ABINDA KE CIKIN ZUCIYA 2

 *_Abinda Ke Cikin Zuciya_*

©®*_Hafsat Rano_*

 Amrah (2)

_Wannan littafin na kudi ne, bamu yarda da sharing ba, idan kina bukata ki tuntubi numbobin dake kasan littafin._

***Ganin both uwar da jaririyar lafiya lou suke sai aka sallame su sukayo gida, tun kafin su karaso gida Hajiya ta iso da kayan ta, suna zuwa suka tarar da ita har ta dora ruwan wanka, nan danan gidan ya soma ciki da yan uwa da abokan arziki kowa da son nuna farin cikin sa, kasancewar tun bayan Adnan sai yanzu Allah ya kawo haihuwar yasa kowa yake jin kamar itace ma ta farkon.

    

Tun da aka kwantar da jaririyar a daki Sultan da Safwan babu wanda ya motsa daga wajen, duk motsin da zatayi suna kallon ta, chan tasa kuka sosai kuka irin na jarirai sabbin haihuwa, da sauri Sultan ya mike ya koma wajen kofa ya tsaya yana rarraba ido cikin yanayin damuwa, kallon sa Umma tayi ta yi murmushi ta cigaba da hada formula saboda rashin ruwan nono, shigowa Mah-Mah tayi dakin ta tsaya da mamaki tace

"Wai dama yaran nan suna makale anan Adnan na chan yana neman su."

Dariya Umma tayi tace

"Suna nan muna jegon tare."

"Lallai kam, toh Hajiya tace an kai ruwan." 

Sai ta mike ta bata madarar ta fice ta barsu, hannu Mah-Mah tasa ta kirawo sultan ya dawo ciki suka sata a tsakiyi ta shiga feeding Little angel din da zuwan ta ya zama wani tsani na cikar bururruka da yawa.

   Tun daga ranar har zuwa ranar da akayi suna Safwan da Sultan basu bar umma ta huta ba, idan wannan ya dauke ta sai wannan ma yace sai shi, haka zata sa musu ita a kafarsu suyi ta kallon ta suna jin dadi.

   Ranar suna taci suna Fatima sunan Hajiyan Dr, a take Mah-Mah tace Amrah zasu dinga ce mata saboda shine sunan da ta jima tana so, umma bata ki ba, tun daga lokacin sai rainin Amrah ya zama tsakanin Hajiya da bata tafi ba da Mah-Mah, idan ta dawo aiki take karban ta ta goye sai ta gaji tayi kuka sannan take bawa sabuwar mai'aikinta ta mika tah. Haka yaran ma suke faman jeka ka dawo tsakanin gidan nasu da gidan su Adnan, duk yadda wataran Adnan yake musu gori akan Kanwar sa ce ba tasu ba basa kin zuwa.

    Shekarar Amrah daya cif Umma ta sake haihuwa, sai dai haihuwar tazo da matsala dan sai da akayi mata aiki, sosai ta galabaita saboda haka tun kafin ma su baro asibitin Hajiya ta sa kanwar Umman me suna Safiyya ta hada mata kayan Amrah ta tafi da ita, hakan be wa kowa dadi ba musamman Mah-Mah da yan samarin ta,wanda basu nan ma suna makaranta. Ko da suka dawo suka tarar da abinda ya faru sun nuna bacin ransu sosai, haka dai Mah-Mah tayi ta lallaba su da alkawarin ana yayentan zata dawo nan da sati 

Bayan Sati biyu Dr yaje amma sai Hajiya tace a bari Umman ta sake samun karfin jikin ta, ta kuma kula da yar jinjirar me suna Afrah. Haka Dr ya hakura ya dawo gida ya kara bada lokaci Amma sam Hajiya taki.

   Ko da lokacin sata a makaranta yayi Dr (Abba) yazo tafiya da ita sai Hajiya ta daka tsalle tace sam tazo kenan, babu yadda Abba ya iya a haka ya sata a makarantar ya kuma samar mata mai adaidaita sahu da yake kaita ya dauko ta kullum, ajinsu daya da Afrah saboda makaranta daya Abban ya sasu, tare suke komai hatta abinci na mutum biyu umma ke zuba musu haka ma Hajiya.

    Bangaren Yan samarin kuwa sun kara girma suna aji uku a secondary, sosai shakuwar su da Amrah ta ja baya, sai ya zama idan ba ranar Friday ce tayi ba suka zo gaida Hajiya ba basa ma haduwa.

     Amrah bata son mutane shiyasa ko sunzo bata sakewa dasu sai ta makale a gefen Hajiya har su tafi bata musu magana, ita kuwa Afrah sai ta zama me faran faran da surutu ga wayo sosai.

    

***Rayuwa ta cigaba da garawa cikin hukuncin Allah har zuwa lokacin da Amrah suka shiga primary 4 a lokacin ne kuma Abba ya samu invitation daga wata babbar university dake Canada, har lokacin Amrah na wajen Hajiya dan bata ma son zuwa gidan su sam saboda yadda umma ke mata fad'a saboda sangarcin ta, abu kadan sai ta bare baki tayi ta kuka, hakan ba karamin kona wa Umman rai yake ba, sai ta tattara ta, ta maida wa Hajiya ita.

   Sana'ar snacks da foods Umma take, Babar caterer ce, sosai take samun manyan orders na biki, suna da manyan tarukan gwamnati, sai ya zama ta kara zama babbar mace da ake damawa da ita, amintar su da Mah-Mah bata chanja ba sam, sai ma kara karfi da tayi.

  Haka yaran su ma komai tare sukayi, Duk wannan amintar Mah-Mah bata taba fadawa Umman cewa Sultan ba dan ta bane, kuma iya zaman su Umman bata taba ganewa ba sbaoda babu wani abu da zai nuna ma hakan.

Da daddare Abba ya dawo a gajiye saboda wani meeting da ya dauke su tsawon lokaci a Senate,wanka kawai yayi ya kishingid'a yana kallon news umma na jera masa kayan abinci a saman carpet din dake tsakiyar dakin.

"Ummah..." Ya kirata yana maida hankalin sa kanta, sai ta ajiye cup diñ hannun ta, ta nufe shi ta zauna a gefen sa tana tattara dukkan hankalin ta akansa don tasan maganar me muhimmancin ce .

"Na'am." Ta kalle shi, shiru yayi yana dan juya kansa sai kuma yace

"Ina ganin tare zamu tafi gaba daya da Mamana da Afrah, idan yaso Adnan ya zauna gidan Alhaji Sulaiman ko wajen Hajiya ya karasa shekara dayan data rage masa sai ya biyo mu, saboda gaba daya an samu change of plan ashe ba contract zan musu na two years ba, aiki ne na wasu shekaru masu yawa, kinga kuma tarbiyyar yaya mata sai da uba."

"Masha Allah." Tace tana murmushi

"Gaskiya ne, nima ina ta tunanin hakan sai dai Hajiya ko zata yarda, kaga ta shaku sosai da Amrah."

"Zanje na sameta zata yarda in sha Allah."

"Allah yasa." Tace tana murmushi, sai ya mike ya isa inda ta ajiye masa abincin, dawowa tayi gefen sa ta zuba masa suka cigaba da hirar yana ci.

***

Zaune yake yà kalmashe kafarsa yayi irin zaman dirshan din nan yana sauraren ta, yadda take magana kadai ya isa ka gane ranta ba daidai yake ba, be tanka ba har sai data dire sababinta ta d'anyi tsaki kadan tana kallon gefe, murmushi yayi yana sake fuskantar ta yace

"Kiyi hakuri Hajiya, dama saboda karatun chan yafi na nan shiyasa nake so mu tafi dasu din, a cikin kankanin lokaci ake gama wa a chan mukuwa nan ga yajin aiki ga abubuwan da zasu biyo bayan nan."

"Kudai dai kawai kuce kuna son yarku a kusa da ku, shikenan ya zanyi? Kira ta zan ku wuce yanzu kenan ko?"

Sai ya sake matsowa sosai yana son tabbatar da ya kwantar mata da hankali...

"Kiyi hakuri Hajiya, ai da saura ma tafiyar dama zamuje ayi musu passport ne gobe muna dawowa zata dawo ai."

"Shikenan! Bari na sa ta fito." Tace tana mikewa. 

Da sauri ta saki labulen data makale a jiki tayi cikin dakin tana bubbuga kafarta irin na shagwababbun yara,  shigowa Hajiya tayi ta dauki yar karamar jaka ta zuba mata kaya set biyu sai pants da vest ta mika mta

"Kwana biyu kawai zakiyi, duk wanda yayi miki ko kallon banza ne ki fad'a min."

Turo baki tayi ta karba, sai hajiyan ta sa mata dan madaidacin hijab suka fito, Abba na ganin su ya mike yana sallama da wanda suke magana a waya, ya kama hannun ta yana murmushi, dauke kai Hajiya tayi ta zauna tana son sakin ranta.

"Allah ya kiyaye, a gaida mutanen gidan."

"Amin Hajiya sai mun dawo."

Yace sannan suka fito zuwa inda ya ajiye motar sa.

* A kofar gidan yayi parking suka fito a tare, hannun sa cikin nata suka shiga ciki har lokacin yana amsa wayar da tun da suka tawo yake yinta wadda duk akan tafiyar ce, suna shiga Afrah ta taho da gudu ta d'ane ta,ganin ta yasa ta saki jiki ta dane ta suka sa dariya a tare suka shiga ciki, umma na zaune rike da wani littafi tana dubawa ta tashi tana wa Abba sannu da zuwa,.

"Ta yarda da biyo ka kenan." 

Ta fad'a tana kallon Amranbbayan ta amsa gaisuwar ta, da kai ya amsa mata ya zauna cikin kujerar falon yana ajiye hular sa a saman hannun kujerar tare da cigaba da wayar da yake.

Hannun ta Afrah ta kama suka tafi dakinta, suka hau labarin makaranta da kawayen su na aji, da haka Umma ta shigo ta tadda su, hannun ta rike da kibiya da comb ta mika Amrah tace

"Ungo taya ta ku tsefe kannan idan yaso sai ta tayaki kema."

Karba tayi suka hau tsifar suna cigaba da hirar su, chan Umman ta leko tace su bar tsifar su ci abinci, rufe kan tayi muka koma falon, muka ci abinci sannan Umman ta karbi kibiyar ta karasa mata, nima tace zatayi min idan an yi sallar magriba ganin lokacin ya gabato.

  ***

Muna idar da sallah Umma ta kwala mana kira, muka zauna ta soma yi min tsifar sai aka turo kofar, daya bayan d'aya suka shigo Ya Safwan ne a gaba sai Ya Adnan sannan ya Sultan a karshe, kamshin turaren su ne ya cika falon suka zauna suka gaishe da Umman sannan suka zauna zaman cin abinci.

   Mikewa umma tayi ta shiga ciki, da sauri Amrah ta dago kanta da tun dazu take son ganin su, a kan Sultan ta fara sauke idon ta yana kokarin kai abinci bakin sa, sai ya kware sosai ya shiga tari babu kakkautawa, da sauri Safwan ya balle ruwa ya bashi yasha still yana cigaba da tarin da sauri da sauri, fitowa umma tayi hannun ta dauke da plate da akayi rufe tayi saurin cewa

"Lafiya dai Sultan?"

"Kwarewa yayi umma." Safwan yace sounding kamar zai fashe da kuka 

Sannu tayi masa ta tashi Adnan ya mikawa me delivery order da akayi mata dazu sannan ta dauko musu damammiyar fura a fridge. Sultan dai ne sha ba, sai ma ya mike ya fice da dan sauri 

*_SMM OPANAGE_*

*_ZAFAFA BIYAR 2021_*🔥

_*SUKAR BAYA*_💚

_BILLYN ABDUL_

( _kwai cikin qaya_ )

( _raina kama_)

( _wutsiyar raqumi_ )

*_SIRADIN RAYUWA_*💛

_SAFIYYA HUGUMA_

( _alqawarin Allah_ )

( _daurin boye_ )

( _Dangantakar zuci_ )

💙

_*KIBIYAR AJALI..*_💜

_MISS XOXO_

(Sulke baya tsare ta sai ta wuce)

( _Igiyar zato_)

( _Kaimin halacci_ )

( _Naufal_ )

*_ABIN DAKE CIKIN ZICIYA_*🧡

_HAFSAT RANO_

( _ruhi daya_ )

( _Sauyin qaddara_ )

( _Daurin goro_ )

*_MIN QALB_*❤️

_MAMUHGEE_

( _buri daya_ )

( _tarayya_ )

( _eznah_ )

Duka BIYAR 5 zaku samesu akan garabasar naira 700 kacal,

Guda hudu 4 Kuma 500,

Guda uku 3 Kuma 450,

Guda biyu 2 Kuma 400,

Guda daya akan 300.

Ma'ana

Each one is 300

2 is 400

3 is 450

4 is 500

5 is 700

Zaku biya kudinku acikin wannan asusun namu na banki👇👇

ACCOUNT NO- *0812652655*

ACCOUNT NAME- *HAFSAT LAWAN GAMBO*

BANK NAME: *ACCESS BANK*

saiku turawa wannnan numban shedan biyanku(evidence of payment)👇👇

 0903 234 5899

IDAN KUMA KATIN WAYANE KO VTU/TRANSFER ZAKU TURA TA WANNAN NUMBER TAREDA SHEDARKU👇👇

09033181070

Karku Bari ayi Babu ku domin wannnan salon na daban ne

SABUWAR SHEKARA 

SABON SALO

TEAM#ZAFAFABIYAR🔥