tare da Daddy, suna tattaunawa akan maganar Safwan bayan ya sami Daddy a daren ranar ya sanar dashi bukatar zuciyar sa, shi kuma Daddy be yi kasa a guiwa ba wajen samun Abba har gida ya isar da sakon Safwan, a take Abba ya karbi maganar, yayi na'am da ita don dama tun zuwan sa Hajiya tayi masa maganar, jira dama yayi su neme shi da maganar shi kuma ya amsa, sanin cewa yaran nasa babu wanda suke kulawa yasa be wani ja maganar ba ya amince a tunanin sa babu wata matsala da zata taso.

   Ba karamin farin ciki Daddy yayi ba, dama su burin su tilon dansu ya samu abinda yake so, tun bayan tasowar sa suke yi masa sha'awar yaran Abban musamman Amrah data kasance tafi Afrah nutsuwa da hankali duk da itama Afran bata da wata matsala.

Kash!!!💔💔💔💔

Ina ganin tun daga nan ya kamata mu fara raba team 

______________________

KUNA BUƘATAR A TALLATA MUKU KAYAN SANA'ARKU A PAGES ƊIN BOOKS ƊIN ZAFAFA BIYAR 2021?.

To kuzo ga dama ta samu💃🏻💃🏻.

        Ina ma'abota son a tallata musu hajojinsu a kafafen yanar gizo suke?.

Tofa kuzo dama ta samu, dan jerin gwanon haziƙan marubanku ƴan biyar sun fiddo muku da hanyar da kuma kasuwancinku zai zagaya lungu da saƙo ta dalilin shafukan littatafai.

Ga duk mai buƙatar a saka masa tallan kayan sana'arsa a shafin littatafan mu na zafafa biyar zai iya tuntuɓar waɗan nan Numbers 0903 234 5899 or 09033181070 ta WhatsApp, idan har agama buks ɗin kana buƙata a sakamaka talla zamu saka maka akan farashi mai sauƙi. Idan kuma wasu adadin pages kake buƙata koda ɗaya ne duk zamu saka maka akan farashi mai sauƙin gaske🤓.

Kuyi maza ku kawo, mai haja shike talla, mai saya kuwa shike neman sauƙi😻😻😄🤗.

______________________

_ZAFAFA BIYAR 2021_*🔥

_*SUKAR BAYA*_💚

_BILLYN ABDUL_

( _kwai cikin qaya_ )

( _raina kama_)

( _wutsiyar raqumi_ )

*_SIRADIN RAYUWA_*💛

_SAFIYYA HUGUMA_

( _alqawarin Allah_ )

( _daurin boye_ )

( _Dangantakar zuci_ )

💙

_*KIBIYAR AJALI..*_💜

_MISS XOXO_

(Sulke baya tsare ta sai ta wuce)

( _Igiyar zato_)

( _Kaimin halacci_ )

( _Naufal_ )

*_ABIN DAKE CIKIN ZICIYA_*🧡

_HAFSAT RANO_

( _ruhi daya_ )

( _Sauyin qaddara_ )

( _Daurin goro_ )

*_MIN QALB_*❤️

_MAMUHGEE_

( _buri daya_ )

( _tarayya_ )

( _eznah_ )

Duka BIYAR 5 zaku samesu akan garabasar naira 700 kacal,

Guda hudu 4 Kuma 500,

Guda uku 3 Kuma 450,

Guda biyu 2 Kuma 400,

Guda daya akan 300.

Ma'ana

Each one is 300

2 is 400

3 is 450

4 is 500

5 is 700

Zaku biya kudinku acikin wannan asusun namu na banki👇👇

ACCOUNT NO- *0812652655*

ACCOUNT NAME- *HAFSAT LAWAN GAMBO*

BANK NAME: *ACCESS BANK*

saiku turawa wannnan numban shedan biyanku(evidence of payment)👇👇

0903 234 5899

IDAN KUMA KATIN WAYANE KO VTU/TRANSFER ZAKU TURA TA WANNAN NUMBER TAREDA SHEDARKU👇👇

09033181070

Karku Bari ayi Babu ku domin wannnan salon na daban ne

SABUWAR SHEKARA 

SABON SALO

TEAM#ZAFAFABIYAR🔥