AJALI COMPLETE

Page 1

.

BABI NA FARKO

.

"A gaskiya Nazifi sai dai ka yi haquri da

abinda zan fada maka ni dai shawarar da zan

ba ka ita ce, ka yi haquri ka manta da

al'amarin wannan yarinyar domin kuwa a

gaskiya ba abokiyar tafiya ba ce"

.

Nazifi ya dubi abokin hirar tashi cikin

mamaki da kaduwa, "Kamar yaya in yi haquri

Jamilu, ban gane abinda kake nufi ba."

Jamilu ya muskuta a kan dogon bencin da

suke zaune,

"Ka gane ko Nazifi, ba wai ina

nufin yarinyar ba ta da kyawawan halaye ba ne,

a'a tana da halaye nagari. To amma, ni dai

halayen babanta nake hango maka Nazifi.

Na san halin mutumin domin kuwa tunda ka yi

mini kwatancen yarinyar, na fara zulumin ka

yi zaben tumun dare."

.

Nazifi ya sake duban sa cikin rudani.

"Haba Jamilu wannan wace irin magana ce?

Yaya ma za a ce in ga yarinya jiya-jiyan nan,

sannan kuma in ji ina son ta a raina, har mu

gama tattaunawa mu yi alqawari ni da ita,

amma kuma ina fada maka ka ce da ni in

rabu da ita. Kai ma kanka ka san cewa

wannan magana taka Jamilu ba mai amsuwa

ba ce."

.

"Ba ina qoqarin raba ka da yarinyar ba ne

Nazifi. Abinda nake qoqarin nuna maka a nan

shi ne wannan yarinyar ba baquwa ba ce a

wurina. Na san gidansu domin kuwa mun

taba zama a unguwar. Hakan shi ya sa na

fahimci cewar ba za ka iya jurewa da halayen

mahaifinta ba."

.

Samarin biyu suka qurawa juna idanu. Nazifi

ya ce da shi, " To ai ni ban gane matsalar da

kake so ka nuna mini na rabuwa da ita din ba

ne, kuma ka qi ka sanar da ko wane ne

mahaifinta, domin kuwa ni gidansu kawai ta

kwatanta mini ba ta fada mini sunan

mahaifinta ba."

.

Jamilu ya dan saurara sannan ya ce da shi,

"Mahaifinta ba wai voyayye ba ne, sunansa

Alhaji Dage, wataqila ma dai ba za ka rasa jin

labarinsa ba."

"Ban san shi ba, Jamilu, to amma dai tunda

ka sanar da ni a halin yanzu, ina ganin kana

iya ba ni taqaitaccen bayani game da halayen

nasa don in fahimci irin matsalolinsa da kake

magana a kai."

.

Jamilu ya kai ganinsa dama da hagun harabar

qofar gidan, ya tabbatar babu wanda yake

sauraron hirar tasu, sannan ne to ya dawo da

hankalinsa kan Nazifi, wanda ya yi fakare

yana sauraronsa.

.

"Ka gafarce ni Nazifi, zan fada maka

halayensa gaba daya. A gaskiya Alhaji Dage

ba ya  baiwa talaka auren `ya`yansa, domin

kuwa ya aurar da `ya`yansa aqalla guda

biyar, amma kuma na ji an ce duk a cikin

wadannan `ya`yan nasa, babu wacce ta auri

talaka irinka Nazifi. Kuma a wata majiyar ma

an ce wai idan har ka auri 'yar gidan Alhaji

Dage, dole ne ka riqa samar masa da albashi

kowanne wata. Ka ga dai kai talaka ne Nazifi,

don Allah ka yi wa kanka qiyamul laili, kada

ka jawowa kanka abin tsiya kana zaune lafiya.

Kawai ka mance da zancenta, ka nemi wata

budurwar daidai qarfinka."

.

Nazifi ya yi shiru yana tunanin maganar, zuwa

can sai ya ce, "Amma fa al'amarin nan ya

daure min kai Jamilu, domin kuwa jiya a

wurin fatin nan kada ka so ka ga yadda

yarinyar nan ta manne mini, duk inda na

nufa tana liqe da ni kamar cingam. Kuma har

ma mun yi alqawari da ita cewar zan kai mata

ziyara a yau din nan."

.

Jamilu ya fashe da dariya.

"To daga haduwar fari kuma kawai sai ka

tsaya kana damun kanka Nazifi? Sai ka ce za

ta kai ka qara idan ka ce ka fasa yin soyayyar?

Ni dai ka ji shawarar da zan ba ka. Idan ka

dauka ta yi maka amfani. Idan kuma ka yi

kunnen uwar shegu da wannan shawara tawa,

to wannan kuma ya rage naka. Ni dai na fita

haqqinka a matsayina na abokinka, tunda dai

ka tambaye ni gaskiya na gaya maka."

.

Koda ya kammala sanar da shi sai ya juyar da

fuskarsa wani bangaren don ba shi damar yin

tunanin maganganun.

.

Nazifi ya yi tagumi

yana tunanin wadannan maganganu na

wannan aboki nasa Jamilu. Sannan ya sake

dawo da farkon haduwarsu da yarinyar a

daren jiya sanda ake fatin wani abokinsa.

.

Tana daya daga cikin manyan qawayen

amarya. Tana sanye da shudin gwaggwaro.

dan saurayin ya yafito ta tun daga nesa cikin

qwarewa da sabo da kiran kyawawan 'yan

mata a wurin fati na yau da kullum.

.

Kyakkyawar yarinyar ta taso daga cikin

qawayenta ta same shi, suka dan kebe,

sauran jama'a kowa nata harkarsa.

"Idan ba za ki damu ba 'yan mata, zan so ki

ba ni 'yan mintuna koda biyar ne haka,

domin kuwa ina da wata 'yar magana da ke."

.

Yarinyar ta yi masa fari, ga alamar wayayyiya

ce, ta ce "In ban da abinka malam, ka taba

ganin wanda zai damu da sauraron baqon

shi? Ba komai kai dai yi bayaninka ina

sauraron ka."

.

Nazifi ya yi mata murmushin farin ciki.

"Na yi farin ciki da kika nuna mini yarda

kuma na ji dadi sasai da sakin fuskar da kika

nuna mini."

.

Ya dan saurara sannan ya ci gaba da cewa da

ita.

"Ni dai sunana Nazifi kuma dan asalin garin

nan ne ni, domin kuwa iyayena ma a nan aka

haife su. A zahirin gaskiya ni ba wani mai

wadata ba ne, domin kuwa sana'ar kafinta

nake yi, a nan nake ci in sha, sannan kuma in

yin wasu 'yan buqatuna. Wannan shi ne dan

taqaitaccen tarihina da zan sanar da ke. Na

fada miki ne don ki san ko ni wane ne kafin ki

ba ni amsar tambayoyin da zan yi miki."

.

"Wacce tambaya ce Malam Nazifi?"

Ya yi mata murmushi, "Mhm! Tambayar ba

wata boyayyiya ba ce. Da ma so nake yi na ji

ko kina so na, sannan kuma za ki iya aure na?

Ni dai gaskiya ina masifar qaunar ki malama,

domin kuwa ba ki lura ba ne tunda aka fara

wannan fati ke nake ta kallo?"

.

Zan cigaba Abokai

AJALI

Marubuci

Shafi'u Dauda Giwa

Typing by Shuraih Usman

Post by Shuraih 99%

@shuraih 99%

Page 2

.

Ta yi dariya, "Na ji bayaninka Malam Nazifi

kuma ina yi maka albishir da cewar ka sami

karbuwa a zuciyata, domin kuwa ni kaina ina

matuqar sha'awar namiji irinka mai ban

dariya."

.

Suka tintsire da dariya a lokaci guda.

"Kada kuma ki ziga ni mana, in riqa fasa kaina

a wurin 'yan mata."

"Ba maganar ziga Nazifi, gaskiya nake fada."

Ya sunkuyar da kansa sannan ya ce da ita

yana murmushi.

.

"Ban san iyakar godiyar da zan yi miki ba

wallahi, ga shi kuma ban san sunanki ba."

Ta dan yi farin cikin kissa, sanna ta ce da shi.

.

"Kada ka damu Nazifi, kana iya kira na da

A'isha."

"Mhm! sunan naki akwai dadi wallahi, da ma

wata rana na tava mafarkin zan auri wata

kyakkyawar mace mai suna A'isha."

.

Suka sake yin dariya, ta ce da shi.

"Kai dai Malam ba ka rabo da abin dariya

wallahi."

Abu kamar wasa a cikin 'yan mintoci biyar din

da suka yi suka saba da juna sai ka ce sun

shekara biyar da fara soyayya.

Bayan ta yi masa kwatancen gidansu, shi ma

ya sanar da ita inda gidansu yake. Sai ya ce da

ita.

.

"Ina fatan dai daga wannan bikin ba mun

rabu kenan ba, A'isha?"

Ta sake duban shi ta ce.

"Ni dai a bangarena ba mu rabu ba, amma

idan kai ma haka abin yake a zuciyarka, me

zai hana kai ka fara kawo min ziyara don in

tabbatar da gaske kake yi."

.

Nazifi ya ce da ita.

"Yaushe to zan zo in same ki, A'isha?"

Ta jefe shi da wani sabon murmushin.

"Ko gobe ma kana iya zuwa Nazifi, kowanne

lokaci ina nan a gida ba inda nake zuwa."

"Ki saurare ni da yamma A'isha, in Allah ya

so za ki ganni."

.

Ta sake cewa da shi.

"Don Allah ka zo Nazifi, wallahi ka shiga

raina. Ba na gajiya da sauraron maganarka,

kamar kada mu rabu."

Suka yi dariya cikin farin ciki

.

Wannnan shi ne mafarin wannan al'amari.

Har aka tashi fatin ya koma gida, bai daina

tunanin 'yar budurwar ba. Duk ya qosa gari

ya waye don yamma ta yi ya je ya same ta.

.

To amma ko a cikin ranshi, dama ya yi

alqawarin kafin ya je wurinta sai ya shaida wa

abokin sana'arsa Jamilu. Domin kuwa har

suka bar wurin fatin a daren jiya bai sanar da

shi abinda ya wakana a tsakaninsa da yarinyar

ba

.

Tunanin Nazifi ya katse a yayin da ya ji

Jamilu ya girgiza kafadarshi. Ya dube shi cikin

tsananin kidimewa.

.

"Wanne irin tunani ne wannan Nazifi? Daga

na dan ba ka mintoci biyu ka yi nazari amma

ka share wajen mintoci goma?"

.

Nazifi ya yi ajiyar zuciya, sannan ya ce da shi.

"Wallahi tunaninta nake yi Jamilu."

"Tunanin wacce kuma?" Jamilu ya tambaye

shi.

"Maganar me muke yi da kai, Jamilu?

Tunanin masoyiyata A'isha mana, ko ka

mance ne"

.

Jamilu ya dube shi cikin rudani.

"Au Wai da ma duk shawarar da na ba ka, ba

ka dauka ba Nazifi? Ai ni na yi tsammanin ka

mance da al'amarin. Ni wallahi da na ga ka yi shiru na dauka tunanin wani abun kuma

kake."

.

Nazifi ya kawar da kansa cikin wani yanayi

mai kama da damuwa, sannan ya dubi abokinsa

Jamilu.

.

"A gaskiya ba zan boye maka ba Jamilu, ba na

jin zan iya rabuwa da A'isha, tunda dai tana

so na. Na san dai duk tsiyar baban nata ba dai

zai kashe ni ba don na ce ina son 'yarsa."

*************

Ya fito daga cikin dakinsa, a lokacin da ya ji

Burarin 'yarsa A'isha, riqe da jarida a

hannunsa, sanye da qaton farin tabarau a kan

ramammiyar fuskarsa. A daidai wannan

lokaci ne mafadaciyar matar ta ci wa

kyakkyawar yarinyar kwalar riga ta girgiza da

Karfi, sannan ta daka mata tsawa.

"Don ubanki wane ne saurayin da kika canza,

fada min?"

.

Yarinyar ta sake fashewa da kuka, ta dora

hannayenta bisa kanta.

"Lallai A'isha kin zama 'yar iska, ni zaki dubi

tsabar idanuna ki sanar da ni cewar wai ba

kya son Gali, kin samu wani sabon saurayin

To ki fada mini ko dan gidan uban wane ne a

garin nan ko in ci ubanki."

.

Ta sake cukuikuyarta ta kayar da ita a kan

lallausan kujerun da ke zagaye da tsararren

falon.

,

"Ya isa haka nan."

Tsamurarren mutumin ya fada a sanyaye.

Babu alamar damuwa ko farin ciki a fuskarsa.

To amma dai da ganin guru-gurun idanunsa

da ke cikin faskeken tabaran ka san cewar ba

a son ranshi matarsa take dukan 'yar tasa

Kwallin kwal da ya fi kauna a duniya ba, duk

da yake dai bai san laifin da yarinyar ta yi ba.

.

Matar tasa mai suna Juma ta dago kai ta dube

shi tana numfashi sama-sama kamar ranta

zai fita, kwata-kwata ba ma ta san lokacin da

Alhaji Dage ya shigo falon ba, sai dai kawai

maganarsa da ta ji.

"Laifin me ta yi miki kuma Juma, kike yi

mata irin wannan mahaukacin duka? Irin

wannan in tsautsayi ya ratsa ai sai ki karya ta

a banza."

.

Ta sakar mata wuyan riga, A'isha ta miqe tana

sharbar kuka. Ta nufi dakinta da gudu-gudu.

Alhaji Dage ya bi ta da kallo, duk da yake

idan yana sanye da farin tabaronsa ba kasafai

mutum zai iya karanto wani yanayi a fuskarsa

ba, to amma dai a wannan karon duk da

wannan uban tabaron da ya tsare harabar

kusan ramammiyar fuskarsa gaba dayanta,

hakan bai hana bayyanar da alamomin

damuwa ba a kan fuskar tasa.

.

"Wai laifin me ta yi miki ne, iye?"

Juma ta dube shi cikin tsananin damuwa.

"Ba ka ji magana da muke ba ne da ita a

lokacin da ka shigo?"

"Ba wannan na tambaye ki ba. Ko na ji ko ban

ji wannan ni ta shafa, ke dai ki fada mini

abinda na tambaye ki."

Mafadaciyar matar ta sake numfasawa, duk

fuskarta ta yi sharkaf da zufa sai ka ce ta ci

uban aiki.

.

"Wai Alhaji, wannan 'yar banzar yarinyar

saura kwana takwas kenan fa a daura aurensu

da Gali, shi ne don rashin albarka ta same ni

har daki ta shaida mini cewar wai ba ta son

shi, ta samu wano sabon saurayi wanda take

so."

.

Alhaji Dage ya cire qaton tabaron cikin

tsananin kaduwa da jin zancen matarsa Juma,

saura qiris jaridar ta sullube daga hannunsa

ta fadi qasa. Ya tambaye ta a tsorace.

"Ta canza wani saurayi fa kika ce...?

"Qwarai kuwa, idan kuma ka tababa sai in

kira maka ita ka tambaye ta ta fada maka kai

ma ka ji."

.

Ramammen mutumin ya ja doguwar ajiyar

zuciya. Abu na farko da ya fara darsuwa a

zuciyarsa shi ne, yanzu dai idan wannan 'ya

tasa ta bijire har maganar auren nan ta

lalace, a ina zai lalubo dubbban daruruwan

kudin da suka cinye wa wannan saurayi da zai

aure ta? wanda akalla ba akasara ba, in dai

lissafi za a yi dalla-dalla to sun ci wa saurayin

kudi ya kai miliyan guda, duk don kawai za su

aurar masa da 'yarsu daya, sai kace 'yar

zinare. Shi kuma da yake Allah ya jarrabe shi

da son ta, haka nan yake ta bayarwa, tunda

dai ya san in dai aka riga aka yi auren duk

masifa dai kuma ba za a ce ya riqa ba da

albashi duk wata ba.

.

"Amma fa wannan yarinyar tana neman

dama mana lissafi, domin kuwa idan zancen

auren nan ya lalace ban san yadda zan yi da

wannan yaro ba."

.

Ya yi ta sambatu shi kadai matar tana tsaye

tana kallon sa.

.

Abokai kuyi mani afuwa kwana biyu ina skul shi yasa kuka jini shiru

Shuraih usman

AJALI

Na Shafi'u Dauda Giwa

Typing by Shuraih Usman

Post by shuraih 99%

@shuraih 99%

Page 3

.

 Duk da yake da ita ma irinsa

ce, ba wai auki gare ta ba, to amma dai ta fi

shi cika fuska, domin kuwa duk da tambarin

da sunanshi ya yi a gari, wajen masifa da

rashin hakuri, to idan ya dawo cikin gidansa

kuma sai ya yi lagwaf kamar tsumma.

.

Domin kuwa matarsa Juma ta fi shi masifa nesa ba kusa ba. Kuma ko tsiyar tasu ta taso shi da

ita, ba ya wani cin riba, don kuwa ta fi shi

baki. Shi ya sa yake lallaba ta tunda dai ya san

cewar jiya ba yau ba ce.

.

Da ace sanda yake da dukiya ne, kafin ya samu karayar arziki, ai itama ta san cewar ba abokiyar takawarsa ba ce.

To amma tunda ta ga cewar dan abinda yake

takamar ya kare, sai dai 'yan dabaru a gari,

ita ma ta daina raga masa a cikin gida

.

"To wai a ina ma ta samu wani saurayin,

kuma ma dan gidan wane ne a garin nan?"

Alhaji Dage ya tambaye ta cikin karaya.

.

Juma ta turo baki a fusace ta ce da shi.

"Ni fa ba ta fada mini ko wane ne ba. ta dai

ce da ni ba za ta auri Gali ba. Kuma ni ina

tsammanin duk yadda aka yi a wajen wannan

tsinannen fatin bikin kawarta da ta je jiya, ta

hadu da saurayin domin kuwa ba ta dawo nan

gidan ba sai da talatanin dare."

.

Alhaji Dage ya warware jaridar ya soma

fifita, domin kuwa a halin yanzu shi ma zufa-

zufa yake ji.

.

"To in ban da abinki Juma me ya sa kike

barin yarinyar nan tana zuwa wani fati? Kin

san fa yanzu zamani ya canza. A wurin

wannan fate-faten na alatsine, a nan 'yan

mata suke lalacewa, su kangare a yi ta fama

da su, ko kuma ma su je su kunsowa mutane

abin kunya."

.

"To yanzu dai aikin gama ya gama." Juma ta

ce da shi. "In dai kangarewar ne ita dai A'isha

ta riga ta yi tunda har ta dube ni ido da ido ta

ce a canza mijin aure, don haka yanzu ya

rage namu mu nemi mafita, amma wannan

cacar bakin da muke yi ba za ta fisshe mu

ba."

.

Alhaji Dage ya sake jan doguwar zuciya,

sannan ya ce da matar tasa.

"Eh to ke ma a nan kin kawo shawara mai kyau

Juma, domin kuwa ko da a ce al'amura sun

lalace ita yarinyar ba ruwanta, mu za a tsare

don haka lallai dabara ta rage tamu."

.

Ya sake numfasawa, zuwa can ya tattara

hankalinsa wuri guda, ya ce da matar tasa a

sanyaye.

"Ina ganin abinda za mu yi shi ne mu zuba

idanu mu ga sabon saurayin nan, babu

mamaki yana da maiko-maiko. Idan zai iya

ba mu naira miliyan guda mu biya Gali

kudadensa da ya kashe, ina jin ai ba wata

matsala ba ce, miliyan guda kawai zai ba mu

sai a sallami Gali a daura auren da shi."

**********

.

Ta sami kimanin awa daya cur a kwance a

dakinta, tana ta faman sharbar kuka ita kadai.

Tunda take a duniya ba ta taba samun kanta a

cikin matsanancin halin damuwa irin wannan

ba.

.

(Shuraih 99% daga hausaebooks.cf)

A'isha ta tsayar da kukan, ta mike ta

zauna a kan gadonta, ta kurawa bangon dakin

idanu, ko kiftawa ba ta yi. To amma a zahiri

ba bangon dakin take nazari ba, hankalinta da

kuma wani tunaninta kai gaba dayan zuciyarta

ma ba ta kan komai sai a kan wannan dan

saurayin da suka hadu a wurin fatin kawarta a

daren jiya

.

 Tun rabuwarsu bayan ta dawo gida, ta yanke shawarar ko dafa ta za a yi a tukunya ba za ta taba yarda a yi wannan aure nata da wannan saurayi mai suna Gali ba.

.

Domin kuwa har ga Allah matsa mata ake yi, amma ba ta kaunar sa ko miskala zarratin, to

amma a yanzu tunda dai har Allah ya hada ta

da Nazifi, to ta kwana gidan sauki.

.

A'isha ta dade da sanin wannan al'ada ta

mahaifinta, domin kuwa ba akana ta ya fara yiwa

`ya`yansa auren dole da, attajirai masu

hannu da shuni ba. Duk yayyenta da aka aurar

su kimanin biyar duk auran dole akayi musu,

to amma ita lallai akwai alamar daga kanta

za`ayita ta kare,

.

domin kuwa komai tsiya baza ta bada goyon baya ba, duk da yake kuwa ta san mahaifinta ya ciwa saurayin makudan kudi, duk kuwa da cewa saurayin

nata Gali soja ne, da shi aka je kasar Saliyo.

.

Ita kanta wannan dukiyar da yake facaka ita, a

dalilin wannan yaki ya same ta, domin kuwa

an ce gwamnati ta basu miliyoyin kudi,

wadansu kuma suna cewa daga can kasar ya

samo wannan dukiya. To amma dai koma

mene ne  sanin kowa ne cewar saurayin ya

samu kudi,

,

 wadanda kuma ba su yi masa amfani wajen mallakar masa zuciyar `yar budurwa A`isha ba, domin kuwa ko da wurinta ya zo sai dai ya kari surutunsa shi kadai, amma ba za ta ce masa ci kanka ba

.

To amma kuma duk da wannan durama da suke

yi wai a zahiri saura kwanaki kalilan a daura

musu aurensu. A`isha ta share hawayen da ke gangarowa

daga cikin idanunta, sannan ta yunkura

gwuiwoyinta babu karfi

.

Ta sauka daga kan gadon, domin kuwa ta san cewar  a kowane

lokaci bayan yanzu, Nazifi zai iya zuwa ya

same ta a cikin wannan hali. Don haka gara ta

gaggauta ta kimtsa kafin ya zo. Nan da nan ta

nufi bandaki,

.

ta yi wanka ta fito fes kamar babu wani abu da yake damun ta. Ta fiddo kayan kwalliyarta ta soma caba ado. Har kawo wannan lokaci zuciyarta ba ta daina tunanin masoyinta Nazifi ba.

.

Ta yi tunanin cewar duk don saboda ta ce tana kaunarsa aka lallasa

mata shegen duka, ta yi wa kanta murmushi

sannan ta ce a bayyane. "Ka da ki damu A`isha ba ki fadi kasa ba, in

dai don soyayya za a yi miki wannan uban

duka na kawo wuka. Ba ki fadi a banza ba

A'isha, 'yar autar mata, soyayya ai ta fi gaban

wasa."

.

Ta kammala shiryawa, ta dubi madubi, ta gamsu da abinda ta gani. Ta yi wa kanta murmushi domin kuwa ta san cewar wannan kwalliyar za ta biya kudin sabulu, tunda dai masoyinta na gaskiya ne zai ga kwalliyar.

.

Dadai a ce wannan wahalallen ne zai zo, to ba za

ta tsaya bata lokacin inganta wata kwalliya ba. Domin kuwa ita da a ce ma akwai abinda za

ta shafa, ko ta sanya a jiki, ya gani ya daina

kaunar ta, to da tuni ma ta aikata sun rabu, don ta hutawa rayuwarta da wannan naci nasa.

.

Haryanzu dai kuna tare da Shuraih 99% cikin littafin AJALI na shafi'u dauda giwa

Muje zuwa

AJALI

Na Shafi'u Dauda Giwa

Typing by Shuraih Usman

Post by shuraih 99%

@shuraih 99%

Page 4

.

Tunda take ba ta taba ganin mutum da

shegen nacin tsiya irin wannan saurayi da aka

sa ranar bikinta da shi ba

.

 Babu irin cin mutuncin da ba ta yi masa ba, amma kullum yana nan like da ita don tsabar masifar naci.

.

Don ma ta yi sa'a ne a halin yanzu ba ya nan,ya yi tafiya kafin ranar daurin aure ta zo Amma ba don haka ba da tuni har ya zo ya dame ta da surutun tsiya.

.

Tunanin A'isha ya yanke a yayin data ji sallamar wani karamin yaro, ta amsa sallamar yayin da yaron ya turo kofar dakin ya shigo

.

"Wani mutum ne ya ce in kira masa ke, yana can waje."

A'isha ta ji gabanta ya fadi, ta ce da yaron.

"Bai fada maka sunansa ba?"

Yaron ya dan yi jim, sannan ya ce da ita.

"Ya fada min, ya ce in fada maki Nazifi ne ke

son ganin ki."

A'isha ta rike numfashinta, ta yi murmushi

sannan ta ce da yaron. "Don Allah ka je ka ce

da shi ga ni nan zuwa yanzun nan."

"To." Yaron ya fada cikin ladabi, ya fita. Ficewarsa ke da wuya ta bazama zuwa inda kayan sawanta suke, ta zabo wani uban leshi mai ruwan hoda, ta fara hanzarin sanyawa.

.

 Duk Allah-Allah take yi ta je ta same shi, domin kuwa da tunaninsa ta kwana a zuciyarta

.

 To sai dai kuma abinda 'yar budurwar ba ta sani ba shi ne ba ita kadai ce ke murna da zuwan saurayin ba, bayan ita hatta mahaifinta ma shi ma yana matukar murna da ganin saurayin, domin kuwa ya yi bakam a daki,

.

duk ya kosa su yi magana da sabon saurayin ya shaida masa kaulinsa na zunzurutun kudi naira miliyan daya, idan yana son a aurar masa da kyakkyawar A'isha.

.

BABI NA BIYU

Ta fito daga cikin gida fuskarta wasai, sai

sheki take yi, tana murmushin farin ciki. Kai

da gani ka san cewar a boye, a bayan wannan

kyakkyawar fuskar tata, akwai wani

muhimmin albishir, wanda ga dukkan alamu

kuma idan har ta furta shi daga bakinta,

.

To dole ne ma ya dadada wa wanda take shaidawa, tabbas zai dadada zuciyarsa. A'isha

ta tsaya wuri guda, tana waige-waigen inda ya

tsaya a cikin harabar gidan, wadda ke cike da

shuke-shuke na alfarma da kuma tsirarun

dawisu dake zirga-zirga nan da can

$

jikinsu sai kyalkyali yake yi, a cikin dan abinda ya yi saura na hasken ranar da ke kokarin isa ga mafadarta.

Duk da karayar arzikin da mahaifinta ya yi,

da ganin dankareren gidansa, ka san cewar a

wani zamani da ya wuce an yi tabara da naira.

.

Ba kasafai za ka samu wani mahaluki a harabar gidan ba, kullum wurin yana nan tsit kamar makabarta. Wani lokacin kuma idan Alhaji Dage ya bushi iska, yakan fito da

kujera wajen harabar ya zauna ya yi ta

karanta jarida. Mafi yawan lokuta samarin

unguwar suna bakin ciki da wannan al'ada

tasa, ta zama a waje, domin yana matukar

takura masu wajen ganawa da 'yar

kyakkyawar yarinya A'isha.

.

Bayan A'isha ta gama waigen kowanne

bangare na harabar, sai ta hango Nazifi a can

rakabe a jikin wata bishiyar dorawar turawa

da ke kusa da babbar kofar shigowa cikin

gidan. Yana tsaye a jikin bishiyar, ya jingine

akwalar kekensa a gefe guda. Hannayensa a

harde a kan kirjinsa, ya sako wani farin yadi

boyel, wanda ya dan fara zazzagawa

.

A'isha ta isa gare shi tana murmushi. Tun daga nesa da ya hango ta shi ma yake murmushi, har ta

kawo inda yake.

"Wallahi har na cire tsammanin zuwanka,

Nazifi."

.

Soyayya da dadi jama'a

Saide daga karshe.......

Its shuraih 99%

AJALI

Na Shafi'u Dauda Giwa

Typing by Shuraih Usman

Post by shuraih 99%

@shuraih 99%

Page 5

.

"Wallahi har na cire tsammanin zuwanka,

Nazifi."

Ya ci gaba da murmushi, ya ce da ita.

"Haba A'isha, ai ke ma kin san cewar tunda

dai har na daukar maki alkawarin cewar zan

zo, ai ba zan karya ba."

.

Suka sake yi wa juna wadansu sabbin

murmushi.

"Gaskiya na ji dadi wallahi Nazifi, ka san

yadda soyayyar ta koma yanzu. Wani lokacin

sai ka ga an kulla alkawura sama da dari,

amma da wahala ka ga an cika ko da goma ne

a cikin darin. Kai dai ka san cewar da a ce

yadda ake kulla alkawarin soyayya a duniyar

nan, haka ake cikawa, to da yanzu babu

sauran wani mutum wanda ba shi da

masoyinsa."

.

Nazifi ya yi dariya.

"Duk da haka dai A'isha, ai dole ne a samu

nagari, kin san ba zai yiwu a ce duk an zama

daya ba, duk da lalacewar da soyayya ta yi za

a samu mutane nagari da ke cika

alkawarinsu."

"To za ki fara ke ma ko...?"

Ta yi dariya.

"Ba haka ba ne, wannan ai gaskiya ce Nazifi,

domin kuwa ba wani zolaya don ka fadi

halayen masoyinka nagari."

.

Suka sake tuntsirewa da dariya a lokaci guda.

Nazifi ya fara cewa bayan sun gama dariyar.

"A'isha akwai abun da  ke tattare da zuciyata, wanda

duk na kosa da ma in zo in amayar maki da

shi. Wallahi A'isha jiya ban yi wani barcin

kirki ba, domin kuwa ina komawa gida,

tunaninki ya dabaibaye mini zuciya, sannan

kuma ko da na samu damar yin barcin,

mafarkinki ne ya buwayi kyakkyawan barcin

nawa. Don haka nake so idan ba za ki damu

ba, ina son mu yi maganar aure in dai har da

gaske ne kina so na."

.

A'isha ta yi ajiyar zuciya sannan ta ce da

Nazifi, "Na ji duk bayaninka Nazifi kuma na

matukar farin ciki, to amma ina son ka yarda

har zuciyarka. Nazifi wallahi ni ma duk

duniyar nan babu wanda nake so sai kai. To

amma da akwai wata 'yar matsala guda daya

da ke tattare da ni. Ina son idan na fada maka

kada ka karaya, domin kuwa wannan matsala

ba za ta hana mu gudanar da soyayyarmu ba.

Ta dan saurara sannan ta ce da shi.

.

"Nazifi saura kwana takwas kenan a daura aurena."

Saurayin ya rike numfashinsa cikin kaduwa,

sannan ya dafe kirjinsa, "Aurenki!! A'isha...ban fahimce ki ba."

.

Ta girgiza kanta "kwarai kuwa aurena Nazifi.

To amma ina son ka sha kuruminka, domin

kuwa ni da ma ba na son saurayin da za a

daura mana aure da shi, kawai mahaifina ne

ya takura min a kan al'amarin. To amma a

halin yanzu, tunda har Allah ya hada

soyayyarmu da kai, wannan zancen aure babu

shi, ya lalace, in Allah ya so kai ne mijina

Nazifi."

.

Nazifi ya yi ajiyar zuciya sannan ya ce da ita.

"To amma kuma iyayenki kuma fa A'isha,

kina jin za su amince?"

"Sun riga sun san komai Nazifi, domin kuwa

na fadawa mahaifiyata gaskiyar abinda ke

zuciyata, to amma ban samu goyon baya ba.

Domin kuwa a dalilin na ce ina kaunar ka

Nazifi sai da ta lakada min dukan tsaiya, da

kyar mahaifina ya yi mata magana ta rabu da

ni."

.

Suka kurawa juna idanu cikin jimami. Nazifi

ya ce "To amma kuma A'isha kina jin

al'amarin nan zai yiwu? Tun yanzun fa kenan

har kin fara fuskantar matsaloli, to ina kuma

a ce tafiya ta yi nisa a tsakanina da ke?"

"Me zai hana al'amarin yiwuwa Nazifi?" A'isha

ta ce da shi.

.

"Ni dai na daukar maka alkawari, duk rigimar

da za a yi ba zan amince a daura mini aure da

wannan wahalallen ba, don haka na riga na

gama tunanin komai a halin yanzu, kai kawai

nake jira, don in ji ta bakinka. In kana jin za

ka iya jurewa, kamar yadda ni ma zan jure,

komai wahala mu rike juna."

.

Nazifi ya sake yin doguwar ajiyar zuciya,

sannna ya ce da ita, "Kada ki damu A'isha, na

daukar maki alkawari, komai wahala ni ma

ina nan tare da ke, sai dai mutuwa za raba

mu."

.

A daidai wannan lokacin ne da suke ta

wannan doguwar hirar tasu ta masoya, kamar

an jeho shi, sai Alhaji Dage ya fito daga cikin

gida. Tun dazu yake zaman jira, yana

tsammanin jin sautin dankareriyar mota ta yi

fakin a kofar gidan, domin kuwa shi har

yanzu tsammani yake yi, sabon saurayin da

A'isha ta ce ta sake, wani hamshakin attajiri

ne wanda ya rude ta da zunzurutun kudi.

Fitowarsa ke da wuya, ya kai ganinsa inda

A'isha ke tsaye tare da saurayin a gindin

bishiyar. Alhaji Dage ya yi raunanannen

murmushi da ya hango wanda ke tare da ita,

domin kuwa ya dauka cewar masinjan

masoyin 'yar tasa ne, ya zo fadawa 'yarsa

A'isha cewar Alhajin ba zai samu zuwa ba.

.

Alhaji Dage ya nufi inda suke a tsaye. Ya

hango tsohuwar akwalar keken saurayin a

jingine da bishiyar, kamar dokin kara, nan da

nan sai ya ji tausayin saurayin ya kama shi,

domin kuwa yana matukar takaicin yadda

attajirai da manyan ma'aikata ba sa kulawa

da masinjojinsu, haka dai ya iske su suna

cikin hirar

.

Nazifi ya rage tsawo ya gaishe da

Alhaji Dage. Ya amsa cikin fara'a-fara'a akaici-takaici, kana ya ce da saurayin.

"Allah sarki! Kai ya turo kenan, bai samu

zuwa ba. In ka je ka ce da shi na yi zaman

jiransa, domin ina son mu yi wata 'yar

ganawa da shi a kan lamarin 'yata A'isha da ya

ce yana so"

.

dan saurayin da 'yar budurwar suka kalli juna

cikin tsananin mamaki. Ba su san me siririn

mutumin yake nufi ba, to amma shi bai

damu ba, sai ma ya ci gaba da zancensa kai-

tsaye.

"Idan ka gama fada mata sakon da ya aiko ka,

don Allah ka yi saurin janye akwalar keken ka

tafi malam, domin ina jin tsoron kada ka

tsorata mini agwagi da dawisu da wannan

tsohon keken mai shegen rakin tsiya."

A'isha ta dubi mahaifinta cikin damuwa, ta ce

da shi cike da kaduwa.

.

"Baba shi ne, ba aiko shi aka yi ba."

"Ban fahimta ba, shi ne wa?" Ya zazzaro

kwala-kwalan idanunsa da ke boye a cikin

kwafcecen-tabaron.

.

A'isha ta ce da shi cikin ladabi.

"Baba shi ne ai saurayin da nake so dama, shi

ne masoyin nawa." Tuni jikinta ya soma

kyarmar kaduwa.

.

Alhaji Dage ya kai hannu cikin razana, ya

ciccibo katon tabaronsa kaya guda, ya rike a

hannusa, ya kalli saurayin sama da kasa

sannan ya ce a sanyaye.

.

"Lallai A'isha tubarkalla na ga saurayin, ya

sunanka malam?" Nazifi ya sunkuyar da kansa

kasa, domin kuwa ya tabbatar akwai matsala

babba da ke shirin faruwa. To amma dai duk

da haka, sai ya kokarta ya bude baki ya baiwa

mutumin amsa.

"Sunana Nazifi" Alhaji Dage ya dubi A'isha ya

daka mata tsawa.

"Shige cikin gida kafin in zo in same ki `yar

banzar yarinya kawai"

.

A'isha ta juya cikin tsananin karaya, ta nufi

cikin gidan. lokaci-lokaci ta kan waigo don

ganin abin da zai wakana ga masoyinta. Nan

da nan ta soma addu'ar Allah ya sa dai kada

mafadacin baban nata ya buge shi, domin

kuwa ta san shi wajen saurin hannu.

.

Wannan na daga cikin abin da ya sa shi yin kaurin

suna a unguwar, domin kuwa ya sha marin

samarin da ke zuwa wurin `ya`yansa,

musamman ma idan a kasa mutum ya zo ba

a mota ba

.

Shigewar A'isha ke da wuya, sai ya tattara

hankalinsa gaba daya ya ce da dan saurayi

Nazifi.

"Ina son in yi maka gargadi na farko, kuma na

karshe, wannan yarinya `yata ce, ni na haife

ta, kuma saura kwana takwas kenan a daura

aurenta, ka rufawa kanka asiri ka fita daga

cikin harkokinta, domin kuwa A'isha a halin

yanzu ko kai aka sayar ba za ka biya abinda za

kai aurenta ba. Domin kuwa na san dai ba za

ka kai naira miliyan guda ba, don haka kar ka

jawo wa kanka bala'i dan saurayi."

.

Nazifi ya girgiza kai cikin gamsuwa bayan da

ya ji mafadacin mutumin ya kai aya. Ya jawo

akwalar kekensa cikin hanzari domin kuwa in

ma tsautsayi ya ratsa ya ga alamar cewar jiki

zai yi tsami, to ba zai bar akwalar keken a

wurin ba, wacce ita kadai ya mallaka a duniya

.

Malam Nazifi abun tausayi

Talakan masoyi ya hadu da ma kwadaicin siriki

Its shuraih 99%AJALI

Na Shafi'u Dauda Giwa

Typing by Shuraih Usman

Post by shuraih 99%

@shuraih 99%

Page 6

.

Nazifi ya girgiza kai cikin gamsuwa bayan da

ya ji mafadacin mutumin ya kai aya. Ya jawo

akwalar kekensa cikin hanzari domin kuwa in

ma tsautsayi ya ratsa ya ga alamar cewar jiki

zai yi tsami, to ba zai bar akwalar keken a

wurin ba, wacce ita kadai ya mallaka, a duniya.

.

Alhaji Dage ya sake cewa da shi a fusace,kafin ya tafi.

"Ka rike a zuciyarka dan saurayi ba na magana biyu, haduwar mu da kai ta biyu babu dadin gani. Idan na sake ganin ko da inuwarka a nan gidan,kai ko sawunka na gani wallahi sai na aika polisteshan, an kulle min kai, shege beran masallaci."

________________________________

Wata dankareriyar mota mai tudun baya, ta garzayo a guje kamar kibiya, tana sheki a cikin hasken kwaleliyar ranar wacce ke ta faman gasa naman bil'adam. Jama'ar da ke zazzaune a bakin titin, suka bi motar da kallo, domin kuwa lokaci-lokaci sukan ga motar  ta shigo cikin unguwar tasu, to amma kuma har yanzu babu wanda ya san takamaiman abin da ke kawo motar a kai- akai ba

.

Kamar kullum sai motar ta rage gudu sannan ta fara sigina, cikin abin da bai fi dakika biyar ba,har ta tsallako titi.

.

Saurayin da ke tuka motar ya daga musu hannu, wannan al'adarsa ce koda yaushe, da ma ya kan dago musu hannu in ya same su a zazzaune. Yawanci idan haka ta faru, su mutanen ba sa wani kula shi, ko a yanzun ma da ya dago hannu da kyar aka sami mutane uku da suka kula da shi, su ma kuma ba hannu suka daga masa ba, kai kawai suka gyada masa kamar kadangaru.

.

Me yiwuwa idan aka tona zuciyar mutanen unguwar watakila suna da gaskiya, domin kuwa tun ganin farko da suka yi wa saurayin ya shigo unguwarsu, duk da yake a cikin mota yake, ta gilashi suke hango shi, a matsayin suna kwararrun zauna gari-banza, sannan kuma masana akan ilimin sa-ido, sun fahimci cewar wannan saurayi duk inda ya fito ba mutumin kirki ba ne

.

Akwai wani mutum da ya taba cewa ma da ganin saurayin ya san cewar dan fashi da  makami ne, shi yasa da zarar ya shigo unguwar suke hade masa fuska, kamar sun ga mutuwa.

.

Saurayin bai taba kula ta tasu ba, don kuwa ya

san cewar wata rana ma ba za su sake ganinsa ba, neman aure ya jawo mishi shigowa wannan unguwar mai cike `yan sa-ido, dazarar an yi aure kuma ta kare

.

Saurayin ya yi murmushi da ya tuno cewa nan da kwanaki hudu za a daura auren sa da A'isha rabin

ransa, Aisharsa da ya mace a kan kauna tsawon lokaci.

.

Ko da ya tsallaka titi sai ya shiga layin gidan

su masoyiyarsa A'isha wacce yake ta faman

ambatar sunanta sai kace mai bitar darasi. Ya

ci gaba da murmushinsa sannan ya daki

sintiyarin motar cikin farin ciki,

.

hakika komai yana da iyaka, ya ce a zuciyarsa. Ya dauki dogon lokaci yana nunawa A'isha soyayya, amma ta ki ta gane kullum sai dai kawai shi yake kidansa sannan kuma yake rawarsa,

amma ita ba ma ta tasa ta ke ba. To amma

dai yanzu ai wulakanci ya kare tunda dai ta

kusa zama matarsa, ko da a ce ba ta

kaunarsa, ai ya zame mata dole ne ta zauna

da shi tunda dai ya saye iyayenta.

.

Saurayin ya ci gaba da murmushinsa na

samun nasara, ya ce a zuciyarsa, "Hakika kudi

suna da matukar amfani a rayuwa," domin ya

san cewar da bai mallake su ba to da shi da

A'isha kyakkyawa sai dai hange daga nesa. Da

yawa daga cikin abokansa sun sha damun  shi

da surutai a kan wannan soyayya da ya ke yi

wa A'isha domin kuwa ta sha ta kwabsa shi ko

a gaban wanene ko da kuwa yana tare da

abokansa ne

.

Akwai wani lokaci da wani abokinsa ya ce da shi.

"Don Allah Gali ka rabu da yarinyar nan tun

da dai ba ta  kaunar ka, wai kai ina ma ka

taba jin inda aka yi soyayyar dole ne? Ya

kamata ka canza sheka haka nan, domin kuwa

akwai `yan mata kyawawa a garin nan, ba

A'isha ba ce kadai kyakkyawa"

Gali ya yi murmushin ya ce da shi

.

"Abokina kada ka ga laifina don na likewa

yarinyar nan, wani lokaci ni kaina nakan yi

kokarin ganin cewar na cire son ta a zuciyata,

don in huta wa rayuwata domin kuwa A'isha ta

zame mini kamar maruru ko sartse a cikin

zuciya, ba na minti daya a duniya ban yi

tunaninta ba sannna kuma ba na iya daina

son ta a zuciya ta."

.

Tun daga wannan rana mafi yawa daga cikin

abokan Gali suka shafa masa lafiya, wadansu

kuma suka ma bata da shi domin kuwa su a

ganinsu ya ba da sojoji, ba haka aka san

zuciyar soja ba. To amma kuma abin da ba su

sani ba game da lamarin soyayya shi ne, ta

kansa mutum ya makance ya dukufa akan

son wani abu, wanda sauran jama'a ko da

kudi aka hada su ba za su so wannan abu ba,

.

domin kuwa idan ba haka ba, babu abinda zai

sa babban ba'askare a cikin sojoji, wanda ya

shiga har kasashen turai, amma ya dishe da

kaunar wata yarinya `yar cikin gida ba kirar

waje ba, har kuma ta zo tana wulakanta shi,

lallai abin dai kam akwai takaici.

.

Gali ya yi ajiyar zuciya da ya tuno walhalun

da ya sha a baya na kaunar wannan yarinya

A'isha, ya ce a bayyane cikin rada-rada.

"Kin ba ni wahala A'isha amma ba komai na

kusa ramawa"

A daidai wannan lokaci ne ya karaso kofar

gidan, ya yi fakin din dunkulalliyar motarsa

mai tudun baya, ya fito yana sanye da

dogayen kayan shudiyar shadda, dinkin ta-

zarce, dogo ne kakkaura baki, yadda yake

haka zuciyarsa take bakikkirin domin kuwa

da ran mutum da na kiyashi duk daya suke a

wurinsa.

.

Shekarunsa za su kai talatin da biyar koma fiye a duniya. Ya shiga zagayen gidan

kai tsaye, ya tsaya a cikin harabar inda shuke-

shuken alfarmar suke. Bai dade ba a wurin

wata karamar yarinya ta shigo cikin gidan, ya

tsayar da ita, ya ce da ita.

.

"Kice wa Ai'isha Gali yana jiran ta a waje"

Ba a jima ba yarinyar ta fito ta ce da shi.

"Ta ce tana zuwa"

Ya zaro wazobiya sabuwa fil ya mikawa

yarinyar. Ta amsa cikin doki ta fice a guje.

.

Gali ya yi ajiyar zuciya ya fara nazarin

harabar gidan. dawisu da agwagin ruwa da

suka fi komai ba shi sha'awa suna ta yawace-

yawace, da kuma koke-koke abinsu. Ya yi

mamakin yadda mahaifin A'isha rabin ransa

ke matukar kulawa da wadannan halittu. Ba a

jima ba A'isha ta fito. Tun daga nesa ta

murtuke fuskarta da ta hango Gali tsaye

kamar gunki

.

 Ta ce a ranta "Wannan

wahalallen banzan kuma yaushe ya dawo?" Ta

karaso wurin da yake ta tsaya, ko sallama ba

ta yi masa ba, ballantana kuma ta dube shi,

to amma shi da yake ya saba da wannan

dabi'a tata, bai damu ba sai kawai ya fara

aikinsa na surutu.

.

"Ai'sha ya kamata yau dai rana daya ki saki

fuskarki a gareni, domin kuwa ni da ke mun

zama daya, kin ga fa yau saura kwanaki hudu

kenan a daura mana aure

.

Bai kamata a ce mu yi aure kuma ya kasance ba wata kwakkwarar jituwa a tsakaninmu ba. A'isha

ya kamata ki hakura haka nan, bakin alkalami

ya riga ya bushe."

.

Ta juyo cikin izgili ta dube shi a yatsine ta ce

da shi.

"Kai da wacce kuma za a daura muku aure?"

Gali ya dube ta cikin kaduwa.

.

Ku jira part 7

_________

Yan mata kudaina wulakanta samari

Domin kuwa zai iya yiwuwa su zaku Aura

Izan ya kasance Saurayin da ki ka wulakanta wajen neman aurenki ya zama mijinki sannan ki ka kamu da ciwon sonsa a yayin da shi kuma ya fara Rama wulakancin da ki ka masa

.

Mutane masu tsananin fushi, masu rike abu a zuciya, basa taba manta wulakanci

.

Wani mawaki yace = in aka furta so gareka sai kai na'am a zuciya karka zagi Kauna,

= Masoyi yana da rana

= Masoyi yana da Rana

.

Sai mun hadu gobe

Its shuraih 99%

AJALI

Na Shafi'u Dauda Giwa

Typing by Shuraih Usman

Post by shuraih 99%

@shuraih 99%

Page 7

.

"Kai da wacce kuma za a daura muku aure?"

Gali ya dube ta cikin kaduwa.

.

"A'ah! ni da ke mana A'isha, ko ba ki gane ni ba ne? Ni ne Gali masoyinki."

.

A'isha ta yi murmushi, amma ko da ganin

murmushin ka san cewar a boye a bayan sa

akwai abubuwa marasa dadin ji bila'adadin.

.

"Wani lokacin ka kan ba ni mamaki Gal wai

kai don Allah wanne irin mutum ne a duniyar

nan? Ba tun yau ba na nuna maka a zahiri, na

furta maka baki da baki ba na sonka, ba zan

taba sonka ba kuma, to amma kai ka like

mini. Yanzu kai saboda Allah har sha'awa

kake yi ka auri matar da ba ta kaunarka a

duniya?"

.

Saurayin ya yi ajiyar zuciya ya ce da ita cikin

damuwa "A'isha kin dade kina wulakanta ni a

lokacin da ni kuma nake ganiyar nuna miki

tsantsar soyayya tagari. To amma kuma ke

mene ne dalilin da za ki ce ba kya kauna ta?

.

Dole ne ma ki so ni A'isha, don kuwa babu

dalilin da zaki ki so na. Me kike bukata ki

mallaka a duniya wanda ba ni da shi? Ke

kanki kin san cewar ina da abinda za ki so ni a

duniya.."

.

Aisha ta tsayar da shi ta hanyar jifan shi da

wani busashshen murmushi "Lallai ba ka da

hankali Gali kuma ba ka san soyayya ba,

tunda har ka iya bude baki ka ce wai kana da

abin da zan so ka da shi dole

.

Na san cewar ba wani abu kake takama da shi ba face dukiyarka, to bari in fada  maka ni ba

dukiyarka ba ce a gaba na? Kai a haukanka shi

kenan don kana da kudi dole ne mace ta

soka wannan ba gaskiya ba ne ka sake

tunani, domin kuwa kai ka mallaki kudi

amma kuma ni ba na sonka. Ka ga kenan

ashe ko wannan ma ya ishe ka darasi, don ka

fahimci cewar kudi ba sa iya sayen soyayya."

.

Gali ya dubi `yar budurwar cikin harzuka,

tunda suke ba ta taba kule shi irin wannan

karon ba. Ya ce da ita a fusace "To ya isa

hakan nan mu bar wannan zancen, yanzu

mene ne shirye-shiryenki game da auren

mu? Na san dai ba za ki rasa bukatar wani

abu ba."

.

Tace da shi "Ina bukatar abubuwa da dama

amma kuma ba wurinka ba. Ina da bukatar

ne   a wajen mijina da zan aura, ko ba ka san

cewar wani zan aura ba ne Gali?"

.

Ya dube ta a tsorace "Wai me kike nufi ne?

A'isha ni fa ban gane ba, duk kin ruda ni

wallahi."

.

Ta ci gaba da murmushinta sannan ta ce da

shi.

"Abin da nake nufi shi ne saura kwanaki hudu

a daura aurena da wani saurayi da nake

kauna a zuciyata, amma ba kai ba."

.

Gali ya ce da ita cikin rudani.

"To ai ni ma saura kwanaki hudu kenan

mahaifinki ya daura aurenki da ni, kuma har

ma na fara raba katin gaiyata, A'isha."

.

"Wannan matsalarka ce Gali, ni dai

kasancewar ban taba cewa in kaunarka ba

kuma ban taba amsar komai naka ba don

haka idan an daura aure sai a kai maka wata

amayar amma ba dai ni ba."

.

Tana gama furta kalaman sai ta juya ta shige

gida tan kunkunai hade da yin tsaki. Saurayin

ya bi ta da kallo har ta bace, maganganunta

na ta faman amsa kuwa da kururuwa a

kwakwalwarsa. Tuni har ya fara lissafo

mutanen da ke bukatar a sai musu likkafani a

cikin jerin wadanda zai aika barzahu, indai

har ba a kai masa amaryarsa daki nan da

kwanaki hudu masu zuwa ba

_____________

BABI NA UKU

.

Ba kasafai Nazifi yake barcin rana ba, domin

kuwa ko ba inda yake da bukatar zuwa, da

wahala ka same shi a kwance da rana tsaka

kai ko rashin lafiya yake yi bai cika kwanciya a

daki da rana ba,

.

bar shi dai ya fito kofar gida ya zauna a dakali ya karanta mujallun fina-

finai ko kuma littafan soyayya. To amma

kuma sabanin wannan halayya tasa da aka san

shi da ita shekara da shekaru, kwanaki biyu

kenan Nazifi yana wuni a gida a kwance, ko

lekowa waje ba ya yi

.

Mahaifiyarsa Tabawa ta yi iyakar kokarinta

don ya fada mata dalilin canjin wannan

halayya tasa amma kuma abin ya faskara, ya

ki ya fada mata, sannan kuma babban abin da

ya fi ba ta mamaki shi ne wai a cewarsa

lafiyarsa kalau, ba inda ke yi masa ciwo. A

cikin kwanakin biyun nan ko wurin sana'arsa

ta kafinta bai leka ba,

.

wanda abu ne mai wahala ko ma kuwa menene dalilin a ce

Nazifi ya ketare rana daya bai je wurin

wannan sana'a tasa ba.

To amma kuma abinda ya tsorata Tabawa shi

ne, wani lokacin idan yana kwance yana barci

idan ta leka dakinsa

,

 sai taji yana ta sambatu a cikin barci, yana fadar sunan wata yarinya

wai ita A'isha. Sannan kuma wani lokaci sai ta

same shi yana ta murmushi

.

 Ko da Tabawa ta lura da wannna bakon al'amari da ya sami danta Nazifi sai ta ce da shi a fusace a wuni na biyu

.

"Haba ai ni dama na san a rina ai ga irin ta

nan kullum kwanan duniya yaron nan sai na

yi fama da kai ka rika shan maganin miyagu

da kuma na mutanen boye, amma taurin kan

tsiyarku na `yan zamani ya hana ka Nazifi, ga

shi nan ai ka yi gamo da aljana za ta sabautar

da kai a banza."

.

Tun daga wannan lokaci Tabawa ta fara

shirye-shiryen kaiwa bokanyarta ziyara,

domin kuwa ta san cewar wannan aljana da ta

cafi danta guda daya da take alfahari da shi a

duniya, duk tsiyar aljanar in dai har ta kai ta

wajen kwararriyar bokanyarta Iya mai

dogari, to ko ba ta shirya ba sai ta fice daga

jikin danta Nazifi

.

To amma kuma shi Nazifi ya san cewar ko sarakan bori na duniya ne suka taru a kan shi ba za su iya maganin

wannan matsala tashi ba, domin kuwa duk

kwarewarsu akan wannnan sana'a ba za su iya

mallaka masa masoyiyarsa  da ya kamu da

ciwon so ba, wacce saura kwanaki biyu kacal a

daura aurenta da wani saurayin can daban

....

CIWON SO kenan

___________

MASOYA AKIYAYE

Izan zaka so mutum  to ka soshi daidai wa daida

Haka nan  yan mata kada ku dauki son duniya ku daurawa saurayi/budurwa, daga karshe kuma ku rasasu, rayuwarku ta fada cikin garari

.

Its shuraih 99%

AJALI

Na Shafi'u Dauda Giwa

Typing by Shuraih Usman

Post by shuraih 99%

@shuraih 99%

Page 8

.

Kamar kullum a cikin kwanaki biyu yana

kwance sai mahaifiyarsa ta shigo cikin dakin.

Ya yi tsammanin zancen neman maganin ta

zo yi masa, to amma sabanin haka sai ta ce

da shi.

.

"Wata yarinya ce wai ta zo tana son ganin ka,

shi ne na ce bari in zo in sanar da kai."

.

Nazifi ya mike zumbur cikin mamaki, domin

kuwa inda haka nan ne banza sai a wuni ana

fama da shi ba zai tashi ba, kai a cikin

kwanaki biyun nan har lokacin sallah sai ya zo

ya wuce yana kwance ba zai yi ba.

.

Amma yanzu daga jin an ce wata ta zo nemansa, duk da dai bai san ko wace ce ba, amma a can

cikin zuciyarsa sai ya ji ya dokanta da ya fita

din.

.

 Ya tashi da sauri kamar ba shi ne ke wuni

a nannade a gado ba, kamar wanda ake yiwa

karin ruwa. Lallai dai sha'anin yaran zamani

sai dai a bar su, Tabawa ta fada a zuciyarta,

ita ma ta fice daga dakin.

.

Fitar sa ke da wuya ya cikaro da ita a tsakar

gida tana sanye da atamfa shudiya da kuma

dan fingilin gyale. Hakika zatonsa ya zama

gaskiya domin kuwa wacce yake tsammani ce

ya gani. Suka yiwa juna murmushi, Nazifi ne

ya fara yi mata magana.

.

"A'isha da ma ashe ke ce...?"

Ta jefe shi da murmushin Allah kashe ni don

dadi, sannan ta ce da shi.

"Kai da wa kake tsammani?"

"Ban yi tsammanin ki ba, domin kuwa na

dauka cewar tuni kin mance da ni A'isha."

Ta sake jifan shi da wani murmushi.

.

"In ban da abinka Nazifi ka taba ganin inda

mace ta mance da mijinta? Ko ba ka san

cewar ni a matsayin mijina nake daukarka ba,

ko ka mance da alkawarin da na daukar maka

ne in dai ina da miji a duniya ai kai ne

Nazifi."

.

Ya lumshe idanu don farin ciki, a zuciyarsa ya

ce Allah ya sa haka ya zama gaskiya A'ishata,

sannan ya ce da ita.

.

"Zo mu shiga daga ciki A'isha nan ba wurin da

za mu tattauna matsalolinmu ba ne."

Suka shiga cikin dakinsa, rufin kwano doron

zabuwa amma kuma babu silin babu komai a

ciki idan aka tsame dan tsurkun gadonsa na

katako mai kama da makara da kuma wata

kujera daya ita ma ta katako mai kafa uku da

rabi. A'isha ta yi wa kujerar kallon nutsuwa

kafin ta sami mazauni a kanta, domin kuwa

tunda suka shigo cikin dakin ta dubi

rubabbiyar kujerar ta fara zullumin cewar da

wahala kujerar ta iya daukar nauyin mutum

dukansa

.

To amma kuma cikin sa'a sai kuma

ta dauke ta gaba daya, duk da yake dai takan

nemi ta turgude a dalilin nakasar da ta yi na

gutsurewar  rabin kafa guda. Nazifi ya fada

kan gadon katako

. Da farko A'isha ta yi tsammanin gadon zai baje a kasa, to amma

abin mamaki sai ta ga shi ma gadon taurin rai

gare shi irin kujerar, bai yi komai ba sai dai

burari da raki domin kuwa ko'ina a jikinsa ihu

yake yi da zarar an motsa.

.

Saurayin da budurwar suka kalli juna cikin

nutsuwa, Nazifi ya fara magana "A'isha ina

fatan ba ki samu wata babbar matsala ba a

wurin mahaifinki, domin kuwa ransa ya baci

sosai a dalilin ganina da ya yi tare dake."

.

Ta ce da shi "Kai zan yiwa wannan tambayar

ka riga ni Nazifi, domin kuwa tun rabuwarmu

nake faman zullumin ina fatan bai doke ka ba

Nazifi."

Ya yi ajiyar zuciya.

.

"Bai doke ni ba amma kuma gara ma a ce

duka na ya yi da abin da ya sanar da ni. Ya

gargade ni kada in sake kusantar inda kike

A'isha. Wannan kalami da ya yi ya sosa

zuciyata, a dalilin haka ne na sami kaina a

cikin wani hali mawuyaci. Tun wannan lokaci

ban sake fita ko waje ba kullum ina nan a

daki ina jimamin rabuwata da ke domin ni

ban ma yi tsammanin zan sake ganin ki ba

har abada, A'isha."

.

Ta yi murmushin karfin hali.

"Duk wannan bai kamata a ce sun sa ka

tsorata ba, domin ni kaina ya sha yi mini

wannan barazanar, don haka ka kwantar da

hankalinka Nazifi, aski ya riga ya zo gaban

goshi."

.

Ya dube ta cikin rashin fahimta, "Kamar yaya

ban gane ba?"

Ta sake yin murmushin. "Abin da nake nufi

shine wahalar mu ta zo karshe in dai ka

shirya, kuma da gaske kana kauna ta har cikin

zuciyarka kamar yadda ni ma nake kaunarka"

Ta dan saurara sannan ta ce da shi a sanyaye.

''Nazifi ka shirya gobe mu je a daura mana

aure.''

.

Saurayin ya ji gabanshi ya fadi ras da kalaman

suka dira a cikin dodon kunnen shi a bazata,

kadan ya rage ya fado kasa don tsananin

razana.

.

''A`isha aure fa kika ce?''

Ta dube shi har cikin idanunsa ta ce da shi.

''Aure mana Nazifi ko ba ka shirya ba ne,

dama yaudarata kawai kake son yi ban sani

ba."

.

Saurayin ya dubi kwayoyin idanin `yar

budurwar da ke zaune akan kujera ta sa shi a

gaba, ya tabbatar lafiyar ta kalau ba tabin

hankali ta samu ba, ya ce da ita cikin mamaki.

.

"A'isha kin taba ganin inda saurayi da

budurwa kawai suka ware kansu suka aurar

da kansu ba wasu shaidu ko waliyyai, sannan

kuma ya za a yi a ce gobe-gobe ba wani

shirye-shiryen komai."

.

`Yar budurwar ta ce da shi "Ni ba cewa na yi

ka sayo min akwatuna ba, sadaki kawai nake

so a wurinka, shi ma don ya zama dole ne, da

ba zan bukaci komai a wurin ka ba kuma shi

din ma sai abinda ka kawo ka ba ni. Malamin

da zai daura mana aure da shaidu, kai ko ma

mene ne ake bukata ba za mu sha wahalar

samu ba.

.

 Wannan alhakin ka ne ka nemo mana malami wanda zai daura mana aure

cikin sirri daga mu sai mu sai shi. Daga nan

kuma sai ka samar mana wurin zama na sirri

.

Duk wadannan abubuwan ne da ya kamata a

ce ka shirya su a gobe domin kuwa idan abin

ya wuce gobe, to mun rasa juna kenan har a

bada."

.

Shiru bai ce da ita komai ba domin kuwa

maganganun da take fada duk sun gama sa

shi tsurewa. Zuwa can sai ya ce da ita cikin in-

ina "To ai ni a gaskiya A'isha wallahi abin ne

ya zo mini duk a kurarren lokaci, kuma bayan

haka kin dai gani da idanunki wallahi ba wani

wadata ne da ni ba kuma ba wata

kwakkwarar sana'a nake yi ba. sannan...."

,

Ta katse shi cikin damuwa.

.

"Duk da haka dai na tabbatar a matsayinka na

namiji indai  har ka yi niyya duk wadannan

abubuwan ba za su gagare ka ba, in dai har

kana sona da gaske to bai ma kamata ka tsaya

ka kawo mini wadanan matsalolin ba,

kasancewar dai ko rance ka nema a wurin

abokan sana'arka ba za ka rasa samu ba. Ba

wasu kudin ba ne masu yawa za ka tanada ba

Nazifi, sadaki kawai fa na ce ina bukata, daga

nan kuma sai 'yan kudin da za a baiwa

limamin da zai daura auren, don mu rufe

bakinsa kada ya tona mana asiri. Haba Nazifi

ka yi tunani fa ka gani, akwai wanda ya kashe

miliyoyin kudi a kaina, amma na ce ba na

kaunar shi sai kai Nazifi, amma kuma kana

nema ka ba ni kunya, ka kware mini baya."

.

Ya yi saurin cewa da ita "Ba haka ba ne

A'isha, ke kina ganin kamar ba na son

al'amarin ne, wallahi ina so. To amma

matsalolin da ke tattare da al'amarin nake

hangowa. Idan fa muka yi auren nan a boye,

muka nemi wurin zama dole ne a yi bincike

don a gano inda kike a garin nan, kuma abin

duniya ba ya boyuwa, dole ne asirin mu ya

tonu wata rana, don aure ba abin wasa ba

ne."

.

"To sai me don an gane daga baya in dai mun

yi auren? Ai shi kenan, ka san dai duk duniyar

nan idan an taru ba mai raba mu, tunda

muna son juna. Kuma wai kai tsoron me ma

kake ji? Sai ka ce ba namiji ba. Rigima wa ta

kashe a duniya? Mu yi auren nan shi ne mai

wahala, komai zai biyo baya ya ma biyo. Ni fa

mace ce Nazifi amma har in ce na ji na gani a

kan soyayyar mu, amma kai kana namiji ka

tsaya kana fargaba. Ni wallahi ka fara ba ni

kunya Nazifi."

.

Ta kura mishi idanu a yayin da ya yi shiru

yana mis-mis da baki, yana kokarin fitar da

tunani daya tsakanin amincewa da kuma

sabanin haka, daga nan sai ta cigaba da ta ga

bai ce komai ba.

.

"Idan kuma kana ganin ba zai yiwu ba, shi

kenan ba matsala sai in tashi in yi tafiyata, ka

nuna mini kenan da ma ba kauna ta kake yi

ba, sai in je in rungumi kaddara in auri

wancan saurayin da ba na kauna a zuciyata,

wanda shi kuma yake sona kamar ya hadiye

ni. Ba komai Nazifi, dama an ce son maso

wani koshin wahala."Ta mike daga kan musakar kujerar da niyyar

ficewa. Nazifi ya yi farat ya ce da ita, bakin sa

na rawa.

.

"Ki gafarce ni A'isha, abin bai kai mu ga haka

ba. In dai don wannan maganar ce kina

bukatar komawa ki zauna, na amince zan yi

duk abin da kika ce da ni. Ni dai a halin yanzu

ko sisi ba ni da shi a aljihuna, to amma kuma

tunda kin ce da ni rigima ba ta kashe uban

kowa, to ni ma zan jarraba yin ta, don na san

ba za ta kashe ni ba. Domin kuwa ba karamar

rigima ba ce mutum ya tunkari aure awoyi

ashirin da hudu masu zuwa sannan ya nemi

gidan haya, da kuma kudaden limamin daurin

aure duk kwana daya kacal, amma kuma bai

tanadi ko ahu a aljihunsa ba, ke ma kin san

wannan katuwar rigima ce, A'isha."

.

___________

Tab malam Nazifi kwarankwasa maganarka dutse ce,

Don da rigima na kisa, da wannan typing din bai zo gareku ba sakamakon rigimar dana jajibo ma kaina shekaran jiya, sai de dakyar na sha yayin da fuskata ta suntuma suntum, idanuwa na sukai luhu luhu, sakamakon dukan da na ci wajen .........

Kaga su o'o da o'o an kasa kunne don jin tsurku to na fasa bada labarin, its shuraih 99%

.

Part 9 is loading

AJALI

Na Shafi'u Dauda Giwa

Typing by Shuraih Usman

Post by shuraih 99%

@shuraih 99%

Page 9

.

Washegarin ranar tun da sassafe misalin

karfe bakwai, Nazifi ya fara zirga-zirga a cikin

garin yana fafutukar nemo rancen isasssun

kudin da zai rike

,

 kafin nan da wadansu awoyi

in dare ya yi, domin kuwa a yadda suka rabu

da 'yar budurwar ta ce da daddare za ta zo ta

same shi su wuce wurin daurin aure.

.

To amma kuma tun a jiya din bayan sun rabu

yake ta faman cuku-cukun inda zai sami kudin

da yake bukata, amma kuma shi dai a iyaka

kokarin sa bai san inda zai samo wadannan

kudi ba.

.

Sannan kuma bugu da kari ba shi da wata

tsohuwar ajiya ko kuma wadansu kadarori

ballantana ya daga su ya makar don ya sami

kudaden da yake bukata. Ya san cewa in dai

ba tsohon kekensa ba to da wahala ya sami

wani abu da zai sayar, wanda kudinsa za su

kai dubu daya, ko suturunsa ya daga ya sayar

ya san cewar ba za su samar masa kudin ba.

.

Don haka ya kasance cikin rashin kwanciyar

hankali ko wani barcin kirki bai yi ba.

Duk mutanen da Nazifi yake tsammanin zai

sami kudi a wurinsu, da kuma abokansa duk

ya bi su daya bayan daya amma kuma Allah

bai sa ya dace ba

.

Da rana ta take misalin karfe sha biyu sai Nazifi ya zauna a makarin

wata kwalbti dake bakin titi, yana tunanin

inda zai sake dosa kuma gashi lokaci

kara kurewa yake yi.

.

Nazifi yayi ajiyar zuciya, sannan ya mayar da hankalin shi kan motocin

da ke wucewa ta gabashi ya yiwa kansa

murmushi, da ya yi tunanin cewar wai saura

bai fi awoyi takwas masu zuwa ba ya zama

ango, amma kuma babu ko ahu a aljihunsa,

.

gashi kuma wata azababbiyar yunwa ma yake

ji, ko abin da zai sa a cikin shi bai mallaka ba

amma kuma wai a yau ne zai tare da sabuwar

amarya, wacce wani ya kashewa kusan

miliyan guda don a mallake ta, lallai wannan

shi ne daukar dala ba gammo.

.

To wai shin me zai sa ma in dami kaina ne?

Nazifi ya tambayi kanshi lallai fa bai kamata

ba ma ya tsaya yana damun kanshi, domin

kuwa ita ta ce ta ji ta gani, ko ba shi da ko

sisi, ya san cewar za ta san inda za ta samo

masa kudaden tun da dai ta riga ta mutu akan

kaunarsa.

.

 Ya sake yiwa kansa murmushi

sannan ya ce a bayyane.

"Kada ka damu Nazifi, ko baka da ko sisi yau

sai ka zama ango a duniyar nan, kuma sai ka

tare a dakin kyakkyawar amarya, wacce

farashinta ya zo daidai da naira miliyan..."

.

Bai gama tunanin ba ya ji dirar zukekiyar

motar a gabanshi, ya dawo hayyacinsa cikin

kaduwa a lokacin har gilashin motar ya sauka

kasa

,

suka dubi juna shi da dogon saurayin

dake cikin motar, shi kadai sanye da bakar

kwat, yana murmushi. Da farko Nazifi bai

gane shi ba, domin kuwa rabon da a ce sun

hadu da wannan saurayi tun a makarantar

sakandire, inda suka gama tare, to amma a

halin yanzu ya kara girma da kiba da ba don

tun a wancan lokaci sun shaku ba, to har ga

Allah da Nazifi bai gane babban abokinsa Gali

ba.

.

"Nazifi me kake yi a nan zaune, lafiya"

Nazifi ya mike ya dafa tagar motar ya ce

dashi cikin mamaki "Gali ashe dama kana

duniyar nan"

Saurayin ya yi dariya.

.

"Ina nan a raye Nazifi, ina nan a garin

wallahi"

Samarin biyu suka gaisa cikin farin ciki nan

suka tuna da tsohuwar abotarsu tun suna

makaranta.

.

"Wallahi Gali na cire tsammanin za mu sake

haduwa, domin kuwa tun shekara da shekaru

na neme ka har na gaji." Amma kuwa har

yanzu tunanin awoyin da suka rage ta zo ta

same shi ne zuciyarsa.

Gali ya ce da Nazifi ya bude bangaren mai

zaman banza ya zauna suka sake gaisawa da

Gali babban aminisa. Gali ya ce da shi.

.

"Na san cewar dole ne ka yi mamakin

bacewar da na yi shekara da shekaru Nazifi,

ba na kasar ne domin kuwa tun bayan gama

makaranta ni ban ci gaba da karatu ba, sai na

shiga aikin soja, aka turani kudancin kasar

nan, daga baya kuma da za a je sasanta

rigimar kasar Saliyo aka diba har da ni.

.

Tun wancan tsawon lokacin muna can sai bara aka dawo da mu, shi ne na dawo gida a halin

yanzu don in yi aure, domin kuwa wallahi

abokina mun sami alheri sosai a dalilin

wannan yaki da  muka je."

.

Nazifi ya ce da shi cikin yake-yake, dariya-

dariya.

"Ai na ga alama wallahi mutumina ka sami

hutu, mu muna nan har yanzu a rabe muna

ta `yan buge-buge, amma ba wani canzawa

kullum muna guri guda."

.

"Tun bayan gama makarantarmu me ka yi

Nazifi?"

Ya yi ajiyar zuciya sannan ya ce da shi.

.

"Ba na aikin komai Gali, kawai dai ina dan

taba sana'ar kafinta wacce nake dan samun na

batarwa a cikinta"

.

Gali ya dan nuna damuwarsa a fuska sannan

ya ce da shi.

.

"Rayuwa kenan Nazifi sai hakuri, ka san

cewar kowa rabon shi yake samu a duniya

mutum bai wuce rabon shi Nazifi."

.

Nazifi ya yi murmushi a zuciyarsa yace "Ni

kuwa na san haka tunda gashi ba ni da ko ahu

amma zan auri kyakkyawa wacce wani

miloniyan ke burin ya aura a duniya."

.

"Yanzu zaman me kake yi a nan kai kadai

cikin rana, Nazifi?"

Ya sake yin ajiyar zuciya,

"Wallahi wannan zaman da ka ga na yi Gali

ina cikin wata katuwar matsala ce wacce ta fi

karfina."

.

Gali ya yi masa murmushi ya ce da shi.

"Ni kuwa ban yi tsammani cewar a wannan

halin da nake ciki har akwai wanda zai ce ya fi

ni shiga matsala ba, matsalarka ba ta kai ko

rabin wacce nake ciki ba"

.

Nazifi  ya ce dashi.

"Haka dai ka ce Gali amma da a ce za ka ji

matsalata, kai da kanka za ka san cewar ta fi taka matsalar" fada min matsalar taka na ji ni kuma zan fada maka tawa matsalar." Nazifi ya kurawa gilashin

motar idanu ko kiftawa ba ya yi sannan ya ce

da abokin nasa

.

"A halin yanzun da ka ganni a nan Gali, yau

ne za a daura aure na kuma a yau ne zan

nemi gidan da za mu zauna ni da amarya,

amma kuma ko sisin kwabo ba ni da shi a

aljihuna

.

Ka san cewar ina cikin matsala maigirma, Gali"

Gali ya tuntsire da dariya.

.

"To kai Nazifi ya aka yi ka daukowa kanka

wannan rigimar, ka san cewa ba ka da ko sisi?

sai ka ce za ka auro `yar tsana ba mutum

ba?"

.

Nazifi ya dube shi sosai ya ce.

"Wallahi rigima ce kawai Gali, bari ka ji yadda

abin ya faru. Tun farko yarinyar ce ta like

mini na rasa yadda zan yi da ita shi ne ta ba

ni zabi ko dai in nemo kudi a daura auren a

yau din nan ko kuma mu yi hannun riga

ma'ana mu rabu , to ni kuma ina bala'in son

yarinyar nan Gali, kullum tana raina, shi ne

na yi mata karya zan nemi kudin amma har

yanzu da ka same ni a nan ko kwabo bai zo

hannuna ba, kuma anjima za a daura

aurenda  daddare"

.

Gali ya yi ajiyar zuciya sannan ya ce.

"Eh, to kai ma kana cikin matsala Nazifi, to

amma kuma dai har yanzu ina jin matsalata

ta fi taka domin kuwa ni ma gobe ne za a

daura aurena da wata yarinya, na kashe kudi

sun kusa miliyan daya a kan wannan yarinya,

.

to amma kuma ba ta kauna ta ko nan da can.

Ko jiya da na je wurinta da zage-zage muka

rabu amma kuma gobe ne za a daura mana

aure domin kuwa tuni har na gama rarraba

katin gayyata, Nazifi."

.

Nazifi ya ce da shi "Ina ban da abinka Gali me

ya ja maka yin wannan tabargaza? Yaya za a yi

bayan kasancewar yarinyar ba ta kaunar ka

amma kuma ka kashe mata wadannan uban

kudade sai ka ce za ka auri `yar zinariya, ba

wacce take da jini irinka ba?"

.

"Wallahi Nazifi ni ma dai rigima ce kawai ta

sa ni yin wannan aika-aikar domin kuwa irin

ciwon son yarinyar nan da nake shi ya sa na

turawa iyayenta wadannan makudan kudade,

domin kuwa na san cewar duk tsiyarsu dai ko

ba sa so dole ne su ba ni yarinyar, tunda dai

ba za su iya biyana kudin da na kashe ba."

.

Abokan biyu suka tuntsire da dariya a lokaci

guda hade da tafa hannuwa. Nazifi ya ce da

abokin nasa.

.

"Kai rigima dai ba ta karewa a wannan

duniyar Gali, in kana duniya ka ga tsiya iri-iri,

wato in da za ka san cewar ni dan tsiya ne,

bani da kirki abokina, wani miloniya ne fa ke

son yarinyar nan tawa amma kada ka ga

yadda take kwabsa shi

.

An ce wai da motoci yake zuwa wurin ta zuka-zuka, amma kuma na kwace mishi ita."

Suka sake fashewa da dariya Gali ya ce

.

"Ai ni har yanzu ban ma gano nawa abokin

karawar ba, wallahi na rasa dan iska da ke

hurewa tawa budurwar kunne a garin nan. To

amma ina nan ina zuba idanu sai na gano dan

banza."

.

Ya rage fara'a sannan ya ce da abokin nasa.

"Ka san abin da zan yi masa kuwa Nazifi?"

Nazifi ya girgiza kai cikin rashin fahimta. Gali

ya dan yi busasshen murmushin mugunta

sannan ya ce da shi.

.

"Harbe shi zan yi da `yar kaunar bindigata."

Suka sake yin dariya a lokaci guda, amma

shi Nazifi yake-yake yi ba dariya ba, domin

kuwa bai taba tsammanin irin wannan tunani

na kashe mutum a zuciyar abokin nasa ba.

.

To amma kuma abin da bai sani ba, shi ne

abokin nasa yafi jin tausayin kashe kiyashi

fiye da kashe  mutum. Gali ya tattara

hankalinshi wuri guda sannan ya ce da Nazifi.

.

"Kada ka damu Nazifi zan magance maka

matsalarka gaba dayanta, daga nan kuma sai

mu dawo ni ma ka taya ni don mu magance

tawa matsalar.

.

Yanzu dai da farko zan ba ka gida da zaka zauna kai da amaryarka domin

kuwa ina da sababbin gidaje har guda uku a

garin nan duk gaba daya na ginasu, sannan

kuma zan ba ka isassun kudin da za ka yi

hidimar komai da komai na wannan aure."

.

Nazifi ya ji numfashinsa ya dauke, don

tsananin murna, "Na gode sosai Gali, wallahi

ka yi bala'in `yanto ni mutumina"

.

Gali ya jawo wata bakar jaka da ke bayan

motar, ya dorata a kan cinyar Nazifi, sannan

ya danna wani kwado murfin jakar ya  bude.

Nazifi ya some a zaune, jakar dankare take

da 'yan dari biyar-biyar sabbi fil da su, suna

ta daukar idanu. Gali ya dafa kafadarsa cikin

tsokana sannan yace da shi.

.

"Kai banza na ga duk ka bi ka wani rude sai ka

ce ka ga wasu kudin arziki Ka da ka damu Nazifi ba su da yawa rabin

miliyan ne, da ma yanzu na je banki na amso

su, Allah ya sa rabonka ne, ka je ka yi

hidimar aurenka da su."

.

Nazifi ya dubi abokin nasa a rude ya ce da shi

cikin kidimawa "Duka ka bar mini Gali?

Rabin miliyan fa ka ce...?"

Gali ya daga masa girar idanunsa sannan ya

ce da shi.

.

"Eh, rabin miliyan ne Nazifi, ko sun yi maka

kadan ne in kara maka kamarsu su zama

miliyan guda?"

.

Nazifi bai gasgata kunnuwansa ba.

________

Hehe Rikici bata kisa amma da alama zata fara takan Nazifi

SOJA GALI yayi tabargaza, shin meye tunaninku alokacin daya gano budurwarsa daya rage saura kwana biyu a daura masu aurene, Nazifi zai aura, kuma zasu zauna cikin gidansa, me zai faru

.

GWARAMA KENAN

Its shuraih 99% ________________

BABI NA HUDU|

.

Dogon malamin wanda ke sanye da dogayen

kaya farare rike da dogon carbi a hannunsa

ya gyara zaman katon nadinsa, wanda ya

mike tsawon bayan sa ya kwanta, kamar

wutsiyar doki, ya dubi saurayin da budurwar,

wadanda ke zaune a gaban shi suna

sauraronsa kamar wadanda ke daukar darasu

ya ce dasu cikin girmamawa,

.

"Yara me yake tafe daku?"

Nazifi da A'isha suka dubi juna a sannan

lokaci guda suka yi ajiyar zuciya, domin kuwa

shi dai Nazifi tun kafin su zo wurin malamin

da ma yana shakkar da wahala idan za su yi

nasara, to amma dai a yadda ya ji ana kishin-

kishin tabbas ya ji an ce wai wannan malami

dan tsubbu ne shi ya sa ya zabi su zo wurin

sa, domin kuwa ya san cewar zai dan fi saukin

kai in dai suka nuna mishi makudan da ke

hannusu

.

Nazifi ya dan yi masa murmushi sannan ya ce da shi.

"Mhm. da ma malam wata `yar matsala ce

ke tafe da mu zuwa wurinka."

.

Malamin ya sake gyara zaman a kan tafkeken

buzu, sannan ya gyara zaman nadinsa mai

kama da mushen jimina, domin kuwa tun

zuwan wadannan yara biyu saurayi da

budurwa, ya ji kansa yana dan sarawa kamar

zai yi ciwo, domin kuwa duk ya rasa kansa

kamar ba mutane ba.

.

"Ni fa a gaskiya ban gane abin da kuke nufi

ba, ban san me yake tafe da ku ba. Ina jin da

za ku fito fili ku fada mini matsalarku da zan

fi son haka, amma kuna ta wasa da hankalina

sai ka ce wani karamin yaro."

.

Nazifi ya sunkuyar da kan shi cikin ladabi ya

ce da malamin.

"Ka yi hakuri malam lamarin ne yana da dan

wahala shi ya sa ka ji muna fargabar fada

maka."

.

Malamin ya shafi dogon gemunsa ya ce da su

"Duk da haka dai tun da kun rigaya kun zo ai

sai ku fada mini in ji domin kuwa ina da aiki

da yawa a gabana, kun ga yanzu dare ne

lokaci ne da muke aiki da rauhanai, ba

lokacin tsayawa wasa ba ne." Wannan karon

yana magana yayin da yake dan zazzare ido don

barazana.

.

Saurayin da budurwar suka sake kallon juna.

`Yar budurwar tana sanye da burmemen

hijabi, tana sauraron diramar da ake yi

tsakanin saurayinta da kuma malamin mai

kama da rauhani, domin kuwa ya mafi kama

da rauhanin fiye da mutane. Nazifi ya ce da

shi kai tsaye..

.

"Alagafarta malam ka gafarce mu, ba wani

abu ya sa muka zo wurinka ba ni da wannan

masoyiya tawa sai kawai don wata `yar

bukata wacce muke son ka share mana hawaye a

kan ta."

.

Nazifi ya dan saurara sannan ya cigaba.

"Alagafarta malam mun zo gurinka ne don

ka daura mana aure a boye, ma'ana ba ma

son kowa ya san da faruwar wannan

al'amari."

,

Dogon malamin ya zaro idanunsa cikin rudani

kana ya yi saurin dafe kan shi. A wannan karo

ji yake kamar zai rabe gida biyu domin kuwa

duk shekarun da ya dauka yana wannan

sana'a ta tsubbu ya hadu da attajirai da

talakawa, `yan kasuwa, da kuma `yan siyasa,

kai har da `yan fashi da makamai, amma ko

sau daya bai taba jin wani ya zo masa da

tatsuniya irin wannan ba, sai a wannan karon.

.

Ya gyara zamansa sannan ya muskuta baya

kamar yana tsammanin za su haushi da duka

a cikin dan tsurkun dakin nasa na ganawa da

baki.

.

"Ku gafarce ni yara a gaskiya ba ni jin zan iya

wannan aikin, ina jin sai dai ku lalubi wani

malamin amma dai ni ba na irin wannnan

aika-aikar."

.

Nazifi ya dubeshi cikin damuwa.

"Ka taimake mu malam, wannan ba wai abin

assha ba ne domin kuwa kai ma za ka samu

lada, tun da dai raya sunnar fiyayyen halitta

ce."

.

Malamin ya ce "Ba wai taimakon naku ne

bana son yi ba, to amma shi aure ba haka

nan ake yin sa kawai ba wani bincike ba,

domin kuwa ni yanzu ba zan iya sani ba ko da

aure a tsakaninku ko babu ba, tunda dai ban

taba ganinku ba. Sannan kuma ban san da

wacce manufa za ku yi auren ba."

.

Nazifi ya sake marairaicewa.

"Wallahi malam ba wata manufa, muna so ne

kawai mu yi aure, wadansu matsaloli ne suka

sa za mu yi a boye."

.

"To me ya sa ba za ku sa iyayenku a gaba su

wakilci maganar ba? Ko ba ku da iyaye ne a

nan garin?"

.

Masoyan biyu suka sake duban juna, kana

saurayin ya ce, "Muna da iyaye Malam, to

amma dai wannan wani sirri ne a tsakaninmu

da kai. Mun wakilta ka ka zama iyayenmu,

sannan kuma ka zama waliyi a tsakaninmu

duka, kuma kai ne shaida."

.

Malam ya tattara carbinsa wuri guda kamar

`ya`yan goriba sannan ya dubi masoyan biyu

ya ce da su.

"Aure irin wannan ba shi da kyau, ko kuma in

ce yana da matsala domin kuwa babu

mamaki ma kun sha nono daya."

.

Nazifi ya ce a marairace.

"Wallahi malam ba mu sha nono daya ba,

masoyiyata ce ba kanwata ba ce."

Malam ya sake hade fuska duk ya yi zufa

sharkaf ya ce da su "Kai ni fa ban taba yin

wannan aika-aikar ba, a gaskiya sai dai ku

gafarce ni ba zan aikata wannan tabargazar

ba, domin kuwa shi aure ba haka kawai

ake..."

.

Maganar ta makale a makogwaronsa, bai

samu damar karashewa ba sakamakon

abinda ya hango a hannun saurayin. Sababbin

`yan dari biyar ne dami guda suna daukar

idanu. Saurayin ya ajiye kudin a gaban

malamin sannan ya ce da shi

.

"Amincewarka muke bukata ba wa'azinka ba

Malam, domin kuwa ba haka nan za mu barka

ba. Idan ka amince ka dauki wannan duk naka

ne ladan aiki. Idan kuma ba ka amince ba shi

kenan sai mu dauke kudinmu muje gaba wani

malamin ya daura mana auren. To amma dai

me ka gani?"

.

Malamin ya sake gyara zama kamar wanda

yake zaune a kan kunama, ya sake duban

kudin a halin yanzu bayan ciwon kan da yake

ji har wani abu kuma yake ji yana tsikarar

hakarkarinsa da cikin zuciyarsa. Ya yi ajiyar

zuciya sannan ya ce da saurayin.

.

"Kada ku damu yara zan dan yi shawara. Mu

gani, ni dai a gaskiya ban taba irin wannan ba,

to amma dai tunda kun ce a taimaka muku ai

dole ne a taimaka muku din. Ina ganin ba

wata matsala ta yanka maka sadaki ka biya,

yanzu nan ma sai a daura muku auren, ku yi

tafiyarku."

.

Yana gama fada ya warce damin kudin, ya

bankada karkashin tafkeken buzunsa ya watsa

su ciki. Duk fa wa'azin da ya yi musu a baya

duk ya mance.

.

_____________________________________

Shuraih 99%

.

"Ku yi hakuri Gali, wallahi ni kaina ban ji

dadin faruwar wannan mummunan al'amari

ba. To ka san zamani ya canza. Wallahi ni

kaina ban san lokacin da yarinyar nan ta

lalace haka ba, ban taba tsammanin zata iya

guduwa ta bar gida a kan wannan maganar

ba."

.

Gali da ke sauraron Alhaji Dage ya hade

fuskar shi.

''Agaskiya Alhaji ba zan yarda da duk abinda

za ka fada mini a kan wannan al`amari ba.

Ta yaya ma za a ce in gama raba katin

gayyata, anjima nan jama`a fa za su fara

zuwa kofar gidan nan don daurin aurena da

yarinyar nan, amma ka ce da ni wai tun

daren jiya ba a san ma inda take ba

.

Dole ne a nemo mini matata, in dai ana son zaman lafiya.''

Alhaji Dage ya gyara zaman faskeken

tabaronsa, wanda ya fi fuskarsa sai ka ce

wazirin akun magana jari.

"Bai kamata a ce ka yi saurin fushi haka ba

Gali, domin kuwa wannan yarinyar dai ba za

ta bata ba a garin nan. Koda bayan an daura

auren dole ne a nemo ta, dole ne a gano

inda ta shiga."

.

"Haba Alhaji, to amma saboda Allah yaya za a

ce an daura mana aure ba amarya? Kai ma ka

san cewa wannan ba karamin tonon asiri ba

ne a gare ni. Ya kamata dai a san abinda ake

ciki kawai."

.

Siririn mutumin ya share zufa de ke kan

dokin wuyansa. "Wallah ni kaina ban san me

yake damun wannan yarinyar ba. To ka san

bai yiwuwa ka haifi yaro sannan kuma ka haifi

halinsa, wannan hali nata ni ban san inda ta

samo shi ba, domin kuwa daga ni har uwarta

duk mutanen kirki ne wallahi."

.

Gali ya harari mutumin a fakaice, a zuciyarsa

ya ce "Kana matsayin mutumin kirki amma

ka damfare ni kusan miliyan guda, don kawai

za ka ba ni 'yarka?" To amma dai a zahiri

cewa ya yi da shi, "Ni dai ka ji bayanina

Alhaji, in dai har ba a gano mini amaryata ba,

to ina jin mu duka sai kawai mu yi hakuri da

maganar. Domin kuwa jiya aka daura auren

abokina, muna so ne mu hada bukukuwanmu

rana daya da aurenmu, amma kuma ni a ce

wai ba a ga tawa amaryar ba. Wannan ai

tonon silili ne ake nema kawai a yi mini."

.

dan motsattsen mutumin ya yi ajiyar zuciya,

jikinshi ya soma kyarma domin kuwa a yadda

ya lura da kwayoyin idanun saurayin ya san

cewar abubuwan da yake fada har cikin

zuciyarsa abinda yake nufi kenan.

.

"To ni yanzu don Allah me kake son in yi

maka? Ai'sha dai ni na haife ta, kuma ta

kwashe kayanta ta gudu ta bar gidan nan, me

kake so yanzun in yi maka, tunda ka ce ba ka

yarda ba?"

.

Saurayin ya sake hade fuska sannan ya ce da

shi.

"Ai ba wani abu ba ne mai wahala, ina ganin

Alhaji, in dai ban takura maka ba, ai ina gani

ban yi laifi ba idan na ce ka shiga cikin gida ka

tattaro min kudadena da na kashe tun farkon

soyayyata da 'yarka A'isha. Domin kuwa idan

har za ka iya tunawa ka amshi manyan

kudade a wajena, kuma kai ma ka san dai ai

ba kyauta na ba ka su ba, domin kuwa inda a

ce ni talaka ne ba ni da kumbar susa, na

tabbata daidai da rana daya ba za ka taba

barina in zo kofar gidanka har in furta ina

neman 'yarka ba

.

 Don haka ni ma na rika ba ka kudaden da kake bukata, na san dai ba ka mance ba da su ba."

Saurayin ya dan yi murmushin takaici sannan

ya ci gaba da shaidawa ramammen tsohon

.

"Tun fara neman auren A'isha na fara lissafin

abubuwan da nake kashewa a dalilinta, kai

hatta man da nake zubawa a motata in zo

wurinta, da kuma kudin da nake baiwa yara

su kira min ita, duk ina rubutawa. A halin

yanzu lissafi ya yi kauri, domin kuwa kullum

sai na ciro doguwar takardata ta lissafi, na yi

bitar kudaden da ke cikin akawun dina da

wurinka

.

Don haka na ba ka awowi goma ka

tattaro min kudadena. In ba haka ba, ka ji na

rantse maka da Allah, sai na dankara ma ka harsashin bindiga,

tsohon banza makwadaici kawai macuci!"

.

Gali ya bude kofar motar a fusace ya shiga ya

tashe ta. Ya juyo ya dubi motsattsen

mutumin, wanda a halin yanzu ko'ina a

jikinsa kyarma yake yi hatta fuskarsa da ke dakon faskeken tabaron

ita ma kyarma take yi, duk da uban kayan da

aka jibga mata,

.

"Kada ka damu Baba, na ga ka rude, ai kudin

ba wasu masu yawa ba ne, miliyan daya da

dubu dari bakwai da hamsin kawai, sai naira

dari uku da talatin da biyar." Ya fizgi motar ya

fice a guje daga kofar gidan

.

Motsattsen mutumin ya bi kurar motar da kallo. A daidai

lokacin ne faskeken tabaron ya kubuce daga

'yar mitsitsiyar fuskar tasa, ya fadi kasa. Tuni

har ya fara tsammanin hawan jini.

.

___________

Shuraih 99%

Iyaye ayi hattara da amsar kudi ko wani abu a hannun siriki kafin Aure

.

Duniya ta lalace da cin hanci wai har MALAMAN ADDINI suna RASHAWA

._____________

AJALI

Na Shafi'u Dauda Giwa

Typing by Shuraih Usman

Post by shuraih 99%

@shuraih 99%

Page 11

.

____________

Tsawon mintuna biyar mafadaciyar matar na

ta faman yiwa mijin nata banbami. Yana

tsaye kawai yana duban ta, sai zufa ke ta

faman kwararo masa, tana wanke masa

fuska, kamar ana yi masa sakiya

.

 Ya rasa da me zai ji tsakanin masifar da kuma gargadin da surukinsa ya zo ya yi masa. Ya san cewar

wannan saurayin dan bindiga-dadi ba hankali

ya cika ba, kamar yadda da ma ya dade yana

jin ana cewa ba duk soja ne ke da cikakken

hankali ba

.

Hakika yana iya aikata duk

abubuwan da ya fada, ga shi kuma yanzu

Juma ta tuso shi a gaba da tata masifar.

.

Duk ya rasa abinda ke masa dadi a duniya.

"Kawai aikin banza Malam, ka jawo min 'yata

kwalli kwal da nake alfahari da ita a duniya ta

tattara kayanta ta gudu, da ma haka kake so

sai ka zuba ruwa a kasa ka sha, burinka ya

cika."

.

Alhaji Dage ya yi shiru, bai ce da ita kala ba,

domin kuwa ya san cewa yanzu ba lokacin

tankawarsa ba ce, don kuwa har ga Allah

matar tasa ta tunzura. Ya san cewa idan ya

biye mata, tana iya kama shi da kokawa,

kuma ba ya kokwanto ya san cewa shi za ta

kayar

.

Shi ya sa ya rufawa kansa asiri ya rabu

da ita, in ta yi ta gaji dai ai dole ne ta bari.

Juma ta sake cewa da motsattsen mutumin

cikin kwarmato kamar za ta hadiye shi.

.

"Wai me kake nufi ne Alhaji, ba ka ce komai

ba. Ko kuwa kana nufin shi kenan, kai ka

cinyewa mutane kudi, ni kuma ka bar ni da

asarar 'yata. To ai sai ka sake tunani, don

kuwa ba kyale ka zan yi ba, duk inda 'yata ta

shiga sai ka je ka kwakulo min ita, in dai kana

son zaman lafiya a duniyar nan, to wallahi ka

nemo min A'isha domin kuwa duk kai ka

jawo mana wannan masifar."

.

Ramammen mutumin ya yi ajiyar zuciya, a

karo na farko ya ga cewar ya kamata dai ya

dan ce  wani abu. Don kada ta ga ya ki tabuka

komai, ta sake haye masa yadda ta ga dama.

.

"Ba na son rashin albarka, Juma." Ya ce da

ita, "Ni kike yi wa wannan tsagerancin ko

kuwa kin fi ni son 'yar tawa ce, da kike fada

min wadannan maganganun? Ko kuwa ni ne

zance ta gudu ta bar gidan? Wannan

tsinanniyar yarinya ina amafaninta, duk ba

halinki ta kwaso ba? Ke din a da can me ye ba

ki yi ba? Ba don yanzu an mance, ba a tone-

tone, shi ne har kin samu bakin magana.

Kada in sake jin muryarki a kan maganar nan

Juma."

.

Ya zazzaro mata idanunsa da ke cikin

fasasshen tabarau, a tsammaninsa watakila ta

dan ji tsoro ta lafa. To amma kuma cikin

rashin sa'a sai ya ga ta yi shewa, sannan ta yi

tafi ji kake fas, ta ce da shi.

.

"Lallai yau da tone-tone a gidan nan. Au kai

nan har gori zaka yi min? Ka mance da

abubuwan tsiyar da ka kuntuka a baya? Haka

fa kawai nake zaman hakuri da kai.

.

Shi ne yanzu har ka samu bakin da za ka yi tonon

silili. To ai sai mu fara a ji ni da kai wa ya fi

wani mugun tabo, ba tsoron ka nake ji ba

Alhaji, mu yiyar tonon asiri."

.

Alhaji Dage yayi saurin tsayar da ita, da ya ga

ta sake hayewa.

"Duk wannan ba ta taso ba, ni dai gaya miki

na yi dama don  maganar da ya dace ki rika

fada, ai ba cewa na yi za mu yi wani tone-

tone ba, don kuwa mu dai ba yara ba ne, ya

isa a ce mun mallaki hankalinmu a halin

yanzu."

.

Juma ta yi guda sannan ta ce da shi.

"Ashe ka ji tsoro mai gida. Ai na so mu

jarraba tonon silili da kai wallahi da ka ga dan

biki da cika yau a gidan nan. In ana fadin abin

kunya kai har ma ka sa baki a gidan nan. In

ba abin kunya ba mene ne amfanin karbarwa

mutane dukiya don za su auri yarka? Haka

fa ka yi ta yi wa ragowar yayan danginka da

ka rika a gidan nan. Ka aurar da yan mata

sama da biyar duk a bisa zalunci. Yanzu suna

can dakunan mazajensu suna shan wahala ana

yi musu gori da wulakanci, tunda  dai ka

saida musu da mutunci. To ni ba mai yi wa

yata A'isha wannan mulkin mallakar, mu

zuba ni da kai a gidan nan tun da kai ba ka

gudun abin kunya."

.

Mutumin ya yi ajiyar zuciya, ba shi da ta cewa

domin kuwa duk abin da matar ta fada

gaskiya ne duk ya aikata. Yana jin ta ta ci gaba

da cewa da shi.

.

"Duk wanda ya sa ranshi a kwadayin abin

duniya dole ne ya ga wulakanci mai gida,

amma ina amfanin a ce a matsayinka na

babban mutum wanda zai yiwa wani nasiha a

ce kana rigima kai da surukanka kana amsar

musu dukiya? Yanzu ga abin da ka jawo

mana, wannan mutunci ne?"

.

Ramammen mutumin ya girgiza kan shi

kamar uwa na wa danta fada "To ai laifin

yarinyar ne  ni wannan tsinaniyar yarinyar

wallahi ta cuce ni.."

.

"Ka da ka tsinewa yata a banza domin kuwa

ba ta da laifi, kai ka jawo mana wannan

rigimar muna zaman zamanmu lafiya. Ka san

cewar A'isha ba ta kaunar yaron nan ka nace

a kan maganar nan don ka gan shi da kumbar

susa, ga shi yanzu kana jin tsoron fita waje ka

da surukinka ya harbe ka

.

 Ina na taba jin irin

wannan abin tsiya ma a duniya, ni Juma."

Alhaji Dage cikin nadama ya ce.

.

"Kin ga laifina ne a banza Juma, amma a

matsayina na magidanci saboda Allah ba ni

da yanci zabarwa yata mijin da na ga ya fi

dacewa da ita? Wani zamani dai Allah ya kawo

mu inda yara ke kangarewa su fi karfin

iyayensu.

.

Mu a zamaninmu wane yaro ya isa

ya ce shi zai yiwa kansa zabi sai wanda ya ke

so, mu kuma mutane sai mu bar abu ya

lalace da kanmu, mu ce ai zamani ne, da

gangan ake kyale yara suna wannan iya

shegen da fitsarar ana kallon su."

.

"Ba haka ba ne maigida" Juma ta ce da shi

"Ko ka ki ko ka so al'amura suna canzawa,

kuma zamani ya kan zo da abubuwa iri-iri

dole kuma mutum ya bi abinda zamani ya zo

da shi matsawar bai sabawa shari'a ba. Ai ba

haramun ba ne don yaro ya zabi wanda ya ce

yana so ya aura. Kuma da ka ce a naka

zamanin ba haka ake yi ba, kai zamaninka ka

sani, ba ka damu da zamanin yayanka ba. A

zamanin naka ai bante ake daurawa ba sutura

ba, me ya sa ba za ka cigaba da daura bante a

wannan zamanin ba, tun da ka ce ba ka

amince da canjin zamani ba, sai ka koma

tafiya tsirara da bante, don kuwa shi ake

daurawa zamaninka na baya."

.

"Yanzu dai mu bar wannan maganar" ya ce da

ita abin da ya faru dai ya riga ya faru, dole ne

in sanar da jami'an tsaro su shiga cikin

maganar don a kawo karshen wannan rigima,

kafin abin ya kai mu ga kashe-kashe don na

ga alamar abin da wannan mahaukacin sojan

ke nufi kenan, in ya so daga baya sai in sayar

da gidana na sabuwar unguwa in biya shi

kudadensa, ita kuma A'isha sai a nemo ta a

bata wanda take so."

.

Juma ta dan saki ranta ta ce da shi.

"To yanzu da ka yi haka kai kanka ba ka fi jin

dadi a ranka ba? Ai wannan shi ne datattako

maigida, yanzu to ka nemi a zauna lafiya."

Kamar aikin budar idanu cikin yan tsararun

mintuna mafadanta ma'auratan biyu suka

dawo cikin raha kamar ba su ba. Shekaru

sama da talatin kenan, suna wannan halayya,

an ce a cikin minti daya sai su hautsine da

fada, kafin kiftawa da bismillah sai kuma a ga

sun dawo suna dariya.

.

 To sai dai kuma a wannan karon da sun san cewar akwai wani

shu'umin saurayin da ya cika bindigarsa da

harsashi, sannan kuma ya saya musu likkafani

jana'iza da ba su sake yin wata raha ko dariya

ba.

_____________

A'isha ta dubi angonta Nazifi cikin farin ciki

sannan ta ce da shi "Nazifi 'darling' yau dai

Allah ya cika mana burinmu, mun zama mata

da miji. Duk duniya babu mai raba mu ni da

kai masoyina."

.

Nazifi ya dube ta shi ma duba na so da kauna

yana kwance a kan doguwar kujerun da ke

cikin tsararren dakin da suke ciki, ya ce.

"Ai ni A'isha ba ma abinda zan iya cewa sai

dai kawai in godewa Allah da kuma wannan

abokin nawa domin kuwa wallahi ni dai ya

gama yanto ni, ya yi min komai na alheri."

A'isha da ke zaune a kusa da shi ta ce cikin

mamaki "Wai da gaske bayan ya ba ka rabin

miliyan har kuma wannan gidan duk shi ya ba

ka, Nazifi?"

.

"To ga zahiri ma kin gani A'isha tun da har ga

shi kuma na shigo da ke kin tare a ciki, ko

kuwa ke a da kin ga na yi miki kama da

wanda zai iya mallakar wannan tsantsareren

gidan?"

.

A'isha ta yi dariya farin ciki.

"Mun gode masa wallahi. Don Allah sai

yaushe zai zo don in gan shi mu yi masa

godiya ta musamman akan wannan abin

alheri da ya yi mana?"

.

Nazifi yace da ita "An jima nan kadan za ki ji

ya zo ya kwankwasa mana kofa domin

kuwa shi ma yau ake daura aurensa da wata

yarinya a nan garin kuma mun yi da shi zai

biyo min ya dauke ni mu wuce wurin daurin

aure tare."

.

A'isha ta sake lumshe idanu cikin murna ta

ce.

"Mun gode wallahi, Allah ya bar zumunci

tsakanin mu da shi. Yaya sunan tasa amaryar

Nazifi?"

.

Nazifi yayi farat ya ce.

"Ai abin namu ni da shi ya zo daya domin

kuwa saboda tsabar shakuwa da muka yi da

shi, har ankon sunan amare muka yi, cikin sa'a

ita matar tasa sunanta A'isha."

.

Suka yi dariya, A'isha ta ce.

"Lallai abin yayi min dadi Nazifi, ka ce kun

samar min kawa kenan ni ma" Suka ci gaba

da dariya abin gwanin ban sha'awa. Suka fito

da naman kaza suka tasa a gaba, dama tun

tarewa su gidan a daren jiya Nazifi ya sawo

dakwalen kaji soyayyu har guda uku. Tun a

jiya suka cikye biyu saura ragowar daya wacce

suka baje a halin yanzu.

.

Ba abin da ya dame su, kudine dai sun samu abin kamar daga sama, dole ne su godewa wannan abokinsu

mai farar aniya.

A daidai wannan lokaci ne Gali ya karaso

kofar gidan fuskarsa a murtuke kamar wanda

aka yiwa albishir da mutuwa. Lokaci-lokaci

yakan kai hannusa cikin aljihu ya shafi

bindigarsa. Kamar yadda ya tsara a ransa,

.

daga nan idan ya gama gaisawa da ango da

amarya, to farauta zai wuce abinsa. Ba

farautar namun daji zai fita ba, farautar

amaryarsa A'isha zai fita da kuma saurayin da

aka ce ya sace masa ita sun gudu. Kuma ya

sha alwashin muddin ya yi ido biyu da A'isha

da wannan saurayi da ya sace ta, to ba wani

bata lokaci duk aikawa da su zai yi barzahu

.

Gali ya yi murmushin mugunta sannan ya

sake mika hannu ya shafo bindigarsa wacce

ke boye a cikin aljihu. Ya daga hannu ya

kwankwasa kofar gidan a sanyaye. A'isha da

Nazifi da ke cikin gidan suna baiwa juna

naman kaza a baki, suka dubi juna cikin farin

ciki a dai dai lokacin da suka jiyo sautin

bugun kofar "Kin ji dan halak!"

.

Nazifi ya ce

"Shi ne yake kwankwasa kofa, Gali ne

abokina. Je maza ki bude masa kofa ki rako

shi, A'isha."

.

Amayar ta ce da angonta a sanyaye.

"Wata kila ma wasu miliyoyin kudin ya sake

kawo mana 'darling'."

Nazifi ya ce "Babu mamaki, A'isha ai na fada

miki abokin nan nawa yana bala'in sona, ke

dai je ki bude masa kofa, ki tarbo shi ya

shigo."

.

___________

YAU KAM RIGIMA ZATaYI KISA

.

Ya kuke ganin zata kaya

Ku biyoni Shuraih 99% a littafin AJALI

Nazifi ya ce "Babu mamaki, A'isha ai na fada miki abokin nan nawa yana bala'in sona, ke dai je ki bude masa kofa, ki tarbo shi ya shigo."

.

A'isha ta mike cikin farin cikin tana rangwada ta nufi kofar gidan.

Hakika sun yi dace ita da angonta Nazifi, Allah ya hada ta da mai sonta kuma ita ma take kaunarsa. Ya raba ta da wannan wahalallen da a da ya nace mata, A'isha ta ce a zuciyarta tana murmushin farin ciki.

.

Ta kama kofar gidan da hannayenta biyu, ba tare da wani fargaba ko zullumi ba TA BUDE MASA kOFAR!

****====******

Dankareren kayataccen gidan ne da ya kai matuka wajen tsaruwa. Jama'a da dama kan dakata don yiwa kyakkyawan gidan kallon tsaf! saboda ginuwarsa.

Mutane da dama kan tuna da kayataccen gidan saurauniyar ingila

dake "BUCKINGHAM PALACE" a duk lokacin da suka dubi tsararren gidan. Wani dadin abin da ke matukar jan hankalin jama'a ga hadadden gidan shi ne daddadan kamshin furanni dake gewaye da gidan.

dan tsamurmurin dattijon maigadin da ke zaune akan bencin a gefen katotuwar kullalliyar kofar gidan mai fasalin fuka-fukan dawisu, ya dan yamutsa fuska gami da gyara rikon jaridar da ke hannusa tamkar mai tsammanin shekowar wani a guje ya wafce ta, cikin zakuwa ya soma bude shafukan cikin ta, a shafi na biyar ya yi ido hudu da labarin da yayi matukar jan hankalinsa mai taken KADDARA KO FANSA!

.

A hanzarce ya muskuta gami da gyara zama, kana ya sake kafa kwala- kwalan idanunsa akan hotunan gawarwakin wasu mutane biyu mace da namiji da ke gefen rubutun, cikin zakuwa ya soma karantawa.

.

A safiyar jiya ne yan sanda suka tsinci gawar

wani saurayi Nazifi tare da masoyiyarsa A'isha.

.

An tsinci gawarwakin ne yashe a cikin wani sabon gida bayan an harbe su da bindiga har lahira.

Tuni jami'an tsaro sun cafke wanda ake zargi da aiwatar da kisan gillar wanda ya kasance wani matashin soja wanda shima yake kaunar budurwar, wanda kuma har an sa ranar bikin su da ita amma kuma ita ba ta kaunarsa.

.

Mahaifin yarinyar mai suna Alhaji Dage ya yi

nadamar afkuwar mummunan al'amarin sannan kuma ya tabbatarwa da wakilinmu cewar dukkan wannan al'amari da ya afku laifinsa ne sakamakon tilastawa diyar tasa da ya yi a kan sai ta auri wanda ita ba shi take so ba. A karshe ya yi kira ga iyaye a kan su dinga mayar da hankali a kan dukkan abin da `ya`yansu ke bukata matsawar dai hakan bai sabawa addini ba.

.

 Sannan kuma ya yi doguwar addu'a gami da bayyana matukar alhininsa ga mamatan

.

Don jin yadda zata kaya mu hadu a cigaban littafin nan mai suna A’ISHA don

jin karshen sarkakiyar sarkakakken labarin.

Na gode, naku Shafi’u Dauda Giwa.

.........................

Anan kuma ayau muka kawo karashen littafin AJALI amma da yardar Allah daga nan zuwa wani lokaci zan saka maku cigabansa

.

AJALI

Na Shafi'u Dauda Giwa

Typing Shuraih Usman 99%

....

JINJINA GA

Shafukan

Shuraih 99%

Zauran labarai

Home of Littatafan yaki and Hausa novels

.

Ina mika sakon gaisuwata ga ahalin kungiyar

TSANGAYAR MARUBUTA

TASKAR GIDAN LITTAFI